Shtohet numri i makinave, por bien regjistrimet e reja/ Volkswagen dhe Mercedes kryesojnë listën e preferencave
Sipas të dhënave të publikuara nga Instituti i Statistikave (INSTAT), gjatë tremujorit të parë të vitit 2025, numri i mjeteve rrugore në qarkullim në territorin e Shqipërisë ka arritur në 976,916 njësi. Pjesën më të madhe të këtyre mjeteve e zënë autoveturat me 80.8%, të ndjekura nga mjetet për transport të përzier me 6% dhe motorët me 5.8%
Tirana mban peshën më të madhe me 34.7 % të mjeteve gjithsej, ndjekur nga Durrësi me 13.5%. Ndërkohë, qarqet me numrin më të ulët të mjeteve janë Gjirokastra dhe Kukësi respekivisht me 2.2% dhe 2.4%.
Gjatë kësaj periudhe janë regjistruar për herë të parë 20,319 mjete të reja ku 82% janë autovetura. Tirana ka udhëhequr sërish me 40% të regjistrimeve të reja.
Krahasuar me tremujorin e parë të vitit 2024, numri total i mjeteve ka shënuar një rritje me 10.1%, ndërsa regjistrimet e reja kanë pësuar një rënie me 4.4 %.
Për sa i përket markave të regjistruara për herë të parë, Volkswagen zë vendin e parë me 20%, e ndjekur nga Mercedes Benz me 19%. Më pas renditen Audi, Ford dhe Toyota me përqindje më të ulëta.
Këto të dhëna tregojnë një rritje të qartë të mjeteve rrugore në Shqipëri dhe një përqendrim të tyre kryesisht në zonat urbane si Tirana dhe Durrësi. Pavarësisht uljes së lehtë të regjistrimeve të reja, interesi për mjete rrugore të markave të njohura mbetet i lartë.
Live TV
Dervishi: Informacioni, themel i lirisë - Komisioneri shqiptar drejtoi konferencën ndërkombëtare për transparencën në Sierra Leone
Komisioneri për të Drejtën e Informimit dhe Mbrojtjen e të Dhënave Personale, Besnik Dervishi, drejtoi në Freetown të Sierra Leones sesionet publike të......
A mjafton vetëm transparenca? - Spaho: “Pasqyra e Çmimeve” të shoqërohet me masa për rritjen e konkurrencës
Sa mund të ndikojë “Pasqyra e Çmimeve” në faturën që qytetarët paguajnë në supermarket? Eksperti I ekonomisë, Mateo Spaho shprehet se kjo nismë është......
Forcojmë peshën në tregti/ Për çdo 100 lekë mallra importi, sigurojmë rreth 40.5 lekë përmes eksporteve
Eksportet shqiptare po tregojnë një përmirësim gjatë vitit 2026, duke u rritur më shpejt se importet dhe duke forcuar lehtë raportin mes mallrave që vendi......
BE “hap portat”? - Tregu europian afrohet për kandidatët, por përfitimet lidhen me reformat
Bashkimi Europian po shqyrton një mënyrë të re për t’iu afruar vendeve kandidate: në vend që përfitimet më të mëdha ekonomike të vijnë vetëm pas anëtarësimit,......
