Shqipëria nis vitin me rritje të fortë të turizmit/ Kryeson rajonin për netëqëndrimet në tremujorin e parë
Turizmi në Shqipëri ka vijuar të japë sinjale pozitive edhe gjatë muajve të parë të vitit 2026. Të dhënat e publikuara nga Eurostat tregojnë se vendi ka shënuar një rritje të ndjeshme të netëqëndrimeve në strukturat akomoduese, duke u renditur ndër performuesit më të mirë në rajon dhe në disa raste edhe mes vendeve me rritjen më të lartë në Europë.
Në total, gjatë tremujorit të parë të vitit 2026 janë regjistruar rreth 834 mijë netëqëndrime në Shqipëri, me rritje si nga turistët vendas ashtu edhe nga vizitorët e huaj. Kjo tendencë konfirmon se sezoni turistik nuk po kufizohet më vetëm në muajt e verës, por po shtrihet gradualisht gjatë gjithë vitit.
Muaji janar rezultoi veçanërisht pozitiv, me një rritje prej 10.57% të netëqëndrimeve krahasuar me të njëjtën periudhë të një viti më parë. Rritja u mbështet kryesisht nga turistët vendas, netëqëndrimet e të cilëve u zgjeruan me afro 20%. Falë këtij rezultati, Shqipëria regjistroi performancën më të mirë në rajon për muajin e parë të vitit.
Edhe shkurti vijoi në të njëjtën linjë, me një rritje prej 9.84% të netëqëndrimeve. Edhe gjatë këtij muaji, vizitorët vendas mbetën faktori kryesor i zgjerimit të aktivitetit turistik, ndërsa Shqipëria u rendit e dyta në rajon për ritmet e rritjes.
Ndërkohë, marsi solli rezultatin më të fortë të tremujorit. Netëqëndrimet u rritën me 12.72%, duke e vendosur Shqipërinë në krye të rajonit dhe mes vendeve me performancën më të mirë në Europë. Ndryshe nga dy muajt e parë të vitit, gjatë marsit ishin turistët e huaj ata që kontribuuan më shumë në zgjerimin e aktivitetit, duke sinjalizuar një interes në rritje të vizitorëve ndërkombëtarë për destinacionet shqiptare edhe jashtë sezonit tradicional veror.
Në nivel europian, tremujori i parë i vitit 2026 regjistroi 471.1 milionë netëqëndrime në akomodimet turistike, ose 3.4% më shumë se një vit më parë. Rritja u mbështet si nga vizitorët e huaj ashtu edhe nga ata vendas, duke reflektuar vazhdimin e rimëkëmbjes dhe zgjerimit të sektorit turistik në të gjithë kontinentin.
Live TV
Rriten fitimet me Airbnb/ Një listim mesatar në Tiranë gjeneroi 10.600 USD gjatë 12 muajve të fundit
Tregu i qirave afatshkurtra në Tiranë ka shënuar një rritje të fortë gjatë vitit të fundit, me të ardhurat nga listimet Airbnb që janë rritur ndjeshëm. Sipas......
Rezerva e hidrokarbureve kalon te shteti - Qeveria projektligj për krijimin e Autoritetit Kombëtar për rezervat dhe furnizimin
Rezerva e sigurisë së hidrokarbureve do të administrohet në të ardhmen nga një subjekt shtetëror dhe jo më nga operatorët privatë. Ndryshimi parashikohet në......
Ringrihet Bordi i Transparencës/ Ibrahimaj: Monitorim i çmimeve të karburanteve
Qeveria vendosi sot që të riaktivizojë Bordin e Transparencës për çmimet e karburanteve, pasi çmimet kanë qëndruar për më shumë se dy javë mbi nivelin e 222......
E kaluara “troket” sërish - Vendimi ndaj ish-drejtuesve të UÇK rihap debatin për krimet e luftës dhe të kaluarën
Vendimi i Gjykatës Speciale në Hagë për ish-drejtuesit e UÇK-së hap një nga kapitujt më të ndjeshëm të historisë së Kosovës pas luftës. Për ta kuptuar peshën......
