Turizmi shtyn ndërtimin e hoteleve të reja/ Tremujori i dytë, sipërfaqet rriten 6-fish nga viti i shkuar
Instituti i Statistikave ka raportuar së fundmi statistika lidhur me lejet e ndërtimit të dhëna gjatë tremujorit të dytë të vitit. Duke qenë se ky tremujor përkon me nisjen e sezonit veror, bie në sy numri i lejeve të dhëna për ndërtimin e hoteleve dhe ndërtesave të ngjashme, të cilat ndihmojnë drejtpërdrejt zhvillimin e turizmit I cili po ecën me ritme të shpjeta në vend.
Nëse krahasojmë numrin e lejeve të ndërtimit për hotele gjatë tremujorit të dytë të vitit 2024 me të njëjtën periudhë të vitit 2025, vihet re një ulje në numër, por sipërfaqja e ndërtimit për këtë kategori është rritur gati 6-fish. Nga rreth 12 mijë metra katrorë që u dhanë në tremujorin e dytë të vitit të kaluar, është arritur në 71 mijë metra katrorë këtë vit. Ndërsa krahasuar me tremujorin e parë të vitit 2025, sipërfaqja është rritur sërish, duke u trefishuar.
Sa i përket situatës së përgjithshme, rezulton se në tremujorin e dytë të vitit 2025 janë miratuar gjithsej 352 leje ndërtimi, duke shënuar një ulje prej 0.6% krahasuar me të njëjtën periudhë të një viti më parë. Edhe sipërfaqja totale e ndërtimit ka pësuar një rënie të ndjeshme prej 67%, duke kaluar nga rreth 844 mijë metra katrorë në 278 mijë metra katrorë. Vlera e përafërt e projekteve kap shifrën e 18.4 miliardë lekëve, duke shënuar një ulje prej 45.5%.
Në ndarjen sipas kategorive, ndërtimet për banim zënë pjesën më të madhe me 271 leje, të pasuara nga ndërtesat jo-rezidenciale me 81 leje ndërtimi. Qarku i Durrësit mban peshën kryesore me 125 leje dhe një sipërfaqe prej 129 mijë metrash katrorë. Gjithashtu, një rritje domethënëse e vlerës së projekteve ndërtimore është regjistruar në qarqet Durrës, Korçë dhe Shkodër.
Instituti i Statistikave sqaron se se në procesin e miratimit të lejeve të ndërtimit përfshihen edhe institucione të tjera përgjegjëse, përveç bashkive. Duke qenë se ende nuk ka një raportim të standardizuar dhe të plotë nga të gjitha këto ente pranë INSTAT, të dhënat e publikuara për tremujorin e dytë bazohen vetëm në burimet bashkiake. Për këtë arsye, publikimi aktual nuk mund të krahasohet plotësisht me periudhat e ardhshme, deri në momentin që të gjitha institucionet përgjegjëse do të përfshihen në mënyrë të unifikuar në procesin e raportimit statistikor.
Më të vizituarat
Naftësjellës për të anashkaluar Hormuzin - Emirateve të Bashkuara do dyfishojnë kapacitetin eksportues
Emiratet e Bashkuara Arabe do të përshpejtojnë ndërtimin e një tubacioni të ri nafte për të dyfishuar kapacitetin e tyre të eksportit deri në vitin 2027.......
BE kërkon zgjidhje të ngërçit politik në Kosovë - Marta Kos: Duhen institucione të qëndrueshme për rrugën drejt integrimit
Komisionerja për Zgjerim e Bashkimit Evropian, Marta Kos, i bëri thirrje klasës politike në Kosovë që të gjejë gjuhë të përbashkët për t’i dhënë fund ngërçit......
Kroçiera “Sirena” sjell 646 turistë në Durrës - Shqipëria, një destinacion turistik edhe jashtë sezonit veror
Një tjetër kroçierë me turistë ka mbërritur mëngjesin e së shtunës në Shqipëri, duke konfirmuar rritjen e interesit të turistëve të huaj për vendin tonë në......
Banka Botërore vlerëson politikën monetare të Shqipërisë - Paolucci: Raporti i kredive me probleme, në nivelet minimale të më shumë se një dekade
Politika monetare e ndjekur nga Banka e Shqipërisë ka dhënë një kontribut të rëndësishëm në zhvillimin e ekonomisë së vendit, ndërsa raporti i kredive me......
Nafta shtrenjtohet me 4 lekë për litër - Tregu i karburanteve, përcaktohen tavanet e reja të çmimeve
Bordi i Transparencës ka përcaktuar çmimet e reja tavan për shitjen e karburanteve në vend, në mbledhjen e datës 16 maj 2026. Sipas vendimit, çmimi i shitjes......
Video
