Shqipëria, e dyta në rajon për mjedisin e biznesit/ Qasja në kapital mbetet një fushë me potencial për përmirësim
StartupBlink ka publikuar indeksin në lidhje me inovacionin dhe mjedisin e biznesit për disa nga shtetet e botës. Sipas këtij raporti, Shqipëria mban vendin e 60-të mes 125 vendeve të marra në shqyrtim. Ndërkohë, në nivel rajonal, ajo renditet në vendin e dytë, pas Serbisë.
Referuar raportit, Shqipëria ka ndërmarrë vitet e fundit reforma të thella për të përmirësuar mjedisin e biznesit, duke thjeshtuar procedurat, rishikuar rregulloret dhe forcuar hapjen ndaj investimeve të huaja. Dixhitalizimi i regjistrimit dhe licencimit e ka bërë nisjen e një biznesi një proces më të shpejtë dhe rutinë, ndërsa ka kontribuar në krijimin e një komuniteti sipërmarrës më të sigurt, të mbështetur nga një fuqi punëtore gjithnjë e më e kualifikuar.
Kategoria funksionale e qasjes në kapital dhe infrastrukturë financiare, e cila mat disponueshmërinë e kredisë, lidhjen bankare, kanalet e investimit dhe aksesueshmërinë e mjeteve financiare, përfaqëson një fushë ku Shqipëria ka ende hapësirë për përmirësim të mëtejshëm të performancës së saj brenda Indeksit. Në nivelin e parametrave, norma e taksave të korporatave, hapja tregtare, si dhe norma e huadhënies dhe marrja e kredisë vlerësohen brenda 25% të Indeksit, duke kontribuar pozitivisht në performancën e përgjithshme të vendit.
Investimet e huaja janë vendosur në qendër të politikave ekonomike, me fokus në sektorë me potencial afatgjatë si teknologjia, turizmi, bujqësia dhe energjia. Institucione si Agjencia Shqiptare e Zhvillimit të Investimeve, Qendra Kombëtare e Biznesit dhe dhomat e tregtisë kanë luajtur një rol kyç në lehtësimin e proceseve dhe mbështetjen e kompanive. Si rezultat, Shqipëria po konsolidon një mjedis biznesi më të qartë, transparent dhe të parashikueshëm për investitorët vendas dhe të huaj.
Në përgjithësi, Shqipëria demonstron një mjedis biznesi të karakterizuar nga kushte të favorshme tatimore, përmirësime rregullatore dhe zhvillim gradual të aksesit financiar, duke forcuar pozicionin e saj brenda rajonit të Ballkanit.
Nga ana tjetër, Shtetet e Bashkuara (vendi i parë), Singapori (vendi i dytë) dhe Mbretëria e Bashkuar (vendi i tretë) kryesojnë renditjen globale të mjediseve më të favorshme të biznesit. Në Europë, Mbretëria e Bashkuar (e 3-ta), Zvicra (e 4-ta) dhe Holanda (e 7-ta) renditen ndër vendet më të mira. Ndërkohë, ekonomi më të vogla si Estonia (e 10-ta), Luksemburgu (e 13-ta) dhe Zelanda e Re (e 11-ta renditen të gjitha brenda 15 vendeve më të mira globale), duke dëshmuar se tregjet e vogla mund të ofrojnë kushte shumë konkurruese për inovatorët.
AAPSK publikon katalogun e përditësuar të mjeteve të sekuestruara dhe të konfiskuara
Agjencia e Administrimit të Pasurive të Sekuestruara dhe të Konfiskuara (AAPSK) ka publikuar katalogun e përditësuar të mjeteve të sekuestruara dhe të......
Konkursi ndërkombëtar i projektimit - Për “Shtëpinë e Re të Fëmijëve dhe Kompleksit të ri të Inspektorateve Shtetërore”
Ka nisur faza e dytë e Konkursit Ndërkombëtar për projektimin e “Shtëpisë së Re të Fëmijëve & Kompleksit të ri të Inspektorateve Shtetërore”, ku studiot......
Rritje në tregun valutor – Forcohen ndjeshëm Euro, Paundi dhe Franga!
Dollari amerikan vijon edhe këtë të enjte të mos rikuperojë pikë duke regjistruar zbritje të vlerës këtë mëngjes teksa është blerë sot me 80.3 lekë dhe është......
Pronat, në një regjistër të vetëm digjital - Si do të funksionojë kadastra fiskale? 2.5 milionë pasuri futen në sistem
Së shpejti pritet të jetë tërësisht funksionale Kadastra Fiskale, në të cilën do të integrohen në mënyrë digjitale të dhënat e të gjitha pasurive të......
Krijohet Agjencia “Innovation4Albania” - Struktura e re për zhvillimin e ekosistemit të startup-eve
Këshilli i Ministrave miratoi vendimin për ngritjen e Agjencisë “Innovation4Albania”, një institucion publik buxhetor nën varësinë e Ministrisë së Ekonomisë......
Fed lë normat e interesit të pandryshuara - Sheh inflacion “disi të lartë” dhe stabilizim të tregut të punës
Rezerva Federale i mbajti normat e interesit të qëndrueshme, mes asaj që shefi i bankës qendrore amerikane, Jerome Powell, e përshkroi si një ekonomi të......
“Varfëria në Britani është thelluar”! - Raporti: Rreth 6.8 mln njerëz tani jetojnë në "varfëri shumë të thellë"
Varfëria në Britani është thelluar, sipas një raporti, me afërsisht 6.8 milionë njerëz që tani jetojnë në "varfëri shumë të thellë", niveli më i lartë në tre......
Ekonomia e Greqisë po bën përparim - Tregu grek shihet nga investitorët ndërkombëtarë si më i pjekur dhe i besueshëm
Pas rimëkëmbjes ekonomike të Greqisë, vendi tani përballet me një perspektivë të re: një kthim të mundshëm në tregjet e zhvilluara. Megjithatë, analistët......
