Transporti ajror “tërheq” më shumë turistë/ Regjistroi rritje me 9.1% në tremujorin e parë. Më pak preferojnë rrugët detare
Shqipëria po tërheq gjithnjë e më shumë vizitorë nga e gjithë bota. INSTAT ka publikuar statistikat për transportin ajror dhe detar për tremujorin e parë të vitit 2025, për të parë si kanë ndryshuar shifrat.
Gjatë tre muajve të parë të vitit aktual, kanë operuar 19 kompani ajrore, 18 të huaja dhe vetëm 1 shqiptare. Në hapësirën ajrore shqiptare janë regjistruar gjithsej 65,146 fluturime, ku 79.5% kanë qenë fluturime që vetëm kanë kaluar mbi vendin tonë.
Numri i pasagjerëve ka arritur në rreth 2 milionë persona, me një rritje prej 9.1% krahasuar me të njëjtën periudhë të vitit të kaluar.
Ndërkohë, sasia e mallrave të transportuara me avion ka qenë 396 ton, duke shënuar një rritje të lehtë prej 2.8%.
Ndryshe nga ajri, në transportin detar është shënuar një rënie. Në portet shqiptare kanë hyrë dhe dalë 206 anije, prej të cilave 191 ishin të huaja dhe vetëm 15 vendase. Kjo shënon një rënie të përgjithshme prej 32.2% krahasuar me një vit më parë, edhe pse numri i anijeve të huaja është rritur me 7.3%.
Nga ana tjetër, përmes porteve kanë udhëtuar 133,503 pasagjerë duke pësuar sërish rënie. Rreth 81.1% e tyre kanë kaluar nga Porti i Durrësit, 10.9% nga Porti i Vlorës dhe 8% nga Porti i Sarandës.
Mallrat e transportuara me det kanë arritur në 1.270 mijë ton, një ulje prej 3.6% krahasuar me vitin 2024. Nga ky total 34.9% janë mallra të eksportuara, ndërsa 63.7% janë mallra të importuara.
Nëse flasim për një periudhë tre mujore në turizëm, rezulton se në total kanë hyrë gjithsej 3.371.766 shtetas me një rritje prej 6.6% krahasuar me të njëjtën periudhë të vitit të kaluar.
Live TV
Financimi i qeverisë përmes titujve të borxhit në janar - Bankat dominojnë tregtimin në tregun sekondar me shumicën e transaksioneve
Qeveria shqiptare ka vijuar të financojë një pjesë të nevojave të saj përmes shitjes së titujve të borxhit në treg. Sipas të dhënave nga Ministria e......
Kostot e prodhimit rriten lehtë/ Shifra në tremujorin e katërt 2025 nuk paralajmëron shtrenjtim për konsumatorin
Indeksi i Çmimeve të Prodhimit për tremujorin e katërt të vitit 2025 arriti 129.6, duke shënuar një rritje shumë të vogël vjetore prej 0.2%. Theksojmë se ky......
Autoriteti i Konkurrencës nis monitorimin e tregut të shitjes së bukës në Korçë
Autoriteti i Konkurrencës, nisur nga disa informacione në media në lidhje me njoftimin e ndërmarrjeve të prodhimit dhe shitjes së bukës në qytetin e Korçës,......
Sa vlen një orë biznes në Shqipëri? Ndërmarrjet qarkullojnë rreth 4.2 milionë euro çdo 60 minuta
Shifrat zyrtare për ekonominë zakonisht publikohen në total vjetor dhe janë të vështira për t’u kuptuar nga publiku i gjerë. Por çfarë ndodh nëse ato......
