Shqipëria, “atdheu” i dytë i italianëve? Në 4 muajt e parë të vitit hynë rreth 301 mijë shtetas
Sipas të dhënave më të fundit nga INSTAT, pas shqiptarëve të Kosovës që tradicionalisht kryesojnë në numrin e hyrjeve në Shqipëri, italianët janë të dytët për nga numri i vizitave në vend. Gjatë katër muajve të parë të vitit 2025, kanë hyrë në territorin shqiptar plot 301,457 shtetas italianë, duke shënuar një rritje prej 7.1% krahasuar me të njëjtën periudhë të vitit të kaluar, kur u regjistruan rreth 281 mijë hyrje. Theksojmë se në vitin 2023 dhe 2024 pati respektivisht rreth 950 mijë dhe 1.2 milionë shtetas italianë.
Muaji më i ngarkuar ka qenë Prilli, me afro 96 mijë vizitorë italianë, i ndjekur nga marsi me rreth 78 mijë hyrje. Në krahasim, janari dhe shkurti patën shifra më të ulëta, me shkurtin si muaji me më pak vizitorë nga Italia.
Ky fluks në rritje nuk lidhet vetëm me turizmin sezonal. Gjithnjë e më shumë italianë po vijnë në Shqipëri edhe për arsye ekonomike, pune apo investimesh, pasi në vend ka një numër të konsiderueshëm biznesesh italiane. Përveç kësaj, çmimet më të ulëta në shërbime, veçanërisht në disa fusha shëndetësore, po e bëjnë Shqipërinë gjithnjë e më tërheqëse për qytetarët italianë, sidomos për ata në moshë të tretë, që po e shohin vendin tonë si një alternativë të leverdishme për të jetuar.
Të dhënat tregojnë një ndërlidhje gjithnjë e më të fortë mes Shqipërisë dhe Italisë, jo vetëm përmes turizmit, por edhe përmes lidhjeve sociale, ekonomike dhe kulturore. Kjo prirje pritet të vijojë në rritje, sidomos gjatë muajve të verës, duke pasur një ndikim të rëndësishëm në sektorë si turizmi, tregu i pasurive të paluajtshme dhe shërbimet private në vend.
Live TV
“BE do që të na marrë brenda vetes” - Rama: Shqipëria ka fituar respekt dhe besim nga ata që nuk na respektonin
Gjatë një takimi me strukturat e Partisë Socialiste të njësisë 12 në kryqytet, kryetari i kësaj partie, njëkohësisht kryeministër, Edi Rama u shpreh se......
Administrimi i fondit pyjor - Drafti/ Ngrihet Shoqëria Shtetërore e Pyjeve, synohet zgjidhja e problemeve ekzistuese
Krijim i një strukture të centralizuar, që do të administrojë dhe zhvillojë fondin pyjor shtetëror në vend. Gjithçka parashikohet në një projektligj të......
Zgjerohet kredia për sektorin privat - Arriti në 34% në raport më PBB në fund të vitit 2025
Kreditimi për sektorin privat vijoi të rritet me norma të larta në tremujorin e katërt të vitit 2025 dhe në muajin janar 2026. Zgjerimi vjetor i kredisë......
Borxhet për faturat e OSHEE - Stoku i detyrimeve të prapambetura arrin në 80.89 mld lekë
Borxhi total, që klientët kanë ndaj Operatorit të Shpërndarjes së Energjisë Elektrike përsoi rritje të lehtë gjatë vitit 2025, në raport me vitin 2024. Sipas......
