Studentët po ndryshojnë zgjedhje?! Universitetet private fitojnë terren, regjistrimet u rritën me 18.3% në pesë vite
Vitet e fundit, universitetet private në Shqipëri po tërheqin gjithnjë e më shumë studentë, duke shënuar një rritje të vazhdueshme të regjistrimeve dhe duke fituar terren përballë institucioneve publike të arsimit të lartë. Të dhënat e publikuara nga Instituti i Statistikave tregojnë se një numër në rritje i të rinjve po zgjedhin të ndjekin studimet në institucionet private, një prirje që duket se po konsolidohet nga viti në vit.
Sipas statistikave, nëse krahasojmë vitin akademik 2025-2026 me vitin akademik 2021-2022, numri i studentëve të regjistruar në arsimin e lartë privat është rritur me 18.3%. Në fillim të periudhës së analizuar, universitetet private numëronin rreth 29,400 mijë studentë, ndërsa në vitin më të fundit akademik ky numër ka arritur në afro 34,800 mijë studentë.
Rritja nuk ka qenë e rastësishme, por ka vijuar në mënyrë të qëndrueshme gjatë viteve të fundit. Kulmi u arrit në vitin akademik 2024-2025, kur universitetet private regjistruan mbi 35,700 mijë studentë, niveli më i lartë i regjistruar në periudhën e fundit. Ky zhvillim tregon se institucionet private po forcojnë pozitat e tyre në tregun e arsimit të lartë, duke tërhequr një pjesë gjithnjë e më të madhe të studentëve.
Prirja pozitive nuk reflektohet vetëm te regjistrimet, por edhe te diplomimet. Të dhënat tregojnë se numri i studentëve që përfundojnë studimet në universitetet private ka ardhur në rritje. Gjatë vitit 2025 u regjistruan afro 10 mijë diplomime, duke konfirmuar se këto institucione po mbajnë një peshë gjithnjë e më të rëndësishme në përgatitjen e profesionistëve të rinj për tregun e punës.
Nga ana tjetër, universitetet publike po përballen me një trend të kundërt. Krahasuar me vitin akademik 2021-2022 dhe 2025-2026, numri i studentëve të regjistruar në arsimin e lartë publik ka rënë me 14.2%. Ulja ka qenë e vazhdueshme nga viti në vit, duke reflektuar ndryshimet në preferencat e studentëve, por edhe sfidat me të cilat përballet sistemi publik i arsimit të lartë.
Ky zhvillim mund të lidhet me disa faktorë, mes të cilëve fleksibiliteti i programeve të studimit, bashkëpunimet ndërkombëtare, orientimi më i madh drejt tregut të punës dhe investimet në infrastrukturë që kanë bërë universitetet private. Në të njëjtën kohë, rënia e numrit të të rinjve në vend për shkak të emigracionit dhe ndryshimeve demografike ka ushtruar presion mbi universitetet publike, të cilat po shohin tkurrje të bazës së studentëve.
Tendencat e viteve të fundit tregojnë se konkurrenca mes universiteteve publike dhe private po bëhet gjithnjë e më e fortë. Ndërsa sektori privat po zgjeron praninë e tij në arsimin e lartë, institucionet publike përballen me sfidën për të ruajtur atraktivitetin dhe për të tërhequr brezat e rinj të studentëve.
Live TV
Ndryshon punësimi në shtet - Rama: Hyrja në administratën publike, me provim. Krijohet Regjistri Kombëtar i Talenteve
Plani i ri i qeverisë për rekrutimin e punonjësve në administratën publike në bazë të meritokracisë, do të përfshijë realizimin e një testimi unik kombëtar......
Fonde për sigurimet shoqërore - Ibrahimaj: 70% e buxhetit të ministrisë, për financimin e diferencës së skemës
Pjesa më e madhe e buxhetit të Ministrisë së Ekonomisë dhe Inovacionit për vitin 2027 do të shkojë për financimin e diferencës të skemës së sigurimeve......
Ekonomia fiton besim - BSH: Shërbimet dhe industria më optimiste, ndërsa ndërtimi dhe tregtia shënojnë rënie
Besimi i bizneseve dhe konsumatorëve në ekonomi është përmirësuar gjatë muajit tetor, por jo në të gjithë sektorët. Sipas vrojtimit më të fundit të Bankës së......
Turizmi, synimi sfidon shifrat/ Sa realiste janë parashikimet për 15.5 milionë të huaj në vitin 2027?
Qeveria synon 15.5 milionë hyrje të shtetasve të huaj në vitin 2027. Projeksioni i “Scan Intel” tregon se për arritjen e këtij objektivi do të nevojitej një rritje prej rreth 18.5%, ndjeshëm më e lartë se ritmi aktual.
