Shqipëria kryeson Europën për fluturimet komerciale/ Sipas Eurostat, trafiku ajror është rritur ndjeshëm pas pandemisë
Shqipëria vijon të konfirmohet si një nga tregjet me rritjen më të shpejtë të turizmit dhe transportit ajror në Europë. Të dhënat e publikuara nga Eurostat tregojnë se vendi ynë ka regjistruar rritjen më të lartë të fluturimeve komerciale krahasuar me periudhën para pandemisë, duke lënë pas jo vetëm rajonin, por edhe të gjitha vendet europiane.
Sipas statistikave, vetëm gjatë muajit prill Shqipëria shënoi një rritje prej 219.6% të numrit të fluturimeve komerciale në krahasim me të njëjtën periudhë para pandemisë. Kjo është shifra më e lartë e regjistruar në Europë dhe tregon zgjerimin e fortë të tregut ajror shqiptar, të nxitur nga rritja e turizmit, hyrja e kompanive low-cost dhe kërkesa gjithnjë në rritje për udhëtime drejt Shqipërisë.
Edhe muajt e parë të vitit kanë treguar të njëjtin trend pozitiv. Në muajin mars dhe shkurt, rritja e fluturimeve arriti në rreth 126% dhe 165%, ndërsa janari regjistroi një rritje më të moderuar prej 115%. Në të gjithë katërmujorin e parë të vitit, Shqipëria ka mbajtur pozicionin e vendit me rritjen më të lartë të trafikut ajror në Europë dhe në rajon.
Performanca e fortë e Shqipërisë reflekton jo vetëm zgjerimin e sektorit të turizmit, por edhe kthimin e vendit në një destinacion gjithnjë e më të rëndësishëm për linjat ajrore ndërkombëtare. Shtimi i destinacioneve direkte, zgjerimi i aeroportit të Tiranës dhe interesi në rritje i turistëve të huaj kanë ndikuar ndjeshëm në këtë trend.
Edhe rajoni i Ballkanit ka paraqitur rezultate pozitive në muajt e fundit. Pas Shqipërisë, Bosnje-Hercegovina renditet e dyta në rajon me një rritje prej 62.7% të fluturimeve komerciale. Serbia mban vendin e tretë me rreth 41% rritje, ndërsa performancë të mirë kanë regjistruar edhe Maqedonia e Veriut dhe Mali i Zi, me përkatësisht 36% dhe 27% rritje të fluturimeve. Për Malin e Zi, kjo shënon një rikuperim të rëndësishëm, pasi muajt e fundit vendi kishte regjistruar një rënie të ndjeshme të trafikut ajror.
Në nivel europian, pas Shqipërisë, një nga performancat më të forta është regjistruar nga Islanda me një rritje prej 126%, ndërsa rritje të konsiderueshme kanë shënuar edhe Sllovakia dhe Malta, me përkatësisht 53% dhe 49%.
Nga ana tjetër, jo të gjitha vendet europiane kanë ndjekur të njëjtin trend pozitiv. Disa shtete kanë regjistruar rënie të ndjeshme të fluturimeve komerciale krahasuar me periudhën para pandemisë. Sllovenia rezulton me rënien më të madhe prej -29%, e ndjekur nga Suedia me -26.4%, Letonia me -25.4%, Gjermania me -20.2% dhe Finlanda me -17.9%.
Të dhënat tregojnë qartë se Shqipëria po përjeton një zgjerim të shpejtë të tregut të aviacionit dhe turizmit, duke u kthyer në një nga destinacionet më dinamike në Europë për udhëtimet ajrore.
Forcohen ndjeshëm Dollari dhe Paundi – Franga humbet pikë
Dollari amerikan ka regjistruar një rritje të vlerës këtë mëngjes duke u forcuar ndjeshëm në raport me një ditë më parë duke u blerë sot me 81.7 lekë dhe......
“Mikrofinanca të mos kufizohet te kreditë konsumatore” - Ahmetaj: Mikrobizneset duhet të kenë produkte të dedikuara. Nevojitet këshillim financiar
Institucionet e mikrofinancës duhet të ofrojnë këshillim financiar për kategoritë që nuk mbështeten financiarisht shumë nga sektori bankar tradicional, pra......
Rriten regjistrimet e mjeteve, mbi 30 mijë në katër muaj - DPSHTRR: Autoveturat dominojnë tregun, përbëjnë 79% të regjistrimeve
Tregu i automjeteve në vend ka vijuar të shfaqë ritme pozitive gjatë katër muajve të parë të vitit 2026. Të dhënat më të fundit nga Drejtoria e Përgjithshme......
Fshihen nga tatimet 778 mln euro gjoba e kamatëvonesa - Detyrimet e papaguara të bizneseve, Tatimi mbi Fitimin zë peshën më të madhe
Administrata tatimore ka një detyrim prej 194.4 miliard lekë për të mbledhur ndaj bizneseve në vend. Referuar të dhënave zyrtare nga Drejtoria e......
OKB ul parashikimin e rritjes globale - Në 2.5%, si rrjedhojë e krizës në Lindjen e Mesme
Kombet e Bashkuara ulën parashikimin për rritjen ekonomike globale, duke thënë se kriza e Lindjes së Mesme kishte rigjallëruar presionet inflacioniste dhe......
Kufizohen kompetencat e Trump për Iranin - Senati miratoi rezolutën. Hyrja në fuqi përballet me pengesa
Senati Amerikan miratoi një rezolutë që do t'i jepte fund luftës në Iran, përveç nëse Presidenti Donald Trump merr autorizimin e Kongresit, një goditje ndaj......
Marrëveshja tregtare me SHBA, pranë miratimit - Vendet anëtare të BE arrijnë mirëkuptimin. Parashikohen masa mbrojtëse
Bashkimi Evropian arriti një marrëveshje të përkohshme mbi legjislacionin për të hequr taksat e importit mbi mallrat amerikane, një pjesë kyçe e marrëveshjes......
Shitjet e automjeteve elektrike në Evropë - Nxiten nga çmimet e larta të karburantit
Çmimet e larta të karburantit si rrjedhojë e luftës në Iran kanë nxitur shitjet e automjeteve elektrike të reja dhe të përdorura në Evropë, duke i dhënë një......
