Taksat mjedisore, 60.5 mld lekë në arkën e shtetit/ Pjesën më të madhe të të ardhurave e përbënin taksat mbi energjinë
Gjatë vitit 2023, të ardhurat nga taksat mjedisore në Shqipëri arritën në 60.5 miliardë lekë, duke shënuar një rritje prej 9.03% krahasuar me vitin 2022. Të dhënat e publikuaar nga Instituti i Statistikave (INSTAT) tregojnë për një ndikim domethënës të këtyre taksave në financat publike.
Pjesën më të madhe të këtyre të ardhurave e përbënin taksat mbi energjinë, të cilat zënë 82.56% të totalit, ose rreth 49 miliardë lekë. Kjo kategori ka shënuar një rritje prej 9.17% në krahasim me vitin 2022, kur u mblodhën 45.7 miliardë lekë.
Në vend të dytë renditen taksat e transportit, të cilat përfaqësojnë 12.9% të totalit, me 7.7 miliardë lekë të grumbulluara në vitin 2023.
Ndërkaq, taksa për ndotjen kontribuoi me 4.45% të të ardhurave nga taksat mjedisore, ndërsa taksa mbi burimet natyrore përbënte vetëm 0.10%. Kjo e fundit ka pësuar rënien më të madhe nga të gjitha kategoritë, me një ulje prej 13.76%, duke zbritur nga 71 milionë lekë në vitin 2022 në 61 milionë lekë në 2023.
Pavarësisht rritjes së përgjithshme të të ardhurave, pesha e taksave mjedisore në Prodhimin e Brendshëm Bruto (PBB) ra në 2.55% në vitin 2023, nga 2.99% që ishte një vit më parë – një ulje prej 0.44 pikë përqindje. Po ashtu, kontributi i këtyre taksave në totalin e të ardhurave nga taksat dhe sigurimet shoqërore shënoi një rënie të lehtë me 0.14 pikë përqindje, duke zbritur në 10.10%.
Ky bilanc tregon një rritje nominale të të ardhurave, por një ulje të rolit relativ të taksave mjedisore në ekonominë kombëtare.
Live TV
Naftësjellës për të anashkaluar Hormuzin - Emirateve të Bashkuara do dyfishojnë kapacitetin eksportues
Emiratet e Bashkuara Arabe do të përshpejtojnë ndërtimin e një tubacioni të ri nafte për të dyfishuar kapacitetin e tyre të eksportit deri në vitin 2027.......
BE kërkon zgjidhje të ngërçit politik në Kosovë - Marta Kos: Duhen institucione të qëndrueshme për rrugën drejt integrimit
Komisionerja për Zgjerim e Bashkimit Evropian, Marta Kos, i bëri thirrje klasës politike në Kosovë që të gjejë gjuhë të përbashkët për t’i dhënë fund ngërçit......
Kroçiera “Sirena” sjell 646 turistë në Durrës - Shqipëria, një destinacion turistik edhe jashtë sezonit veror
Një tjetër kroçierë me turistë ka mbërritur mëngjesin e së shtunës në Shqipëri, duke konfirmuar rritjen e interesit të turistëve të huaj për vendin tonë në......
Banka Botërore vlerëson politikën monetare të Shqipërisë - Paolucci: Raporti i kredive me probleme, në nivelet minimale të më shumë se një dekade
Politika monetare e ndjekur nga Banka e Shqipërisë ka dhënë një kontribut të rëndësishëm në zhvillimin e ekonomisë së vendit, ndërsa raporti i kredive me......
