Tregu i punës humbet 11 mijë të rinj në një vit/ Punësimi në terma absolute përjeton tkurrje në tremujorin e tretë 2025
Rreth 6,500 persona të moshës 15 vjeç e lart kanë dalë nga tregu i punës përgjatë një viti, tregojnë të dhënat më të fundit të INSTAT, ndonëse norma e punësimit është rritur.
Numri i të punësuarve për grupmoshën 15 vjeç e lart arriti në 1.17 milionë në tremujorin e tretë të vitit aktual, duke shënuar një rritje prej 0.7% krahasuar me tremujorin e kaluar të po të njejtit vit, ndërsa në krahasim me të njëjtin tremujor të vitit të kaluar regjistroi një rënie prej 0.6%.
Sipas INSTAT, në tremujorin e tretë të vitit 2025, shkalla e punësimit për të rinjtë 15-29 vjeç është 45.5%. Ky tregues është ulur me 0.6 pikë përqindje krahasuar me tremujorin e tretë të 2024-s, por është rritur me 1.7 pikë përqindje kundrejt tremujorit paraardhës. Në terma absolute, rreth 11 mijë të rinj kanë dalë nga tregu i punës brenda një viti.
Ndërkohë, shkalla e punësimit për popullsinë 15-64 vjeç vlerësohet në 69.6%
Por si paraqiten të dhënat për papunësinë?
Në tremujorin e tretë të vitit 2025, shkalla e papunësisë për popullsinë 15 vjeç e lart është 8.1%. Krahasuar me të njëjtin tremujor të vitit 2024, treguesi mbetet i pandryshuar, ndërsa në raport me tremujorin paraardhës është ulur me 0.4 pikë përqindje.
Shkalla e papunësisë është 6.8% për burrat dhe 9.7% për gratë. Krahasuar me një vit më parë, papunësia për gratë është rritur me 1.2 pikë përqindje, ndërsa për burrat është ulur me 0.9 pikë përqindje.
Për të rinjtë 15-29 vjeç, shkalla e papunësisë është 15.0%, duke shënuar një rënie prej 2.8 pikë përqindje në krahasim me tremujorin e tretë të vitit 2024 dhe një ulje prej 1.3 pikë përqindje ndaj tremujorit të kaluar.
Live TV
Atmosferë festive në kryeqytet - Nga të vegjlit te të rriturit, Tirana feston Ditën e Verës
Kështu ishte festa sot në kryeqytet, përgjatë bulevardit "Dëshmorët e Kombit", ku qytetarë të shumtë kanë dalë për të festuar në këtë atmosferë mjaft festive......
“Fuqizimi i grave, prioritet kombëtar” - Ministrja e Shëndetësisë prezanton raportin mbi zbatimin e angazhimeve ndërkombëtare
Shqipëria prezantoi në Kombet e Bashkuara përparimin e bërë në barazinë gjinore dhe fuqizimin e grave. Në Sesionin e 70-të të Komisionit për Statusin e Grave......
Moody’s rikonfirmon vlerësimin “Ba3” për Shqipërinë - Stabiliteti ekonomik dhe reformat mbajnë perspektivën “të qëndrueshme”
Agjencia ndërkombëtare e vlerësimit të kreditit Moody's Ratings, në rishikimin e saj periodik të kryer më 5 mars 2026, ka rikonfirmuar vlerësimin afatgjatë......
Euro ndal rënien, ngjitet sërish mbi 96 lekë - Dollari realizon fitime më të mëdha, mbështetet nga lufta në Iran
Gjatë javës që sapo u mbyll, monedhat kryesore të huaja kanë shfaqur një tendencë në rritje në raport me lekun, në tregun e brendshëm valutor. Sipas kursit......
