Vlora dhe Durrësi, me qiratë më të ulëta në Europë/ Por, regjistruan rritje gjatë 2024-ës për shkak të turizmit
Sipas raportit më të fundit të Indeksit të Pronave 2025 nga Deloitte, qytetet e Vlorës dhe Durrësit janë renditur ndër më të përballueshmet për qiramarrësit në Europë, por njëkohësisht kanë shënuar edhe një rritje të ndjeshme të çmimeve të qirasë gjatë vitit të fundit.
Në fund të listës së qyteteve evropiane për nga çmimi mesatar i qirasë për metër katror, Durrësi dhe Vlora qëndrojnë përkatësisht me 4.9 €/m² dhe 5.0 €/m², shumë më poshtë krahasuar me qytete si Luksemburgu (43.4 €/m²), Parisi (32.0 €/m²) apo Dublini (31.7 €/m²), të cilat kanë çmimet më të larta në Europë. Megjithatë, këto qytete shqiptare kanë përjetuar një rritje të fortë vjetore të qirasë, me Vlorën që shënoi +25% dhe Durrësin +22.5% krahasuar me vitin e kaluar.
Në raport theksohet se ky trend lidhet ngushtë me kërkesën e lartë sezonale për qira afatshkurtra të nxitur nga turizmi, veçanërisht gjatë muajve të verës. Shumë pronarë kanë kaluar nga qiratë afatgjata drejt platformave si Airbnb, duke reduktuar ofertën për banorët vendas dhe duke rritur çmimet.
Në krahasim me qytetet e tjera evropiane, si Banja Luka që kryeson me një rritje prej 37.8%, apo Debreceni me 24.8%, Vlora dhe Durrësi konfirmojnë se tregu shqiptar i qirasë po hyn në një fazë të re zhvillimi. Kjo rritje reflekton jo vetëm forcën e sektorit turistik, por edhe ndryshimin e dinamikës së tregut të banesave në qytetet bregdetare të vendit.
Ndërkohë, disa qytete të tjera evropiane si Antwerpi dhe Stambolli kanë përjetuar ulje të qirave, duke treguar një panoramë të ndryshme të përballueshmërisë së strehimit në kontinent. Në kontrast, qytetet shqiptare po përballen me presione të reja për shkak të ndërthurjes së turizmit dhe mungesës së ofertës së qëndrueshme për banim afatgjatë.

Qeveria britanike premton 400,000 vende të reja pune - Synon të zgjerojë sektorin e energjisë së pastër deri në vitin 2030
Britania e Madhe ka shpallur plane për të trajnuar dhe punësuar më shumë punëtorë në sektorin e energjisë së pastër. Qeveria ka premtuar krijimin e 400,000......

Cilat vende ofrojnë makinat më të shtrenjta? - Çmimet e automjeteve në Evropë. Kryeson Turqia
Krahasimi i çmimeve të makinave në të gjithë Evropën është një sfidë komplekse. Indeksi i nivelit të çmimeve për “pajisjet e transportit personal”, i......

Ndërtimi i hekurudhës Vorë-Hani i Hotit - 16 kompani nga Evropa dhe Azia, në garë për projektin 368 mln euro
16 kompani nga Evropa dhe Azia kanë shprehur interes për ndërtimin e linjës hekurudhore Vorë – Hani i Hotit. TV SCAN ka mësuar se faza e parë e......

Gratë dhe fëmijët, të ekspozuar ndaj pasigurive ekonomike/ Pavarësisht rënies së varfërisë, pabarazitë gjinore dhe sociale vazhdojnë
Të dhënat më të fundit nga Anketa e të Ardhurave dhe Nivelit të Jetesës tregojnë se rreziku për të qenë i varfër në Shqipëri ka vijuar të ulet, duke arritur......

Zgjedhjet lokale në Maqedoninë e Veriut - Partia në pushtet VMRO-DPMNE shpall fitore bindëse pas raundit të parë
Partia në pushtet, VMRO-DPMNE shpalli fitore bindëse pas raundit të parë të zgjedhjeve lokale në Maqedoninë e Veriut, më 19 tetor. VMRO-DPMNE do të ketë......

Mundësi punësimi për të gjitha nivelet arsimore - AKPA: 6000 pozicione të lira në të gjithë vendin
Agjencia Kombëtare e Punësimit dhe Aftësive ka shpallur 6000 oferta punësimi në të gjithë vendin. Qindra pozicione në sektorë të ndryshëm janë të......

Si ka nisur kjo javë për valutat kryesore?
Dollari amerikan nuk ka pësuar luhatje të ndjeshme gjatë fundjavës duke e nisur këtë javë në qëndrueshmëri teksa është blerë këtë mëngjes me 82.5 lekë dhe......

Gjermania shqyrton rikthimin e shërbimit ushtarak - Projektligji parashikon regjistrim të detyrueshëm, rekrutim në rast nevoje
Dhoma e ulët e parlamentit gjerman, Bundestagu, filloi shqyrtimin e një projektligji për të rishikuar modelin e shërbimit ushtarak të vendit. Kabineti......