Zgjedhjet në shifra: Detajet 'pikante' të garës elektorale/ Cilat janë formacionet më të "plakura" dhe ato më të "reja" që marrin pjesë?
Duke përjashtuar programet politike, të cilat duket se këto zgjedhje parlamentare janë vonë nga partitë kryesore në vend, listat e kandidatëve janë “arma” tjetër me të cilën partitë politike garojnë. “Scan Intel” ka analizuar me imtësi të gjitha listat e kandidatëve të 8 prej formacioneve kryesore politike në garë më 11 Maj, për të kuptuar diçka më shumë rreth profilit të tyre. Këto formacione përfshijnë janë Partia Socialiste, Partia Demokratike, e cila ka krijuar koalicionin “Aleanca për Shqipërinë Madhështore”, Lëvizja Bashkë, Partia Mundësia, Nisma Shqipëria Bëhet, Partia Social Demokrate, koalicioni “Djathtas për Zhvillim” dhe Koalicioni Euroatlantik.
Mosha mesatare dhe shpërndarja e grupmoshave sipas grupimit politik, do të jetë në thelb të analizës sonë dhe rezultatet e kësaj analize nxjerrin në pah të dhëna mjaft interesante, jo vetëm sa i përket moshës mesatare të “ekipit” të secilës parti, por edhe për kandidatët më të rinj e ata më të vjetër, peshën më të madhe të nën-30 vjeçarëve, etj. Të dhënat janë analizuar në momentin që partitë kanë bërë depozitimin e listave pranë KQZ, si dhe janë rishikuar nga “Scan Intel” në bazë të mungesave që janë shfaqur sa i përket datës së lindjes.
Cilat janë listat më të reja dhe ato më të vjetra?
Le të fillojmë nga mosha mesatare sipas grupimeve politike. Ekipet më të plakura duket se janë Koalicioni Euroatlantik dhe ai i Partisë Demokratike me koalicionin “Aleanca për Shqipërinë Madhështore”, me një moshë mesatare prej 47.9 vitesh dhe 47.3 vitesh përkatësisht. Më pas ndjek Partia Socialiste, me një moshë mesatare prej 43.02 vitesh.
Nisma Shqipëria Bëhet ndjek me një moshë mesatare prej 41.6 vitesh, ndërkohë që në vend të pestë kemi koalicionin “Djathtas për Zhvillim” me një moshë në 40.7 vjeç. Tre “formacionet” më të reja të rreshtuara në “fushën” e kësaj gare janë ato të Partisë Social Demokrate me një moshë prej 36.6 vitesh, pasuar nga Lëvizja Bashkë me moshë mesatare prej 35.6 vitesh dhe partia më e re rezulton të jetë “Mundësia” me moshë 33.6 vite.
Kjo do të thotë se, për për partinë Mundësia mosha mesatare sinjalizon një listë kandidatësh të lindur pas rënies së regjimit komunist. Dy partitë më të mëdha në vend, PD dhe PS ndërkohë ofrojnë një panoramë shumë të ngjashme me njëra tjetrën sa i përket moshës mesatare në listë.
Por cila është mosha më e vjetër dhe mosha më e re me të cilat partitë do të kandidojnë në zgjedhjet parlamentarë të vitit 2025?
Disa nga partitë kryesore garojnë me moshën 18 vjeçare si më të renë e listave, ndërkohë që ndahen te mosha më madhore, me DZH-në me kanditat të moshës 92 vjeçare. Koalicioni Djathtas për Zhvillim është gjithashtu koalicioni që ka më shumë 18-të vjeçarë si kandidatë, pasuar nga Partia Mundësia. Disa nga emrat e më të rinjve që kandidojnë mund të përmendim Enisa Kapllanin dhe Sindi Briskun nën logon e Mundësisë. Ndërkohë Xhesilajda Hoxha, Sami Samarxhiu, Erjona Ricaj, Orida Muça dhe Meg Alibeaj janë 18-të vjeçarët që garojnë nën logon e Koalicionit Djathtas për Zhvillim. Koalicioni Euroatlantik ndërkohë ka numrin më të lartë të kandidatëve mbi 80 vjeç.
Ndërkohë, duhet të theksojmë se zyrtarisht janë 11-të subjekte të cilat do të garojnë më 11 Maj. “Scan Intel” po ashtu ka analizuar edhe moshën mesatare të partisë “Aleanca Demokracia e Re”, “Aleanca Kombëtare Shqiptare” dhe Partia “Atdheu”, ku përkatësisht vlerësohen në 41.8, 40.3 dhe 42.1 vjeç.
Sondazh
Zgjedhjet e 11 majit, KSHZ miraton fletën e votimit, përmasat gati 60 me 30 cm. Qarku i Tiranës, 539 emra në fletë!
Komisioneri Shtetëror i Zgjedhjeve miratoi përmbajtjen e fletës së votimit për zgjedhjet për Kuvend, të datës 11 maj 2025. Miratimi i përmbajtjes së fletës......
Punimet në aksin rrugor Berat-Ballaban me ritme të shpejta-Balluku: Mund të dorëzohet brenda afatit. Rama nxit agroturizmin
Edhe pse përfundimi i rrugës Berat-Ballaban ishte parashikuar për vitin 2026 sipas kontratës, ritmi i mirë i punimeve mund të bëjë të mundur dorëzimin e saj......
Ifo ul parashikimin për ekonominë e Gjermaninë - Kërkesa e dobët industriale dhe rreziku i tarifave, ndër faktorët kryesorë
Instituti për Kërkime Ekonomike Ifo me bazë në Mynih ka ulur parashikimin e rritjes ekonomike për Gjermaninë në raportin e fundit të publikuar. Instituti......
“Aset strategjik i NATO-s falë investimeve” - Kryeministri Rama dhe ministri Vengu, në bazën ajrore të Kuçovës
Kryeministri Edi Rama së bashku me ministrin e Mbrojtjes, Pirro Vëngu zhvilluan një inspektim në bazën ajrore të Kuçovës, që po kthehet në një aset......
Sa i bindin shqiptarët premtimet elektorale? - Sondazhi i SCAN: Më shumë se gjysma shprehen se janë të parealizueshme
Në kuadër të zgjedhjeve parlamentare të vitit 2025, partitë kryesore kanë prezantuar programet e tyre ekonomike me premtime të ndryshme për të përmirësuar......
Makinat elektrike, Kina zhvillon teknologjinë e re - Pse prodhuesit kinezë po ndërtojnë sisteme me karikim të shpejtë?
BYD e Kinës ka zbuluar një sistem karikimi me megavat që thotë se mund të karikojë një makinë elektrike po aq shpejt sa mbushja e një veture me karburant.......
“Kredi e butë dhe garanci sovrane për bujqësinë” - Rama: “Qielli është kufiri” për zhvillimin e agroturizmit në Shqipëri
Me dy linjat e reja të financimit për bujqësinë, siç janë kreditë e buta dhe garancia sovrane, kryeministri i vendit, Edi Rama, vuri theksin në një takim......
BE synon marrëveshje sigurie me Britaninë - Brukseli provon të “bindë” vendet anëtare të negociojnë me Londrën
Komisioni Evropian po përpiqet “intensivisht” t'i bindë vendet anëtare t'i japin një mandat për të negociuar një partneritet të sigurisë dhe mbrojtjes me......
