Shqipëria “tërheq” më pak BE, por më shumë rajon/ Ndërmarrjet e huaja në vend. Italia bie në numër, por jo në fuqi
Në vitin 2024, harta e kapitalit të huaj në Shqipëri shfaq një zhvendosje të dukshme të peshës nga vendet e Bashkimit Europian drejt Ballkanit Perëndimor dhe shteteve të tjera. Edhe pse numri total i ndërmarrjeve të huaja dhe të përbashkëta u rrit lehtë, nga 6,938 në 7,007, pesha e vendeve të BE-së ra nga 63.1% në 60.7%, pasi numri i tyre zbriti nga 4,378 në 4,253. Në të kundërt, shtetet e Ballkanit Perëndimor u rritën nga 761 në 831 ndërmarrje, duke e çuar peshën e tyre nga 11.0% në 11.9%, ndërsa shtetet e tjera u zgjeruan nga 1,799 në 1,923 ndërmarrje, ose nga 25.9% në 27.4% të totalit.
Në nivel shtetesh, rritjen më të fortë e shënoi Kosova, me 63 ndërmarrje më shumë, e ndjekur nga Turqia me 50, ndërsa rënia më e madhe u regjistrua te Italia, me 96 ndërmarrje më pak, megjithëse ajo mbetet vendi më dominues në treg. Rënie pati edhe për Greqinë, Zvicrën dhe Austrinë, ndërsa Gjermania mbeti thuajse në të njëjtin nivel. Këto lëvizje tregojnë se, ndonëse boshti europian mbetet përcaktues, pesha relative e tij po zbehet lehtë, ndërsa po rritet prania e kapitalit rajonal dhe e investitorëve nga vende jashtë BE-së.
Megjithatë, Italia vijon të mbetet shtylla kryesore e kapitalit të huaj në Shqipëri, ndërsa Kosova po fiton terren me ritëm të dukshëm në numrin e ndërmarrjeve që operojnë në vend. Rreth 2,930 ndërmarrje ishin me pronësi ose bashkëpronësi italiane. Kjo do të thotë se rreth 41.8% e këtij kontingjenti lidhet me Italinë, çka e mban vendin fqinj në rolin e aktorit dominues të kapitalit të huaj në ekonominë Shqiptare.
Pesha italiane nuk matet vetëm me numrin e ndërmarrjeve. Brenda grupit të ndërmarrjeve të huaja dhe të përbashkëta, Italia zë 46.8% të punësimit dhe 25.6% të shitjeve neto, duke mbetur lojtari kryesor në aktivitetin ekonomik të këtij segmenti.
Sa i përket vendeve fqinje, Maqedonia e Veriut dhe Mali i Zi shënuan secila nga 4 ndërmarrje më shumë, përkatësisht nga 162 në 166 dhe nga 22 në 26, Bosnje Hercegovina mbeti në 12, ndërsa Serbia ra lehtë nga 46 në 45.
Live TV
Në luftë me vatrat e zjarrit në Tiranë, Dibër e Krujë/ Ministria e Mbrojtjes: Në terren 2 avionë dhe 2 helikopterë
Nga 35 vatra zjarri në 24 orët e fundit, 8 janë ende aktive, njofton Ministria e Mbrojtjes. Për menaxhimin e këtyre vatrave janë angazhuar gjithsej 533 forca......
Parashikimi: Deri në 2050 dëmi nga zjarret 7% PBB/ Plani Kombëtar: Të ripyllëzohen sipërfaqet pyjore të zhveshura
Zjarret në pyje, të nxitura nga temperaturat e larta ekstreme po kthehen në një nga rreziqet klimatike me pasojat më të mëdha për Shqipërinë. Sipas shifrave......
Karboni, Shqipëria me avantazh ndaj rajonit/ Raporti: Kosto zero për eksportet e energjisë elektrike drejt BE-së
Shqipëria rezulton në një pozicion të favorshëm krahasuar me vendet e tjera të rajonit sa i takon ndikimit të Mekanizmit të Rregullimit të Karbonit në Kufij,......
Bypass-i i Elbasanit, firmosen kontratat për dy fazat e para/ Investimi 4.72 mld lekë me TVSH, hapet rruga për nisjen e punimeve
Autoriteti Rrugor Shqiptar ka nënshkruar kontratat për ndërtimin e dy fazave të para të bypass-it të Elbasanit, duke i hapur rrugë nisjes së punimeve për një......
