Çfarë po i pengon bizneset shqiptare të përparojnë? Barometri i Ballkanit: Taksat dhe ekonomia informale, në krye të listës
Barometri i Ballkanit ka publikuar së fundmi disa të dhëna mbi situatën e bizneseve në Shqipëri dhe në rajon. Për këtë studim, anketa për botimin e vitit 2025 është kryer me 1,216 kompani në të gjitha ekonomitë e Ballkanit Perëndimor. Një nga indikatorët kryesorë analizon pengesat me të cilat përballen bizneset në përpjekjet e tyre për rritje dhe zhvillim të mëtejshëm.
Një ndër faktorët që pengon avancimin e bizneseve janë taksat e larta dhe, në disa raste, të paparashikueshme. Nëse flasim për situatën në Shqipëri, rezulton se 7.2% e bizneseve nuk po arrijnë të përparojnë për shkak të këtij problemi, një shifër e barabartë me mesataren rajonale. Ndërkohë, problemi i taksave paraqitet më i theksuar në Malin e Zi, ku 8.6% e bizneseve raportojnë vështirësi në këtë drejtim.
Një tjetër faktor pengues është infrastruktura publike e pazhvilluar, si për shembull cilësia e rrjetit të transportit. Mesatarja rajonale për këtë tregues është 6.1%, ndërsa në Shqipëri infrastruktura përbën problem për 5.9% të bizneseve të anketuara.
Sa i përket administratës dhe institucioneve publike joefikase, të dhënat e Barometrit të Ballkanit tregojnë se 6.3% e bizneseve shqiptare e konsiderojnë këtë faktor si pengesë për zhvillimin e tyre, shifër që përkon me mesataren rajonale.
Gjithashtu, paqëndrueshmëria politike mbetet një tjetër problem me të cilin përballen bizneset. Në nivel rajonal, mesatarja për këtë tregues është 6.2%, ndërsa në Shqipëri vetëm 5.5% e bizneseve të anketuara e shohin këtë si një pengesë. Përqindja më e lartë në rajon regjistrohet në Bosnje & Hercegovinë, ku situata politike duket se ka një ndikim të ndjeshëm në ecurinë e bizneseve.
Një nga problematikat më të fundit sociale në Shqipëri është emigracioni i moshave të reja, i cili natyrshëm sjell mungesë të fuqisë punëtore. Sipas të dhënave të Barometrit të Ballkanit, 6.8% e bizneseve e konsiderojnë këtë fenomen si një pengesë të madhe, një shifër sërish në nivelin e mesatares rajonale.
Nga ana tjetër, problematika më e madhe për bizneset shqiptare mbetet ekonomia informale dhe konkurrenca e padrejtë. Për këtë faktor, 7.6% e bizneseve shprehen se përbën një problem të konsiderueshëm, duke tejkaluar mesataren rajonale prej 7.1%.
Ndërkohë, krimi në shoqëri, si dhe licencimi dhe lejet e biznesit, përbëjnë problem vetëm për 5.5% të bizneseve të pyetura, duke u renditur nën mesataren e vendeve të tjera të rajonit. Në përfundim, rezulton se taksat e larta, informaliteti në ekonomi dhe konkurrenca e padrejtë vijojnë të mbeten problemet kryesore me të cilat përballen bizneset shqiptare.
Kina i kundërpërgjigjet BE-së - Vendos tarifa deri në 20% për importet e mishit të derrit
Kina do të vendosë tarifa deri në 19.8% për importet e mishit të derrit nga Bashkimi Evropian, një ulje e konsiderueshme krahasuar me tarifat fillestare që......
“Emigrimi, fenomen mashkullor” - Banka Botërore: Shumica e grave largohen për arsye familjare
Banka Botërore, në bashkëpunim me INSTAT ka realizuar Anketën e Migracionit 2024, duke analizuar largimet nga vendi, arsyet, pritshmëritë, cila gjini migron......
Sa u kushton shqiptarëve largimi nga vendi? Rreth 1 në 5 të rinj marrin borxh për të mbuluar kostot e ikjes
Emigrimi nuk nis me fitim, por me shpenzim. Për shumë shqiptarë emigrimi shpesh përshkruhet si rrugë shpëtimi ekonomik, por të dhënat e fundit tregojnë edhe......
OpenAI, në bisedime me Amazon - Synohet investim mbi 10 miliardë dollarë për çipet e IA
OpenAI është në bisedime me Amazon për një investim të mundshëm dhe një marrëveshje për përdorimin e çipeve të inteligjencës artificiale. Detajet janë ende......
Investim për përmirësimin e rrjetit energjetik - OST, 189 milionë lekë për modernizimin e linjës 110 kV Traktora-Farkë
Operatori i Sistemit te Transmetimit, ka shpallur hapjen e garës kalimi në kabllor i segmentit të linjës 110 kV Traktora – Farkë në hyrje të nënstacionit......
“Përgjysmim i akcizës për birrën” - Propozimi: Të rikthehet skema e diferencuar, lehtësi për prodhuesit e vegjël
Opozita ka propozuar rikthimin e skemës së diferencuar të akcizës për birrën, me synimin për të mbështetur prodhuesit e vegjël vendas dhe për të rritur......
Rikuperojnë valutat kryesore – Forcohen Dollari e Franga
Dollari amerikan ka regjistruar një rritje të vlerës ditën e sotme duke rikuperuar pikë nga rënia e vazhdueshme që pati gjatë fillimit të kësaj jave teksa......
BE “zbut” objektivin për makinat me djegie të brendshme - Propozon reduktimin e emetimeve me 90% nga viti 2035
Komisioni Evropian ka propozuar të zbusë ndalimin e planifikuar për makinat me motorë me djegie të brendshme nga viti 2035, duke lejuar që disa automjete......
