Biden, $7 miliardë për kompanitë e hidrogjenit - Synon zero emetime të dioksidit të karbonit deri në vitin 2050
Presidenti amerikan, Joe Biden udhëtoi drejt Filadelfias të premten për të njoftuar përfituesit e 7 miliardë dollarëve në grante federale në 16 shtete për zhvillimin e shtatë qendrave rajonale të hidrogjenit, duke avancuar me planin për dekarbonizimin e ekonomisë së SHBA.
Njoftimi i financimit për të rritur prodhimin dhe vendet e punës u mbajt në Pensilvani, një shtet që mund të përcaktojë zgjedhjet presidenciale të vitit 2024. Shtatë qendrat e propozuara, përfshijnë kompani gjigante të naftës dhe teknologjisë, si Exxon Mobil apo Amazon, ndërsa projektet e tyre do të përfshijnë 16 shtate, nga Pensilvania e deri në Kaliforni.
Programi synon të fillojë prodhimin e “hidrogjenit të pastër” së bashku me infrastrukturën e nevojshme për ta çuar atë te përdoruesit industrialë, si prodhuesit e çelikut dhe fabrikat e çimentos. Gjatë një eventi në Terminalin Detar Tioga në Filadelfia, Biden tha se kemi të bëjmë me investimin më të madh të prodhimit të avancuar në historinë e SHBA”, duke shtuar se investimi total do të arrijë në 50 miliardë dollarë, nëse merren parasysh edhe investimet shtesë nga kompanitë private.
“Jam këtu për të shpallur një nga investimet më të mëdha të prodhimit të avancuar në historinë e këtij kombi. 7 miliardë dollarë në investime federale që do të tërheqin 40 miliardë dollarë në investime private në hidrogjen të pastër dhe energji elektrike. Projektet do të shpërndahen në 16 shtete dhe do të krijojnë dhjetëra mijëra vende pune me pagesë të mirë, shumë prej tyre nga sindikatat. Është një investim prej 50 miliardë dollarësh në konkurrencën tonë ekonomike, një energji më e fortë, ekonomi e sigurt dhe luftë kërcënimit të ndryshimeve klimatike,” deklaroi Biden.
79 propozime kishin aplikuar për të marrë financime.
“Investime federale për të tërhequr investime të sektorit privat. Paketa krijon vende pune në industri si energjia e pastër dhe tregon se jemi të gjithë së bashku. Dhe kjo është ajo që ka rëndësi sot. Kam vendosur një objektiv që vendi ynë të arrijë në zero emetime neto jo më vonë se 2050, sepse ky është i vetmi kërcënim ekzistencial për njerëzimin. Nëse nuk e bëjmë këtë, nëse nuk realizojmë këta objektivë, e gjithë bota do të ndryshojë. Hidrogjeni i pastër do të na ndihmojë ta përmbushë këtë qëllim,” shtoi presidenti amerikan.
Administrata e Biden ka vendosur një objektiv për të rritur prodhimin e hidrogjenit të pastër në 10 milionë metër tonë deri në vitin 2030 dhe 50 milionë deri në vitin 2050, dhe e konsideron karburantin një opsion ideal për uljen e emetimeve nga përdoruesit industrialë si sektori i çelikut apo çimentos.
Hidrogjeni prodhohet duke elektrolizuar ujin dhe karburanti mund të konsiderohet i pastër, ose me emetim të ulët, nëse prodhohet duke përdorur energji të rinovueshme, energji bërthamore ose gaz natyror, nëse shoqërohet me teknologjinë e kapjes së karbonit.
Kompanitë e energjisë thonë se lëndët djegëse fosile mund të shërbejnë si lëndë e parë nëse projektet kapin dioksidin e karbonit të prodhuar dhe e mbajnë atë jashtë atmosferës, një teknologji që ende nuk është prodhuar në shkallë komerciale.
Ligji për infrastrukturën, i firmosur nga Biden në vitin 2021, përfshin miliarda dollarë për të zhvilluar të ashtuquajturin hidrogjen të pastër, një teknologji që industria dhe avokatët e energjisë së pastër e kanë mbështetur prej kohësh si një mënyrë për të reduktuar emetimet e gazrave serrë, të prodhuar nga lëndët djegëse fosile.
Vizita e Biden në Filadelfia ishte e teta për këtë vit dhe e ka bërë qytetin një ndalesë të rregullt për eventet zyrtare dhe të fushatës.
Lidion Kulla / SCAN
Sondazh
Investitorët preferojnë dollarin si aset i sigurt - Përshkallëzimi i konfliktit rrit oreksin e tregjeve për monedhën e gjelbër
Dollari amerikan po qëndron në rënie të lehtë në sesionin e parë të kësaj jave, megjithatë po tregtohet pranë nivelit më të lartë në 1 javë, për shkak se......
Nënçmimi i euros “than” depozitat - Në 12 muaj, kursimet bankare në valutën europiane u tkurrën 90 Milardë lekë
Tkurrja e vlerës së depozitave të shqiptarëve në euro për shkak të nënçmimit të saj në raport me lekun ka qenë një prej efeketeve anësore më problematike të......
Mbahet në Tiranë samiti i Procesit të Berlinit - Krerët e BE: Integrim në tregun e përbashkët evropian, por duhen reforma
Liderët e Bashkimit Evropian dhe Ballkanit Perëndimor u mblodhën në Tiranë për të marrë pjesë në Samitin e Berlinit, që për herë të parë zhvillohet jashtë......
A është gati bujqësia për të shmangur përmbytjet? - Raporti/ 27 hidrovore në gatishmëri, ndërhyrje në rrjetin kullues
Me nisjen e shirave të parë në stinën e vjeshtës, fillojnë të shfaqen edhe problematikat për fermerët që lidhen me përmbytjet dhe shkatërrimin e të mbjellave.......
Starton emisioni “Box to Box”, në fokus pronat - Drejtori i ATP-së, Durda: Kompensim i plotë për ata me faturë deri 15 mijë USD
Nisi në televizionin “Scan” rrugëtimin emisioni më i ri “Box to Box” një hapësirë e dedikuar për trajtimin e temave dhe çështjeve që prekin drejtëpërsëdrejti......
Bie volumi i parave në qarkullim jashtë bankave - Gjithsesi, sasia e parave Cash në Shqipëri është shumë e lartë në 408 miliardë lekë
Pas disa muajsh rritje të fortë, volumi i parave në qarkullim jashtë bankave ka shënuar rënie në shtator, por gjithësesi duke mbetur në nivele shumë të larta.......
Hartoi planin për pavarësinë e Kosovës – Ndërron jetë diplomati dhe nobelisti Martti Ahtisaari
Ish-presidenti i Finlandës, Martti Ahtisaari, ka ndërruar jetë në moshën 86-vjeçare në Helsinki, ka bërë të ditur Presidenca finlandeze. Martti Ahtisaari......
40.7% e udhëtarëve zgjodhën Morinën për të kaluar - Analiza, sa hyrje dhe dalje u regjistruan në pikat kufitare në Shqipëri?
‘Scan Intel’ ka analizuar të dhënat mbi numrin e pasagjerëve që kanë udhëtuar nëpërmjet transportit rrugor, të dhëna këto që përfshijnë hyrjet dhe daljet e......
