Shqiptarët më jetëgjatët në Ballkan/ Jetojmë mesatarisht 79 vite, femrat kryesojnë edhe me më shumë
Një raport i fundit i publikuar nga Worldometer hedh dritë mbi jetëgjatësinë mesatare të njerëzve në vende të ndryshme të botës, duke përfshirë të dhëna historike që nga viti 1955 deri në vitin 2025. Sipas këtij raporti, Shqipëria renditet në një pozicion relativisht të favorshëm në krahasim me vendet e tjera. Jetëgjatësia mesatare në Shqipëri është 79.95 vjeç, ku femrat jetojnë mesatarisht deri në 81 vjeç, ndërsa meshkujt rreth 78 vjeç. Këto të dhëna e rendisin shtetin në vendin e 47-të nga gjithsej 201 vende të botës.
Në rajonin e Ballkanit, situata paraqitet me dallime të lehta mes shteteve. Bosnje-Hercegovina ndodhet në vendin e 58-të me një jetëgjatësi mesatare prej 78 vjetësh. Në këtë shtet, femrat jetojnë deri në 81 vjeç, ndërsa meshkujt afro 74.8 vjeç. Maqedonia e Veriut është renditur në vendin e 69-të, me një jetëgjatësi mesatare prej 77.6 vjetësh, ku për femrat kjo shifër arrin në 79.8 vjeç dhe për meshkujt në 75.4 vjeç. Mali i Zi ndodhet në vendin e 71-të, me një jetëgjatësi të përgjithshme prej 77 vjetësh.
Edhe këtu vërehet një diferencë gjinore e ngjashme me vendet fqinje: femrat jetojnë mesatarisht 80 vjeç, ndërsa meshkujt 74 vjeç. Serbia, nga ana tjetër, ndodhet në fund të listës për Ballkanin dhe në vendin e 75-të në rang global, me një jetëgjatësi mesatare prej 77.1 vjeç. Gratë jetojnë rreth 80 vjeç, ndërsa burrat mesatarisht 73.8 vjeç. Ajo që bie në sy është fakti se Shqipëria kryeson në rajonin e Ballkanit për jetëgjatësinë mesatare, duke lënë pas të gjitha vendet fqinje.
Raporti zbulon gjithashtu tendencat globale, ku në krye të listës për jetëgjatësinë më të lartë qëndron Hong Kongu, me një mesatare prej 85.7 vjetësh. Menjëherë pas tij vijnë Japonia dhe Koreja e Jugut, me jetëgjatësi mesatare përkatësisht 85 dhe 84.5 vjet.
Në kontinentin europian, tre nga shtetet me jetëgjatësinë më të lartë janë Zvicra, Italia dhe Spanja. Zvicra udhëheq me një mesatare prej 84.23 vjetësh, pasuar nga Italia me 84.03 vjet dhe Spanja me 83.96 vjet. Këto vende dallohen për sisteme të fuqishme shëndetësore, mirëqenie sociale të lartë dhe ushqim tradicional mesdhetar që njihet për përfitimet shëndetësore.
Live TV
Mbi 1.6 mld lekë për rigjenerimin urban të banesave në 12 qarqe - FSHZH hap garën, synohet rritje e eficiencës energjetike e përmirësim të kushteve
Fondi Shqiptar i Zhvillimit ka shpallur hapjen e garës për projektin “Rigjenerimi urban i stokut të banesave, Faza IV”, që parashikon ndërhyrje në 12 qarqe......
Forcimi i lekut “zbuti” inflacionin nga jashtë - Themeli: Banka e Shqipërisë pret një rritje të lehtë të çmimeve në muajt e ardhshëm
Kursi i këmbimit, pra forcimi i lekut dhe zhvlerësimi i euros, kanë bërë të mundur që rritja e çmimeve jashtë vendit të mos përcillej aq shumë në ekonominë......
Dy parqe të mëdha fotovoltaike në Shqipëri - ERE nis procedurat për 120 MW në Lushnjë dhe Devoll
Dy projekte të reja fotovoltaike, me një kapacitet të kombinuar prej 120 MW, kanë avancuar në procedurat rregullatore për prodhimin e energjisë elektrike në......
Huatë mbi 5 vjet “pushtojnë” portofolin/ Fitojnë terren në tremujorin e dytë. Vlora kryeson me peshën më të madhe
Huatë me afat mbi 5 vjet po zënë pjesën më të madhe të portofolit të huave në Shqipëri. Në fund të tremujorit të dytë të vitit 2026, ato përbënin rreth 65.7%......
