Më shumë gra shofere në rrugët e Shqipërisë/ Grupmosha 25-34 vjeç me numrin më të lartë të lejeve të drejtimi për të dyja gjinitë
Të kesh një makinë dhe leje drejtimi nuk po shihet më si luks, por si nevojë e domosdoshme veçanërisht për ata që jetojnë në kryeqytet dhe në qytetet e mëdha. Lëvizja e përditshme, puna, detyrimet familjare apo thjesht dëshira për pavarësi e kanë kthyer makinën në pjesë të pandashme të jetës urbane.
Sipas analizës të “Scan Intel”, të bazuara në statistikat e Drejtorisë së Përgjithshme të Transportit Rrugor, nga viti 2020 deri në vitin 2024 vihet re një rritje e numrit të qytetarëve që pajisen me leje drejtimi. Por ajo që bie më shumë në sy është rritja e numrit të grave që marrin patentë ka pësuar një rritje të konsiderueshme krahasuar me katër vite më parë.
Në vitin 2020 ishin të regjistruar rreth 1 milion drejtues mjetesh, ku 76.9% ishin burra dhe vetëm 23.1% gra. Në vitin 2024 ky raport ka ndryshuar ndjeshëm: burrat përbëjnë 70.8% të drejtuesve aktivë, ndërsa gratë tashmë arrijnë në 29.2%. Gjithsej, numri i lejeve të drejtimit aktive ka arritur në mbi 1.1 milion.
Tendenca është e qartë: pjesa më e madhe e grave që kanë marrë patentë i përkasin grupmoshës 25–34 vjeç, me rreth 129 mijë leje drejtimi aktive. Sa më e lartë të jetë mosha, aq më pak gra shfaqen në timon një tregues se brezat e rinj po e thyejnë gradualisht stereotipin tradicional.
Sipas ndarjes rajonale, Tirana kryeson me mbi 214 mijë drejtues meshkuj dhe 150 mijë femra. Pas saj renditen Durrësi dhe Elbasani. Në qytetet më të vogla, numri i drejtuesve mbetet më i ulët, jo vetëm për shkak të popullsisë, por edhe për faktin se diferenca mes burrave dhe grave shoferë mbetet ende më e theksuar.
Live TV
Bashkëpunimi KAYO-privat, përfitim për ekonominë - Ministri Nufi: Hapen 1 mijë vende pune, priten 400 mln euro fitime
Ministri i Mbrojtjes Ermal Nufi deklaroi në Kuvendin e Shqipërisë se përfitimet e vendit tonë nga bashkëpunimi me kompanitë e huaja në fushën e mbrojtjes......
Kompensimi për transportin, kërkesat deri në 1 gusht - Skema 250 mln lekë, si mund të përfitohet 50 lekë/litër rimbursim
Masa e kompensimit nuk mund të tejkalojë sasinë e karburantit të konsumuar në të njëjtën periudhë të vitit 2025”. Ky është një prej kritereve të parashikuar......
Leku dominon tregjet financiare shqiptare - AMF: Euro mbetet e pranishme vetëm në disa segmente si obligacionet dhe investimet
Përdorimi i monedhave të huaja në tregjet financiare në Shqipëri mbetet i pranishëm, por në nivele të kontrolluara dhe në rënie në disa segmente......
Startup-et shqiptare “ngecin” te komercializimi i ideve - Trajnimet dhe regjistrimi i markës bëhen të detyrueshme për përfituesit e financimeve
Pjesa më e madhe e startup-eve gjatë 2024 dhe 2025, edhe kur kanë pasur pronësi intelektuale, nuk kanë ditur ta komercializojnë. Kështu është shprehur......
