Çfarë parashikohet në buxhetin 2026 për mjedisin? Nga ajër më i pastër, te më shumë zona të mbrojtura dhe riciklim efikas
Projektbuxheti i vitit 2026 parashikon një rritje të konsiderueshme të investimeve në sektorin e mjedisit. Sipas të dhënave zyrtare, rreth 3.1 miliardë lekë do t’i dedikohen Ministrisë së Mjedisit, çka përfaqëson një rritje mbi 9% krahasuar me vitin e kaluar.
Prioritetet për periudhën 2026–2028 synojnë sigurimin dhe përmirësimin e cilësisë së mjedisit në dobi të brezave të sotëm dhe të ardhshëm, si dhe krijimin e kushteve për zhvillim të qëndrueshëm të vendit. Pjesë e objektivave kryesore do të jetë përdorimi i burimeve pyjore në mënyrë të qëndrueshme, duke i kthyer ato në një element të rëndësishëm të vlerës turistike në zonat bregdetare, malore, historike e kulturore.
Një tjetër qëllim është rritja e sipërfaqes së zonave të mbrojtura dhe forcimi i bashkëpunimit ndërmjet njësive të qeverisjes vendore, institucioneve publike dhe partnerëve ndërkombëtarë për menaxhimin e integruar të mbetjeve, me synimin për të kaluar drejt një ekonomie qarkulluese.
Një pjesë e rëndësishme e programit përfshin promovimin e zbatimit të hierarkisë së mbetjeve përmes ndarjes në burim dhe riciklimit në shkallë të gjerë, si dhe forcimin e edukimit mjedisor në përputhje me ligjin për menaxhimin e integruar të mbetjeve.
Gjatë periudhës 2025–2028, synohet arritja e përmirësimeve të matshme në cilësinë e ajrit sipas strategjisë kombëtare, përmirësimi i performancës së menaxhimit të mbetjeve dhe rritja e sipërfaqes së zonave të mbrojtura në 24% të territorit kombëtar. Po ashtu, pritet që 68% e mbetjeve të përpunohen në landfille sanitare dhe 20% të riciklohen deri në fund të vitit 2028. Një tjetër objektiv i rëndësishëm është që 69% e grave që jetojnë në zonat e mbrojtura të jenë të informuara mbi ndryshimet klimatike dhe ndikimin e tyre në mjedis.
Ky projektbuxhet nënvizon angazhimin e qeverisë shqiptare për të avancuar drejt një zhvillimi më të gjelbër, më të qëndrueshëm dhe në përputhje me standardet bashkëkohore të mbrojtjes së mjedisit.
Flota rrugore shqiptare po modernizohet - DPSHTRR: Janar-Tetor, rreth 83 mijë automjete të reja të regjistruara
Tregu kombëtar i automjeteve po përjeton një zgjerim të dukshëm dhe të qëndrueshëm, duke reflektuar modernizimin e infrastrukturës rrugore si dhe rritjen e......
Italia planifikon masa kundër platformave “online” - Taksë për pakot me vlerë të ulët. Synohet mbështetja e industrisë së modës
Italia planifikon të miratojë një taksë mbi pakot postare me vlerë të ulët që vijnë nga jashtë vendit, si pjesë e masave për të mbrojtur industrinë e modës......
Italia, partneri “besnik” i shkëmbimeve tregtare/ Rreth 27% e tregtisë së jashtme të Shqipërisë zhvillohet me këtë vend
Italia vazhdon të mbajë pozicionin e saj si partneri më i rëndësishëm tregtar i Shqipërisë, sipas të dhënave për periudhën 2005-2025. Tregtia dypalëshe ka......
SHBA i thotë “lamtumirë” monedhës 1 cent - Ndalimi i prodhimit pritet të kursejë 56 milionë dollarë në vit
Kreu i Thesarit në SHBA, Brandon Beach, vizitoi fabrikën e Filadelfias për të mbikëqyrur prodhimin e fundit të monedhës 1 cent, duke mbyllur 232 vite të......
Dobësohet Dollari amerikan – Franga zvicerane forcohet sërish!
Dollari amerikan ka regjistruar zbritje të kuotës këtë mëngjes edhe pse me një ndryshim të lehtë nga dita e djeshme duke u blerë sot me 82.9 lekë dhe duke u......
Presidenti bullgar vendos veton për rafinerinë e naftës - Kundërshton ndryshimet ligjore që mundësonin shitjen e objektit
Presidenti i Bullgarisë, Rumen Radev, ka vendosur veton ndaj ndryshimeve ligjore që do t’i jepnin kompetenca shtesë një administratori të emëruar nga qeveria......
Energjia e erës “fluturon” në 2025 - Instalimet globale rriten me 64% në gjysmën e parë të vitit
Instalimet globale të energjisë me erë janë rritur me 64% në gjysmën e parë të vitit 2025 krahasuar me të njëjtën periudhë të vitit të kaluar, sipas raportit......
100,000 shtëpi greke përfitojnë nga paketa e ngrohjes - Programi me vlerë 647 mln euro mbulon deri në 60% të kostove
Ministria Greke e Mjedisit dhe Energjisë publikoi listën e parë të familjeve që do të përfitojnë nga programi kombëtar për modernizimin e sistemeve të......
