Shqipëri vs Europë, ku u rritën më shumë çmimet? Nga 0.3% në Suedi te 8.2% në Rumani, Shqipëria ndalet në 3.4%
Rritja e çmimeve në Shqipëri u përshpejtua gjatë korrikut, duke e çuar inflacionin mbi mesataren e Bashkimit Europian. Sipas Indeksit të Harmonizuar të Çmimeve të Konsumit, inflacioni vjetor arriti në 3.4%, nga 3.2% në qershor, ndërsa mesatarja e BE-së u regjistrua në 3%.
Me këtë nivel, Shqipëria rezulton 0.4 pikë përqindje mbi mesataren europiane dhe renditet mbi disa prej ekonomive më të mëdha të kontinentit. Gjermania regjistroi inflacion prej 2.8%, Italia 2.9% dhe Franca 2.4%. Spanja, nga ana tjetër, kishte një normë më të lartë se Shqipëria, me 3.9%.
Rritja më e fortë e çmimeve u regjistrua në Rumani, me 8.2%, e ndjekur nga Kosova me 6.5%, Islanda me 5.6%, Lituania me 5.4% dhe Gjeorgjia me 5.2%. Nivele relativisht të larta u shënuan edhe në Bullgari dhe Qipro, ku inflacioni ishte 4.4%.
Në skajin tjetër të renditjes, presionet mbi çmimet mbeten shumë më të ulëta. Suedia regjistroi inflacion prej vetëm 0.3%, Zvicra 0.7% dhe Çekia 1.3%, ndërsa në Danimarkë dhe Hungari norma ishte 1.6%.
Në krahasim me vendet e rajonit, Shqipëria kishte inflacion më të ulët se Kosova, Mali i Zi me 3.9% dhe Kroacia me 3.6%, por më të lartë se Maqedonia e Veriut me 2.4% dhe Serbia me 2.2%. Edhe Greqia, me një normë prej 2.7%, rezultoi poshtë nivelit të Shqipërisë.
Të dhënat e korrikut tregojnë se rritja e çmimeve në Shqipëri vijon të mbetet më e fortë se mesatarja e Bashkimit Europian, ndonëse diferenca është e kufizuar. Në të njëjtën kohë, hendeku mes vendeve europiane mbetet i madh, me norma që variojnë nga 0.3% në Suedi deri në 8.2% në Rumani.
Fluksi në sezonin veror, Beja inspektim në Qafë Botë dhe Tre Urat/ “Shërbim sa më efikas për udhëtarët dhe bizneset”
Drejtori i Përgjithshëm i Doganave, Besmir Beja, vijoi vizitat në terren me inspektimin e Degëve Doganore Qafë Botë dhe Tre Urat, me fokus të veçantë te......
“Mbledhje e të dhënave personale të fëmijëve”/ TikTok paguan 400 mln dollarë për të zgjidhur akuzat e SHBA-së
Platforma TikTok ka rënë dakord të paguajë 400 milionë dollarë për të zgjidhur akuzat e SHBA-së mbi mbledhjen e të dhënave personale të fëmijëve. Por,......
Rrugë tregtare në Arktik me shqetësimeve perëndimore/ Anija e Koresë së jugut do të provojë transportin detar drejt Evropës
Koreja e Jugut nisi anijen e saj të parë kontejnerë “PanStar Acro” nga porti Busan për të testuar Rrugën Detare Veriore të Arktikut drejt Evropës. Ky udhëtim......
Interes për kalimin e pronësisë së shtëpive para vitit 1991/ Regjistrim online me 5000 lekë, gjenerohen dhe dokumentet shoqëruese
Qytetarët që kërkojnë të kalojnë pronësinë e shtëpive të vjetra të ndërtuara para vitit 1991, oborreve në përdorim apo trojeve funksionale, mund ta......
Çfarë solli reforma administrativo-territoriale? Analiza/ Problemet financiare që prodhoi ndryshimi i hartës në vitin 2014
Pavarësisht progresit dhe suksesit të reformës administrativo- territoriale të vitit 2014, janë identifikuar disa probleme të rëndësishme, të cilat sugjerohen......
“Dollar për dollar”, SHBA vendos tarifën 50%/ Kanadaja përgjigjet: Në pikëpyetje çdo marrëveshje mes nesh
Valë e re tarifash amerikane ndaj një game të gjerë mallrash kanadeze ka hyrë në fuqi, pasi negociatat tregtare mes SHBA-së dhe Kanadasë dështuan në minutat......
Saranda e kroçerave dhe kombinimi me trashëgiminë historike/ Çipa: Konsolidim i industrisë turistike, të mos abuzohet me çmimet
Me fluks në rritje të turistëve vendas dhe të huaj, muaji Gusht, mbetet piku i sezonit turistik në Sarandë. Porti është bërë tashmë ndalesa e dhjetëra......
QSUNT, spitali më i ngarkuar/ Në Shkodër dhe Lezhë përdoret vetëm një e treta e shtretërve
Autonomia spitalore ka sjellë një dinamikë të ndryshme në përdorimin e kapaciteteve shëndetësore, por të dhënat tregojnë se diferencat mes spitaleve......
