Tetori dyfishon numrin e turistëve të huaj/ Gjermanët dhe italianët shënuan numrin më të lartë të vizitorëve
Turizmi ka vijuar të japë sinjale pozitive edhe gjatë muajit tetor, duke sjellë një përmirësim të ndjeshëm si në numrin e vizitorëve ashtu edhe në netë qëndrimet në strukturat akomoduese në vend. Sipas të dhënave të publikuara nga Instituti i Statistikave (INSTAT), gjatë tetorit numri i përgjithshëm i vizitorëve u rrit me 39.1% krahasuar me të njëjtën periudhë të një viti më parë.
Rritja më e ndjeshme u regjistrua nga vizitorët jo-rezidentë, të cilët shënuan një rritje prej 55.4%, çka tregon se prania e turistëve të huaj gjatë kësaj periudhe është dyfishuar. Ndërkohë, vizitorët vendas patën një rritje më të moderuar, me 5.8%, duke reflektuar një stabilitet të kërkesës së brendshme për akomodim turistik.
Edhe netë qëndrimet pësuan rritje, duke u shtuar me 17.4% në total. Netë qëndrimet nga vizitorët e huaj u rritën ndjeshëm me 26%, duke konfirmuar tendencën e qëndrimeve më të shumta nga turistët ndërkombëtarë. Në të kundërt, për vizitorët vendas u regjistrua një rënie prej 3.1% në netëqëndrime, krahasuar me tetorin e vitit 2024.
Nga pikëpamja gjeografike, rritja më e madhe e vizitorëve u shënua në zonat bregdetare, ku numri i tyre u rrit me 73.6%, duke konfirmuar vijimin e atraktivitetit të bregdetit edhe jashtë sezonit të pikut veror. Paralelisht, akomodimet alternative dhe të ngjashme shënuan një rritje të konsiderueshme prej 54.4%.
Sa i përket origjinës së vizitorëve jo-rezidentë, në tetor 2025 pjesa më e madhe e tyre vinin nga Kosova, me 14% të totalit. Italia dhe Gjermania kontribuan secila me nga 13%, ndërsa Franca dhe Mbretëria e Bashkuar përfaqësuan përkatësisht 7% dhe 5% të vizitorëve. Pjesa e mbetur, rreth 48%, përbëhej nga vizitorë nga vende të tjera, çka dëshmon për zgjerimin e tregjeve dhe rritjen e interesit ndërkombëtar për Shqipërinë si destinacion turistik.
Në të njëjtën linjë pozitive është norma e shfrytëzimit të dhomave në hotele e cila arriti në 31.6% gjatë tetorit, nga 27.7% që ishte në tetor 2024, duke reflektuar një përmirësim të mëtejshëm të performancës së sektorit.
Live TV
Bilanci i punës 2025, 79% e bizneseve rezultojnë me shkelje - Ibrahimaj: Prioritet këshillimi, ndryshon qasja ndaj subjekteve
Inspektorati Shtetëror i Punës ka prezantuar raportin vjetor për vitin 2025, duke zbardhur shifrat e kontrolleve në të gjithë vendin. Gjatë fjalës së saj......
Shqipëria vijon rritjen e fluturimeve komerciale/ Rreth 126% më shumë se para pandemisë, kryeson Europën
Sipas të dhënave më të fundit të publikuara nga Eurostat, në shkurt 2026, niveli i fluturimeve në Bashkimin Europian mbetet ende 3.6% më i ulët krahasuar me......
2026, vit i fundjavave të gjata/ Kalendari i festave dhuron 8 ditë pushim shtesë nga “transferimi” i datave
Sot, ndërsa besimtarët myslimanë festojnë Bajramin e Madh, vëmendja e të gjithëve kthehet nga planifikimi i pjesës tjetër të vitit. Kalendari zyrtar i......
Provimet e shtetit, më pak burokraci e më shumë kontroll - Krijohet databazë për aplikim, testim dhe licencim
Procesi i provimeve të shtetit në Shqipëri pritet të hyjë në një fazë të re digjitalizimi, pas vendimit të qeverisë për krijimin e një baze të centralizuar......
