Diversiteti fetar në botë/ Ku qëndron Shqipëria në hartën globale të besimeve?
Diversiteti fetar në botë paraqet një tablo shumë të larmishme, që varion nga shoqëri ku bashkëjetojnë në mënyrë të balancuar disa besime, deri tek vende ku një fe e vetme dominon pothuajse plotësisht. Për të matur këtë shpërndarje, Qendra Kërkimore Pew ka ndërtuar Indeksin e Diversitetit Fetar (RDI), i cili përfshin 201 vende dhe vlerëson se sa e barabartë është përhapja e besimeve brenda një popullsie. Sa më i lartë të jetë rezultati, aq më i madh konsiderohet diversiteti fetar.
Sipas të dhënave të publikuara nga Visual Capitalist, Shqipëria renditet në vendin e 61-të në botë për diversitet fetar, me një rezultat prej 4.75 pikësh. Ky pozicion e vendos vendin në një kategori mesatare, duke reflektuar një strukturë fetare ku ekzistojnë disa besime të rëndësishme.
Një pasqyrë më konkrete mbi këtë strukturë e ofrojnë të dhënat e Censusit të Popullsisë. Sipas tyre, rreth 1.1 milionë qytetarë në Shqipëri identifikohen si besimtarë myslimanë, duke përbërë grupin më të madh fetar në vend. Në vend të dytë renditet feja katolike, me rreth 201 mijë besimtarë, ndërsa komuniteti ortodoks numëron afro 173 mijë persona. Krahas tyre, ekzistojnë edhe komunitete më të vogla si bektashinjtë, ungjillorët dhe besimtarë të tjerë, të cilët kontribuojnë në mozaikun fetar të vendit por në numër më të vogël.
Një element që bie në sy në rastin e Shqipërisë është edhe numri relativisht i lartë i individëve që nuk kanë një identifikim të qartë fetar. Rreth 332 mijë persona janë deklaruar si besimtarë të pacilësuar, ndërsa afro 244 mijë nuk kanë preferuar të deklarojnë përkatësinë e tyre fetare.
Në nivel global, në krye të renditjes për diversitet fetar qëndron Singapori, i cili përfaqëson një nga shoqëritë më të balancuara në këtë aspekt. Në këtë shtet, asnjë fe nuk përbën më shumë se një të tretën e popullsisë, ndërsa një përzierje e budizmit, krishterimit, islamit, hinduizmit dhe grupeve të tjera krijon një ekuilibër të rrallë.
Gjithashtu, vende si Surinami dhe Tajvani renditen ndër më të larmishmet, ku disa besime bashkëjetojnë në mënyrë relativisht të barabartë. Këto vende ndajnë shpesh histori të ndikuara nga emigrimi, tregtia ndërkombëtare dhe kolonializmi, faktorë që kanë sjellë një përzierje të gjerë identitetesh fetare.
Në anën tjetër të spektrit qëndrojnë vende si Jemeni dhe Afganistani, ku diversiteti fetar është minimal. Në këto shtete, një fe e vetme përbën pothuajse të gjithë popullsinë, duke e ulur ndjeshëm indeksin e diversitetit. Kjo situatë lidhet jo vetëm me traditat historike, por edhe me nivelet e ulëta të migracionit dhe një homogjenitet të lartë etnik dhe kulturor.
Në përgjithësi, vendet me diversitet të lartë fetar kanë disa karakteristika të përbashkëta si: politika më të hapura ndaj migracionit, mbrojtje më të fortë ligjore për lirinë e besimit dhe histori të zhvilluara urbane e tregtare. Këta faktorë krijojnë kushte për ndërveprim të vazhdueshëm mes kulturave dhe feve të ndryshme, duke ndikuar drejtpërdrejt në rritjen e diversitetit.
Në këtë kontekst, Shqipëria paraqitet si një rast interesant, një vend me traditë të bashkëjetesës fetare dhe tolerancës, por që nuk reflekton një shpërndarje plotësisht të balancuar të besimeve.
Ushqimet mbeten të shtrenjta/ Peshku dhe mishi me rritjen më të fortë të çmimeve
Tensionet në Lindjen e Mesme kanë nisur të reflektohen edhe në tregun shqiptar, kryesisht përmes rritjes së kostove të transportit, duke mbajtur të larta......
Franca asiston Shqipërinë për rikuperimin dhe administrimin e aseteve të krimit të organizuar
Agjencia e Administrimit të Pasurive të Sekuestruara dhe të Konfiskuara (AAPSK) zhvilloi një takim pune me përfaqësues të AGRASC, Agjencisë Franceze për......
IIntensifikohet bashkëpunimi mes Policisë së Shtetit dhe ARRSH-së për rritjen e sigurisë rrugore
Drejtori i Përgjithshëm i Policisë së Shtetit, Drejtues Madhor Skender Hita, i shoqëruar nga Drejtori i Departamentit për Rendin dhe Sigurinë Publike dhe......
Bordi i Transparencës rrit çmimet e karburanteve, nafta shkon në 197 lekë/litër
Bordi i Transparencës ka publikuar këtë të premte çmimet e reja të karburanteve në tregun vendas, duke reflektuar një rritje të lehtë të tyre krahasuar me......
DPSHTRR heq nga qarkullimi 2000 automjete të vjetra - Në periudhën janar-prill, u kryen 126 mijë kontrolle teknike të mjeteve
Drejtoria e Përgjithshme e Shërbimeve të Transportit Rrugor ka publikuar të dhënat e kontrollit teknik të mjeteve që iu nënshtruan testimeve pranë Qendrave......
Shqipëria dhe BE, nga negociatat te pesha në ekonomi/ Ndërsa punimet për anëtarësim vijojnë, Unioni mbetet partneri më i rëndësishëm
Nga vendosja e marrëdhënieve diplomatike me Komunitetin Europian në vitin 1991, te hapja e negociatave të anëtarësimit dhe procesi i kapitujve negociues,......
Centralet e rinj prodhuan 2.43% të energjisë - ERE: Në vitin 2025 u shtuan 262 MW kapacitete, dominon energjia diellore
Rreth 262 MW kapacitete të reja nga burime të rinovueshme i janë shtuar sistemit elektroenergjetik shqiptar gjatë vitit 2025, ku dominon qartësisht energjia......
Doganat Shqiptare dhe Agjencia e Doganave të Italisë dakordësojnë zgjidhjen teknike për problematikën e importit të verës nga vendi fqinj
Doganat Italiane kanë njoftuar Drejtorin e Përgjithshëm të Doganave Shqiptare, Besmir Beja, për pranimin e propozimit për zgjidhjen e gjendjes aktuale që po......
