Shqipëria më pak e “plakur” se mesatarja europiane/ Raporti i varësisë ndaj të moshuarve arriti në 33.3% në vitin 2025
Raporti i varësisë së të moshuarve, i përcaktuar si përqindja e individëve të moshuar (të moshës 65 vjeç e lart) në raport me popullsinë në moshë pune (persona të moshës 20 deri në 64 vjeç), është rritur ndjeshëm në 20 vitet e fundit.
Në BE, më 1 janar 2024, raporti ishte 37%, duke treguar se kishte më pak se 3 të rritur në moshë pune për çdo person të moshuar. Mirëpo, si paraqiten këto të dhëna për Shqipërinë? Më 1 janar 2024, raporti i varësisë së të moshuarve ishte 31.1%. Sipas të dhënave të INSTAT, ky raport u rrit në janarin e këtij viti, duke arritur në 33.3%, duke u afruar më shumë me mesataren e BE-së. Por si paraqiten të dhënat për vitin 2024 në krahasim me Shqipërinë dhe vendet e tjera të rajonit dhe Europës?
Sa i përket rajonit, vendi me raportin më të lartë të të moshuarve është Serbia me 38.6%, duke kaluar mesataren e Bashkimit Europian. Ndërkohë, Mali i Zi dhe Maqedonia e Veriut sipas statistikave rezultojnë me një raport më të ulët, përkatësisht 28.1% dhe 30.4%.
Rajonet më të largëta franceze, si Majota (6.1%) dhe Guajana (13.8%), si dhe rajoni i kryeqytetit Byen København në Danimarkë (17.8%), kishin raportet më të ulëta të varësisë së të moshuarve për Europën.
Ndërkohë, rajoni bregdetar belg i Arrondissement of Veurne kishte raportin më të lartë të varësisë së të moshuarve (72.8%). Alto Tâmega e Barroso në Portugalinë veriore (71.4%) dhe Evrytania në Greqinë qendrore (71.1%) ishin të vetmet rajone të tjera në BE ku ky raport tejkalonte 70%.
Live TV
Menaxhimi i mbetjeve, debate te Ligjet - Do ngrihet operator qendror, bashkive iu mbetet grumbullimi. Tërhiqet importi i plehrave
Mes debatesh ndërmjet deputetëve të maxhorancës dhe opozitës, Komisioni i Ligjeve ka nisur diskutimin e pr.ligjit “Për menaxhimin e integruar të......
Treni Durrës-Rrogozhinë “vjen” në 2028 - Zv.ministrja Muçaj jep afatet për punimet dhe elektrifikimin e aksit 34 km
Rehabilitimi dhe elektrifikimi i hekurudhës Durrës – Rrogozhinë pritet të përfundojë në vitin 2028”. Afatet janë bërë me dije nga zv.ministrja e......
Tetori rozë, rëndësia e diagnostikimit të hershëm - Filipi: Mamografi falas në çdo qytet, ftesë për gratë mbi 50 vjeç
Tetori është i njohur si muaji i ndërgjegjësimit për kancerin e gjirit, ku vëmendja ndaj kësaj sëmundjeje shtohet dhe ndërmerren fushata të ndryshme për......
Sa kredi merrni nga institucionet jobanka? - Shtohet pesha e tyre në sistemin financiar. BSH: Rreth 39% e huasë, për bizneset
Përveç bankave, të cilat kanë pasur një performancë pozitive në gjysmën e parë të këtij viti, edhe sektori jobankar, i cili përbëhet nga institucionet......
