Ulet numri i lejeve të ndërtimit, por rritet sipërfaqja/ Tirana vijon të mbajë peshën kryesore të zhvillimit me 93 leje
Instituti i Statistikave ka publikuar të dhënat më të fundit për tremujorin e tretë të vitit, ku vërehet një zhvillim i dyfishtë në sektorin e ndërtimit. Ndërsa numri i lejeve për banesa dhe hotele ka shënuar rënie, sipërfaqja e totale e parashikuar për ndërtimin rezulton më e larta krahasuar me dy tremujorët paraardhës, sidomos ajo e ndërtimit të banesave.
Sipas të dhënave, gjatë kësaj periudhe janë miratuar 289 leje ndërtimi për ndërtesa të reja, ndërkohë që sipërfaqja totale e planifikuar arrin në 350,603 metra katrorë. Vlera e projekteve të miratuara, përfshirë ndërtesat dhe punimet inxhinierike, kap shifrën e 15.9 miliardë lekëve, duke regjistruar ulje nga tremujori i kaluar, edhe pse vlera që i përket ndërtimit të banesave paraqitet në rritje.
Ndërtimet për qëllime banimi vijojnë të dominojnë aktivitetin ndërtimor në vend, me 231 leje dhe një sipërfaqe prej 273,190 metrash katrorë. Kategoria e ndërtesave jo-rezidenciale, ku përfshihen hotelet, ndërtesat tregtare dhe ato industriale, përbëhet nga 58 leje me një sipërfaqe totale prej 77,413 metrash katrorë. Qarku i Tiranës vijon të jetë epiqendra e zhvillimit ndërtimor, duke kryesuar listën me 93 leje të reja dhe 252,026 metra katrorë sipërfaqe ndërtimi duke përbërë shumicën e hapsirës të miratuar në lejet e ndërtimit në rang vendi, çka reflekton kërkesën e lartë për ndërtime të reja në kryeqytet.
Rritje e vlerës së projekteve është vërejtur edhe në qarqet Elbasan, Kukës dhe Dibër, megjithatë këto shifra nuk lidhen domosdoshmërisht me rritjen e ndërtimeve për banesa apo biznese, pasi përfshijnë edhe projekte infrastrukturore si rrugë dhe autostrada.
INSTAT sqaron se procesi i miratimit të lejeve të ndërtimit përfshin disa institucione përveç bashkive. Për shkak se ende nuk ekziston një raportim i unifikuar nga të gjitha këto institucione, të dhënat e publikuara për këtë tremujor bazohen vetëm në burimet bashkiake. Të dhënat e publikuara në tremujorin e tretë 2025, nuk mund të krahasohen me të dhënat e tremujorit të tretë 2024.
Më të vizituarat
AIDA merr pjesë në Konferencën e Biznesit Gjermani – Shqipëri në Berlin dhe organizon një workshop mbi investimet në Shqipëri
Më 30 prill 2026, në ambientet e Haus der Deutschen Wirtschaft u zhvillua Konferenca e Biznesit Gjermani –Shqipëri, një takim i rëndësishëm i përfaqësuesve......
Sa mjete qarkulluan në Shqipëri në fillim të vitit 2026? Dominojnë markat gjermane, me Volkswagen dhe Mercedes në krye të preferencave
Numri i mjeteve rrugore në Shqipëri vijon të rritet me ritme të qëndrueshme, duke kaluar shifrën prej 1 milion në tremujorin e parë të vitit 2026. Sipas të......
“Paketë mbështetjeje nëse çmimet rriten” - Malaj: Po monitorojmë situatën. Do të ndërhyjmë nëse është e nevojshme
Qeveria do të ndërhyjë me paketa lehtësuese për grupet vulnerabël nëse rritja e çmimeve do të jetë përtej normales dhe situata e konfliktit në lindjen e......
“Ndërtimi dhe turizmi rritën pagat e punonjësve” - Malaj: Reagim ndaj nëndeklarimit. 77 mijë përfitues nga rimbursimi përmes DIVA
Buxheti i shtetit ka rritur të ardhurat në tre muajt e parë të vitit me 250 milionë euro në raport më Janar-Mars 2026. Në konferencën e përmuajshëm për......
1 trilionë lekë depozita vetëm në Tiranë - BSH: Rënie e kursimeve në të gjithë qarqet e tjera. Sinjal i mundshëm i rritjes së konsumit
Shuma e kursimeve të mbajtura nga qytetarët, bizneset, qeveria qendrore dhe ajo vendore, vetë bankat, kompanitë e sigurimit dhe fondet e pensionit, shoqëritë......
Video
