Tirana, ndër qytetet më të lira për transport publik/ Londra me kostot më të larta, Ballkani më i përballueshmi
Shqipëria dhe vendet e Ballkanit vazhdojnë të qëndrojnë ndër rajonet me çmimet më të ulëta të transportit publik në Europë, edhe në një kohë kur qytetet më të mëdha europiane po përballen me rritje të ndjeshme të kostove. Sipas të dhënave krahasuese të Numbeo për vitin 2025, Tirana renditet në vendin e 132-të nga 139 qytete, me një çmim mesatar prej vetëm 16 euro në muaj për një abonim të transportit publik. Më lirë se kryeqyteti shqiptar janë vetëm disa qytete të Europës Lindore, përfshirë Prishtinën, Chisinaun dhe Kievin me 9.54 euro.
Edhe në nivel rajonal, çmimet mbeten dukshëm të ulëta. Shkupi ofron një abonim mujor prej 24.35 eurosh, Sarajeva 29.71 euro, Podgorica 30 euro, ndërsa në Athinë çmimi është 29 euro. Një rast i veçantë është Beogradi, ku transporti publik është plotësisht falas. Këto shifra e pozicionojnë Ballkanin si një ndër zonat me transportin publik më të përballueshëm në kontinent, megjithëse kjo shpesh sjell diskutime mbi cilësinë e shërbimit, investimet dhe qëndrueshmërinë e sistemit.
Në krahun tjetër të Europës, kostot janë disa herë më të larta. Londra kryeson listën me një çmim prej 204.83 euro në muaj, ndërsa qytete si Utrecht, Brighton, Copenhagen, Manchester, Amsterdam, Stockholm dhe Paris luhaten nga rreth 88 deri mbi 150 euro për një abonim mujor. Edhe qytete të njohura për cilësinë e lartë të shërbimeve publike, si Zurich, Basel, Bern, Geneva dhe Dublin, kanë çmime që variojnë nga 75 deri në 95 euro.
Krahasimi i këtyre të dhënave nxjerr në pah hendekun e dukshëm ekonomik midis Europës Perëndimore dhe rajonit të Ballkanit. Ndërsa çmimet në Ballkan janë të ulëta dhe të favorshme për qytetarët, ato nuk shoqërohen gjithmonë me nivelin e infrastrukturës moderne apo efikasitetin që karakterizon vendet më të zhvilluara të kontinentit.
Këto çmime të ulëta në Ballkan lidhen shpesh me subvencionet që ofron vetë qeveria, duke bërë që kostoja për përdoruesit të jetë e ulët ose, në disa raste, edhe zero. Një shembull është Luksemburgu, ku transporti publik ofrohet falas që nga viti 2020, ndërsa Beogradi nga 1 janari i vitit 2025. Në këto vende, financimi bëhet nga taksat dhe buxheti i qeverisë, në mënyrë që çdo qytetar të mund të përdorë këtë lloj transporti. Ndërkohë, vendet ku çmimet janë shumë më të larta e shpjegojnë këtë me cilësinë më të mirë të shërbimit dhe infrastrukturën më të zhvilluar të transportit publik si dhe nivelin e jetesës dhe pagat.
Dobësohet Dollari amerikan – Sa këmbehen sot Franga, Euro dhe Paundi?
Dollari amerikan ka regjistruar këtë mëngjes një rënie të vlerës krahasuar me një ditë më parë teksa është blerë me 82.5 lekë dhe është shitur me 83.7 lekë......
Trump kërkon të rinovojë Aeroportin e Uashingtonit - Presidenti amerikan kritikon gjendjen e impiantit, propozon projekt të ri
Presidenti Donald Trump tha se administrata e tij synon të rindërtojë Aeroportin Ndërkombëtar “Washington Dulles” në Virxhinia, impiantin kryesor......
Hartë e re kombëtare për rrezikun nga zjarret - Greqia synon të parandalojë rreziqet klimatike
Harta Kombëtare e Vlerësimit të Rrezikut nga Zjarret në Pyje në Greqi ka hyrë në fuqi, pas miratimit nga Ministri i Krizave Klimatike dhe Mbrojtjes Civile.......
Kush përfiton nga kompensimi i TVSH-së më 10%? - Procedurat që duhet të ndjekin fermerët dhe produktet që mbulon skema
Nga 1 janari 2026, hyn në fuqi norma e kompensimit në 10% për fermerët, si pjesë paketës fiskale. Reforma synon të lehtësojë kostot e prodhimit duke......
450 milionë euro nga huadhënësit ndërkombëtarë - Mali i Zi merr kredi për të zgjeruar rezervat fiskale
Ministria e Financave e Malit të Zi nënshkroi një marrëveshje kredie 5-vjeçare prej 450 milionë euro me një grup bankash të huaja për të ndihmuar në......
Ligji për të drejtat e pasagjerëve mbetet “pezull” - Ligjvënësit e BE-së, nën presion nga industria e aviacionit
Ligjvënësit evropianë nuk arritën të binin dakord për një ligj të diskutueshëm mbi të drejtat e pasagjerëve ajrorë gjatë bisedimeve të fundit. Procesi, që ka......
Tirana “magnet” i bizneseve - Si janë shpërndarë aktivitetet ekonomike në Shqipëri?
Sipas të dhënave të Qendrës Kombëtare të Biznesit, në Shqipëri, sot numërohen plot 408 mijë e 620 biznese aktive. Një shifër që tregon jo vetëm zgjerimin e......
“IA po ndihmon rritjen ekonomike globale” - OECD: Investimet në këtë sektor, po kompensojnë tarifat
Rritja e ekonomisë globale po vijon më mirë se sa pritej, pasi një boom investimesh në inteligjencën artificiale ndihmon në kompensimin e një pjese të......
