Analiza Postuar më 20 Janar 2025, 12:49

Shqipëria tërheq vizitorë edhe në nëntor/ 52% më shumë të huaj, rriten edhe netëqëndrimet

Nga Armela Duka

Shqipëria tërheq vizitorë edhe në nëntor/  52% më

Në muajin nëntor të vitit 2024, treguesit e shfrytëzimit të kapaciteteve të strukturave akomoduese kanë shënuar një përmirësim të ndjeshëm, krahasuar me të njëjtën periudhë të vitit të kaluar. Numri i vizitorëve gjithsej regjistrohet në rreth 147,000 ose 30.8% më shumë se vjet, duke reflektuar kështu një interes të shtuar për shërbimet dhe akomodimet që ofrohen në vendin tonë. Konkretisht, vizitorët vendas janë shtuar me 2.8%, ndërsa numri i vizitorëve të huaj ka shënuar një rritje të ndjeshme prej 52.1%, krahasuar me nëntorin e vitit 2023. Në total, për periudhën Janar-Nëntor, numri i vizitorëve të huaj në struktura vlerësohet në rreth 2 milionë

Paralelisht, edhe numri i netëqëndrimeve gjithsej ka pasur një rritje të konsiderueshme prej 35.8%, në krahasim me nëntorin e një viti më parë. Sipas të dhënave zyrtare nga INSTAT, netëqëndrimet nga vendasit janë rritur me 3.3%, ndërsa netëqëndrimet nga të huajt kanë pësuar një rritje të ndjeshme prej 54.7%.

Sipas ndarjes rajonale,në muajin e 11-të të vitit 2024, numri më i lartë i netëqëndrimeve është regjistruar në “Rajonin Qendër” i cili ka kryesuar me 56.7% të totalit të netëve të qëndrimeve, duke u shfaqur si destinacioni më i preferuar për vizitorët.

Në aspektin e zonave të afërsisë me bregdetin, “Zonat jo-bregdetare” kanë mbizotëruar me 63.7% të netëve të qëndrimeve. Ndërsa, lidhur me llojin e strukturave akomoduese, “Hotelet dhe akomodimet e ngjashme” kanë regjistruar 95.1% të totalit të netëqëndrimeve, duke u shfaqur si zgjedhja dominuese e vizitorëve.

Po ashtu, origjina e vizitorëve ka qenë diverse. Nga numri i përgjithshëm i vizitorëve, 66% kanë qenë të huaj. Kontribuesit kryesorë në fluksin e vizitorëve ishin Kosova dhe Italia, me nga 10.5% secila. Gjermania dhe Franca pasuan me përkatësisht 5.8% dhe 3.2%. Ndërkohë, një pjesë e konsiderueshme e vizitorëve, që përfaqësonin 33.2% përfshihen në kategorinë “Të pa specifikuar"  përsa i përket origjinës. 

Sondazh

Poll
Shqipëria 20 Janar Edel Strazimiri

Java nis negativisht për valutat e huaja!

Monedha europiane blihet sot me 97.9 lekë dhe shitet me 98.5 lekë nga java kaluar pa ndonjë ndryshim të ndjeshëm sipas kursit të këmbimit lokal. Dollari......

Live TV

Të fundit
Të gjitha lajmet

Më të vizituarat