Shqipëria, ndër liderët për gratë në qeveri/ 54% e posteve qeveritare mbahen nga gra, shumë mbi mesataren e BE-së
Eurostat ka publikuar disa të dhëna mbi përfaqësimin gjinor në politikë. Ajo që bie në sy është se pothuajse të gjitha shtetet kanë shënuar një rritje të dukshme të përfshirjes së grave në politikë gjatë viteve të fundit.
Në Shqipëri, gjithashtu është vënë re një rritje e qartë e përfaqësimit të grave. Nga 7.1% në vitin 2005, ky tregues u rrit në 22.9% në vitin 2015 dhe arriti në 34.3% në vitin 2025, duke shënuar kështu nivelin më të lartë të regjistruar deri më tani.
Po ashtu, në vitin 2025 u vu re një rritje e pjesëmarrjes së grave në qeveritë kombëtare. Gratë mbanin 31.9% të vendeve në qeveritë e shteteve të Bashkimit Evropian, një rritje prej 4.2 pikë përqindjeje krahasuar me vitin 2015.
Ajo që bie veçanërisht në sy është se Shqipëria renditet shumë lart për sa i përket grave që mbajnë poste qeveritare. Shqipëria mban vendin e tretë me 54%, duke treguar një prani të konsiderueshme të grave në strukturat qeverisëse. Nga ana tjetër, vendin e parë e mban Finlanda me 60%, ndërsa Islanda renditet pas saj me rreth 54%.
Nëse fokusohemi te rajoni, Serbia renditet pas Shqipërisë për përfaqësimin e grave në qeveri me 32.3%. Pas saj vijnë Bosnje &Hercegovina si dhe Mali i Zi, ndërsa Kosova dhe Maqedonia e Veriut kanë përfaqësimin më të ulët, me përkatësisht 15.3% dhe 13.2%.
Barazia u arrit në Suedi (50.0%), ndërsa në Francë pothuajse gjysma e anëtarëve të qeverisë ishin gra (48.6%).Në të kundërt, Hungaria nuk kishte asnjë grua në qeverinë e saj kombëtare, ndërsa Rumania kishte vetëm 10.5% dhe Çekia 11.8%.
Në shumicën e vendeve të BE-së, pjesa e grave në qeveritë kombëtare është rritur që nga viti 2015. Finlanda regjistroi rritjen më të madhe me +26.7 pikë përqindjeje, e ndjekur nga Lituania (+20.4 pikë përqindjeje) dhe Estonia (+17.5 pikë përqindjeje). Nga ana tjetër, rënie u regjistruan në gjashtë vende të BE-së: Rumani (-24.5 pikë përqindjeje), Slloveni (-7.7), Çeki (-5.8), Holandë (-4.2), Belgjikë (-1.1) dhe Poloni (-0.8).
Në përgjithësi, të dhënat tregojnë një prirje pozitive drejt rritjes së përfaqësimit të grave në politikë, megjithëse dallimet mes vendeve mbeten ende të dukshme.
Live TV
Siguria teknike/ IKMT inspekton 114 kantiere brenda 1 jave
Inspektorati Kombëtar i Mbrojtjes së Territorit, përmes Drejtorisë së Inspektimit të Territorit dhe Planifikimit, në koordinim me AZHT-në, zhvilloi javën e......
Sa kushton një serbator nafte me çmimet aktuale? Një mbushje e plotë e makinës kushton nga 9,100 deri në 9,450 lekë
Çmimi i naftës në tregun shqiptar ka shënuar rritje ditët e fundit, duke reflektuar presionin që vjen nga tregjet ndërkombëtare të energjisë. Aktualisht në......
Borxhet e energjisë, likujdim me këste - OSHEE nis skemat e reja, kriteret për të përfituar dhe reduktim kamatëvonese
Furnizuesi i Shërbimit Universal (FSHU), pjesë e OSHEE Group, ka nisur zbatimin e skemave të reja lehtësuese për shlyerjen me këste të detyrimeve të......
Cilat lagje në Shqipëri janë më fitimprurëse në Airbnb? Nata kushton mesatarisht 35–120 euro, pronat bregdetare sjellin çmimet më të larta
Sipas studimit të Investropa, disa lagje të Shqipërisë dallohen për performancën e tyre të lartë në platformën e Airbnb, e cila po shfaqet si një formë......
