Turizmi rrit vizitat në institucione e artit dhe kulturës/ Tërheqin rreth 788 mijë turistë, më e vizituara kalaja e Gjirokastër
Sipas të dhënave nga INSTAT për vitin 2024, janë organizuar gjithsej rreth 1,282 shfaqje dhe premiera në të gjitha institucionet kryesore të artit. Bilanci paraqitet pozitiv, pasi është shënuar një rritje prej 9.1% krahasuar me vitin 2023. Edhe në lidhje me numrin e vizitorëve, tendenca është sërish pozitive, me një rritje prej 30.7%. Në total rezulton se ka pasur rreth 1.3 milionë vizitorë, ku dominues kanë qenë vizitorët e huaj, duke përbërë rreth 60% të këtij numri.
Në total, këto institucione janë vizituar nga rreth 788 mijë persona. Ndërkohë, në vitin 2024, shpenzimet e shqiptarëve në fushën e argëtimit, kulturës dhe çështjeve fetare përbënin rreth 1.56% të shpenzimeve publike, ndërsa në Prodhimin e Brendshëm Bruto (PBB) ato zinin një peshë prej 0.45%.
Sa i përket subjekteve të vizituara, gjatë këtij viti u shënuan rreth 468 mijë vizita në muze. Krahasuar me vitin 2023, ky numër përfaqëson një rritje prej 19.7%. Kalatë janë vizituar nga rreth 344 mijë persona, duke shënuar një rritje prej 27% në krahasim me një vit më parë. Ndërsa parqet arkeologjike rezultojnë si më të vizituarat, me rreth 501 mijë vizitorë dhe një rritje prej 46.2%.
Në të gjitha kategoritë vihet re se vizitorët e huaj dominojnë ndjeshëm, veçanërisht në kalatë dhe monumentet e tjera, ku përbëjnë 69% të totalit të vizitorëve. Nga ana tjetër, edhe në muze janë regjistruar rreth 60% të vizitave nga të huajt. Ndërkohë, edhe në parqet arkeologjike vizitorët e huaj përbëjnë shumicën, me 52.5% të totalit të vizitave.
Ndër institucionet më të vizituara, vendin e parë e mban Kalaja e Gjirokastrës me 20% të vizitave. Më pas renditen Parku Kombëtar i Butrintit me 15.3% dhe Muzeu “Gjergj Kastrioti” me 13.3%. Nga ana tjetër, më pak të vizituarat rezultojnë të jenë Parku Arkeologjik i Shkodrës dhe Parku Arkeologjik i Apolonisë.
Prania dominuese e vizitorëve të huaj tregon për një interes gjithnjë në rritje ndaj historisë dhe vlerave kulturore shqiptare, duke e vendosur Shqipërinë gjithnjë e më shumë në hartën e destinacioneve tërheqëse turistike në Europë. Kjo prirje përbën një mundësi të rëndësishme për zgjerimin e ofertës kulturore dhe investimeve në infrastrukturën turistike.
Live TV
Dervishi: Informacioni, themel i lirisë - Komisioneri shqiptar drejtoi konferencën ndërkombëtare për transparencën në Sierra Leone
Komisioneri për të Drejtën e Informimit dhe Mbrojtjen e të Dhënave Personale, Besnik Dervishi, drejtoi në Freetown të Sierra Leones sesionet publike të......
A mjafton vetëm transparenca? - Spaho: “Pasqyra e Çmimeve” të shoqërohet me masa për rritjen e konkurrencës
Sa mund të ndikojë “Pasqyra e Çmimeve” në faturën që qytetarët paguajnë në supermarket? Eksperti I ekonomisë, Mateo Spaho shprehet se kjo nismë është......
Forcojmë peshën në tregti/ Për çdo 100 lekë mallra importi, sigurojmë rreth 40.5 lekë përmes eksporteve
Eksportet shqiptare po tregojnë një përmirësim gjatë vitit 2026, duke u rritur më shpejt se importet dhe duke forcuar lehtë raportin mes mallrave që vendi......
BE “hap portat”? - Tregu europian afrohet për kandidatët, por përfitimet lidhen me reformat
Bashkimi Europian po shqyrton një mënyrë të re për t’iu afruar vendeve kandidate: në vend që përfitimet më të mëdha ekonomike të vijnë vetëm pas anëtarësimit,......
