Zgjedhjet e vitit 2025 shënojnë interes më të ulët/ Deri në orën 19:00 pjesëmarrja në rang kombëtar vlerësohet në 42.16%
Pjesëmarrja zyrtare në zgjedhjet parlamentare të vitit 2025 deri në orën 19:00 është ndjeshëm më e ulët se ajo e katër viteve më parë. Në rang kombëtar, në vitin 2025 ajo regjistrohet në 42.16%, ndërkohë që në vitin 2021 ishte 47.94% në të njëjtën orë, një rënie prej 5.78 pikë përqindje. Kjo tregon një entuziazëm më të ulët për të votuar, por gjithësesi lidhet edhe me faktorë të tjerë
Tirana, që tradicionalisht ka pasur një pjesëmarrje të lartë, ka shënuar rënie me rreth 6 pikë përqindje, nga 54.32% në 2021 në 48.7% në 2025, duke ruajtur gjithsesi pozicionin si qarku me pjesëmarrjen më të lartë. Ndërkohë, Dibra ka një rënie më të moderuar, nga 52.95% në 50.1%, duke mbetur ndër qarqet më aktive në pjesëmarrje.
Elbasani përfaqëson një nga rëniet më të forta, nga 49.44% në 2021, në vetëm 42.1% në 2025, një diferencë prej mbi 7 pikë përqindje, që e zhvendos qarkun nga pjesa e sipërme e tabelës në një pozicion më mesatar.
Në qarqet jugore, si Gjirokastra dhe Vlora, rënia është gjithashtu e ndjeshme. Gjirokastra bie nga 42.92% në 39.2%, ndërsa Vlora mbetet sërish qarku me pjesëmarrjen më të ulët në vend, me vetëm 34.05% në 2021, dhe 31.4% në 2025.
Ndërkohë, Kukësi, i cili kishte 48.47% pjesëmarrje në 2021, ruan një pozicion të lartë edhe këtë vit, me 46.1%, duke pasqyruar një qëndrueshmëri relative në mobilizimin e votuesve. E ngjashme është edhe situata në Fier dhe Korçë, ku pjesëmarrja ka rënë me rreth 2-3 pikë përqindje, por jo në mënyrë dramatike.
Shkodra dhe Durrësi gjithashtu shfaqin rënie, nga 41.80% dhe 43.34% në 2021, në 36.7% dhe 40.5% respektivisht në vitin 2025. Kjo tregon një prirje më të gjerë drejt rënies në qarqet kryesore të vendit.
Rënia e angazhimit qytetar në procesin zgjedhor është e shpërndarë në të gjithë territorin, me përjashtime të vogla si Dibra dhe Kukësi. Shkaqet e kësaj rënieje mbeten për t'u analizuar më thellë, duke përfshirë rolin e politikës, besimit te institucionet, apo edhe lodhjen nga procesi zgjedhor.
Sondazh
Berisha: Ka një rritje të ndjeshme të elektoratit tonë, askush nuk mund të ndikojë në vullnetin e sovranit
Të dhëna operative nga mbarë vendi dëshmojnë se në zonat tradicionale të qendrës së djathtë ka një rritje të ndjeshme të elektoratit dhe priten konform kësaj......
Deklarata e Komisionerit Shtetëror të Zgjedhjeve: Mund të kemi rezultatin e zgjedhjeve pasditen e së martës
KQZ/ Deklarata e Komisionerit Shtetëror të Zgjedhjeve: Sipas raportimeve që kemi marrë, jemi duke mbikëqyrur procesin e dorëzimit të materialeve të votimit.......
KQZ: Kanë mbërritur 191 912 zarfe me fletëvotimi nga jashtë deri në orën 19:00!
Komisioni Qendror i Zgjedhjeve njoftoi se deri sot në orën 19:00 kanë mbërritur 191 912 zarfe me fletëvotimi nga votuesit nga jashtë. Sipas KQZ në total......
Mbyllet orari i votimit/ Deri në 18:00 votuan 41.37% e zgjedhësve
Mbyllet orari i votimit/ Deri në 18:00 votuan 41.37% e zgjedhësve, pjesëmarrja gati 4.2% më e ulët se në 2021!Votimi u mbyll në 19:00. Zgjedhësit që janë në......
Shqipëria voton, ja si e pasqyrojnë mediat ndërkombëtare këtë moment kyç
Dita e sotme përfaqëson një moment kyç për çdo qytetar shqiptar, pasi vendi po zhvillon zgjedhjet parlamentare, një proces që përcakton drejtimin politik për......
Avioni i fundit me votat e diasporës, sot rreth orës 17:00 - Numri i zarfeve të mbërritura në Shqipëri pritet të arrijë në 200 mijë
Deri në orën 15:30 të ditës së sotme, numri i zarfeve të diasporës të mbërritura në Shqipëri ka arritur në 188,375. Prej datës 14 prill, Komisioni Qendror i......
Nga komanda e përgjithshme, Rama bën thirrje: Votoni, është detyrë qytetare dhe patriotike
Kryeministri Edi Rama u ka bërë edhe një herë thirrje qytetarëve që të votojnë në qendrat e tyre përkatëse. Rama është shprehur se të gjithë personat që kanë......
Zëvendëskryeministrja Balluku voton në Fier: Këto zgjedhje janë për ju, më shumë se për këdo
Zëvendëskryeministrja Belinda Balluku, njëherësh Ministre e Infrastrukturës dhe Energjisë, ka votuar pak minuta më parë në Fier, në qarkun ku është edhe......
