Cilët aplikacione dominojnë telefonët e shqiptarëve? Google Maps kryeson në iPhone. Ndërsa, Temu në Android
Temu dhe ChatGPT janë ndër aplikacionet më të shkarkuara në Shqipëri si në Android ashtu edhe në iPhone, ndërsa Google Maps kryeson renditjen vetëm në App Store.
Mënyra se si shqiptarët përdorin telefonat inteligjentë reflektohet edhe në aplikacionet që zgjedhin të shkarkojnë. Nga blerjet online dhe inteligjenca artificiale, te navigimi, komunikimi dhe argëtimi, lista e aplikacioneve më të njohura tregon se cilat shërbime po fitojnë gjithnjë e më shumë terren në përditshmërinë e përdoruesve.
Sipas renditjes së aplikacioneve falas më të shkarkuara në Google Play, vendin e parë e mban Temu: Shop Like a Billionaire, i ndjekur nga ChatGPT, WhatsApp Messenger, TikTok dhe Roblox. Lista tregon se përdoruesit e Android vazhdojnë të preferojnë një kombinim të aplikacioneve për blerje online, komunikim, rrjete sociale dhe lojëra.
Ndërkohë, renditja në Apple App Store paraqitet disi ndryshe. Aplikacioni më i shkarkuar për iPhone është Google Maps, ndërsa në vendin e dytë renditet Temu. Pesëshja plotësohet nga LC Waikiki Online Shopping, ChatGPT dhe Wolt Delivery: Food and more, duke treguar një prirje më të fortë drejt aplikacioneve të navigimit, blerjeve dhe shërbimeve të shpërndarjes.
Një nga elementët që bie më shumë në sy është prania e ChatGPT në listën e pesë aplikacioneve më të shkarkuara në të dyja platformat. Renditja sugjeron se përdorimi i mjeteve të inteligjencës artificiale po rritet edhe në Shqipëri, duke u kthyer në një nga aplikacionet më të kërkuara nga përdoruesit.
Po ashtu, Temu konfirmon popullaritetin e tij në tregun shqiptar, duke u renditur në krye të Google Play dhe në vendin e dytë në App Store. Kjo tregon se aplikacionet e tregtisë elektronike vijojnë të tërheqin interes të madh, pavarësisht platformës së përdorur.
Në përgjithësi, renditjet nxjerrin në pah edhe ndryshimet mes përdoruesve të Android dhe iPhone. Në Android dominojnë aplikacionet e komunikimit, rrjeteve sociale dhe lojërave, ndërsa përdoruesit e iPhone shfaqin interes më të madh për navigimin, blerjet online dhe shërbimet që lidhen me jetën e përditshme.
Në nëntor Shqipëria pjesë e pagesave të shpejta TIPS, Guvernatori Sejko: Fitojmë kohë dhe para
Në muajin nëntor Shqipëria hedh hapin e fundit në integrimin e plotë në sistemin europian të pagesave. Këtë e bëri të ditur Guvernatori i Bankës së......
Gjenova, firmoset themelimi i "Fincantieri Albania", Nufi: Hap i rëndësishëm për industrinë detare shqiptare
Në Gjenova të Italisë, në Divizionin e Anijeve Detare të kompanisë FINCANTIERI, u hodh një hap i rëndësishëm drejt forcimit të bashkëpunimit strategjik mes......
Avioni i parë zjarrfikës nis punën për shuarjen e zjarreve/ Rama: Më të fortë e të përgatitur se asnjëherë më parë
Prej afro 48 orësh, flakët vijojnë të përpijnë sipërfaqe të mëdha me pyll me pisha në fshatin Ribaj të Mallakastrës. Zjarri, i cili ka nisur që në mëngjesin......
63 milionë euro taksë pasurie në buxhetin e bashkive/ Himara dhe Cërriku kryesojnë rritjen në gjysmën e parë të vitit
Të ardhurat e pushtetit vendor po njohin një rritje të fortë, duke reflektuar shtimin e arkëtimeve nga taksat dhe tarifat vendore që paguajnë qytetarët dhe......
Check-Up dhe dializa në shtet/ Operatori i Shërbimeve të Integruara të Sterilizimit zgjeron kompetencat
Shërbimi i dializës dhe Programi Kombëtar i Kontrollit Mjekësor Bazë (Check-Up) do të administrohen nga Operatori i Shërbimeve të Integruara të Sterilizimit......
“Sistemi financiar, i qendrueshëm ndaj rreziqeve”/ Banka Qendrore e Kosovës publikon raportin për vitin 2025
Banka Qendrore e Republikës së Kosovës ka publikuar Raportin e Stabilitetit Financiar për vitin 2025, i cili paraqet vlerësimin e zhvillimeve në sistemin......
Sigurimet shëndetësore, shërbim edhe në privat? Hajdarmataj: Qytetarët duhet të kenë të drejtë të zgjedhin
Mijëra të punësuar në Shqipëri paguajnë çdo muaj kontributet e detyrueshme për sigurimet shëndetësore. Megjithatë, në praktikë, këto kontribute u japin të......
Cili rrjet social përdoret më shumë nga shqiptarët? Facebook kryeson në korrik duke u përdorur nga gati 87% e popullsisë
Përdorimi i rrjeteve sociale në Shqipëri vijon të mbetet në nivele shumë të larta, duke reflektuar rolin gjithnjë e më të rëndësishëm që këto platforma kanë......
