Bota Postuar më 2 Qershor 2022, 14:01

Elon Musk kundër 'smart-working': Ata që nuk punojnë të paktën 40 orë në javë në zyrë, s’kanë vend në Tesla!

Nga SCAN TV

Puna për Elon Musk, është më e rëndësishme se talenti. Njeriu më i pasur në botë e ka bërë të qartë në më shumë se një rast në të kaluarën. Duke treguar se si e ka paguar shtrenjtë në ato pak raste që ka pushuar. Ai kritikoi ashpër nëpunësit e Tesla që ankohen se punojnë shumë, duke shtuar se dhe ai punon bashkë me ata.

Në një letër të publikuar në rrjetet sociale drejtuar pikërisht nëpunësve të Tesla të cilët vijojnë të punojnë nga shtëpia, ai bën të qartë se një gjë e tillë nuk është më e pranueshme. Ai thekson se të gjithë duhet të jenë në zyra minimalisht për 40 orë në javë, në të kundërt duhet të largohen nga kompania. Madje ai shton se kjo kërkesë është më e butë në krahasim me atë që i shtrohet atyre që punojnë në fabrika.

Nuk dihet nëse kjo vlen vetëm për degët e Tesla në Shtetet e Bashkuara të Amerikës apo dhe për ato në Berlin dhe në Shanghai. Në qytetin kinez nëpunësit punojnë 12 orë në ditë, me vetëm një ditë pushimi dhe gjatë mbylljes së qytetit si pasojë e rasteve me Kovid, ata kanë fjetur në fabrikë.

Personave të ndryshëm që e kritikojnë Musk i përgjigjet se në rast se nëpunësve të tij nuk i pëlqen atëherë duhet të shkojnë të bëjnë sikur punojnë në një vend tjetër.

Fabrika, për Musk, ka një rol qendror në zhvillimin dhe prosperitetin e kompanive të tij. Sipërmarrësi nuk lejon pengesa, as ato të imponuara nga qeveria amerikane. Pandemia e shtyu biznesin e Musk drejt Teksasit, që kishte kufizime më të lehta se shteti i Kalifornisë që kishte urdhëruar Tesla-n të mbyllte fabrikën e saj gjatë bllokimit të parë të vitit 2020. Në fakt, prillin e kaluar, Musk inauguroi në Teksas, afër Austin, Gigafactory-in e ri të Teslës.

Deklaratat e tij vijnë në një moment që punonjësit e tij kanë bërë të mundur që Tesla të arrijë një vlerë tregu prej 1 trilion dollarësh, fabrika e parë në botë për prodhimin e automjeteve që arrin këtë shifër rekord.

SCAN

Sondazh

Poll

Live TV

Të fundit
Të gjitha lajmet

Më të vizituarat