Sa të huaj vizituan Shqipërinë në Korrik? 7.1% më shumë, kryesojnë ata nga Europa Jugore
Muaji korrik mbetet një nga periudhat më dinamike për lëvizjen e shtetasve, pasi përkon me kulmin e sezonit turistik veror. Të dhënat e publikuara nga INSTAT tregojnë se edhe korriku i këtij viti ka vijuar me një tendencë pozitive, me rritje të hyrjeve në territorin shqiptar si nga shtetasit e huaj, ashtu edhe nga shtetasit shqiptarë.
Gjatë muajit korrik 2026 rezultojnë rreth 2.8 milionë hyrje në territorin e Republikës së Shqipërisë. Në krahasim me korrikun e vitit të kaluar, numri i hyrjeve është rritur me 6.1%, duke treguar se flukset e lëvizjeve vijojnë të jenë të larta gjatë muajve të sezonit veror.
Nëse shifrat analizohen më në detaje, pjesën më të madhe të hyrjeve e përbëjnë shtetasit e huaj. Konkretisht, gjatë korrikut në Shqipëri kanë hyrë rreth 1.9 milionë shtetas të huaj, me një rritje prej 7.1% krahasuar me të njëjtin muaj të vitit 2025. Ndërkohë, hyrjet e shtetasve shqiptarë kanë qenë rreth 871 mijë, duke shënuar një rritje prej 4.1%.
Edhe flukset në dalje kanë vijuar të rriten gjatë korrikut. Sipas INSTAT, rreth 2.6 milionë shtetas shqiptarë dhe të huaj kanë dalë nga territori i Republikës së Shqipërisë, shifër kjo që përfaqëson një rritje prej 3.3% krahasuar me korrikun e një viti më parë.Nga këto dalje, rreth 790 mijë kanë qenë shtetas shqiptarë, me një rritje prej 0.9%, ndërsa rreth 1.8 milionë kanë qenë shtetas të huaj, duke shënuar një rritje prej 4.3%.
Flukset e shtetasve të huaj që hyjnë në Shqipëri vijojnë të dominohen nga vendet evropiane. Europa Jugore ka kontribuar me rreth 64% të hyrjeve, ndërsa Europa Qendrore dhe Lindore ka përbërë rreth 13% të tyre.
Tendenca pozitive vihet re edhe kur të dhënat shtrihen në shtatë muajt e vitit. Në këtë periudhë rezultojnë rreth 12 milionë hyrje në territorin e Shqipërisë, nga të cilat rreth 7 milionë janë shtetas të huaj. Në të njëjtën periudhë janë regjistruar gjithsej rreth 11.7 milionë dalje nga territori shqiptar, ku rreth 6.8 milionë prej tyre i përkasin shtetasve të huaj.
Përveç numrit të hyrjeve, të dhënat e INSTAT tregojnë edhe arsyet e udhëtimit të shtetasve të huaj. Në korrik 2026, rreth 99% e hyrjeve të shtetasve të huaj në territorin shqiptar kanë qenë për qëllime personale.
Ky tregues ka shënuar një rritje prej 7.3% krahasuar me korrikun e vitit 2025, duke reflektuar peshën e lartë që vijojnë të kenë udhëtimet personale, përfshirë ato turistike dhe vizitat, në flukset hyrëse drejt Shqipërisë. Në të kundërt, hyrjet e shtetasve të huaj për qëllime biznesi dhe profesionale kanë shënuar rënie. Sipas të dhënave, këto hyrje janë ulur me 8.9% në krahasim me korrikun e vitit të kaluar.
Live TV
Sulmet ndaj Arabisë Saudite - FMN: Goditja ndaj selisë së Aramco-s rrit shqetësimet për tregjet e naftës dhe ekonominë globale
Sulmi ndaj selisë së gjigantit të naftës Aramco në Arabinë Saudite ka shtuar shqetësimet për tregjet globale të energjisë dhe ekonominë botërore. Çmimi i......
Anthropic synon rekordin - Gara me OpenAI dhe planet për dalje në bursë vënë në provë gjigantin e inteligjencës artificiale
Anthropic, kompania amerikane që zhvillon modelet e inteligjencës artificiale Claude, ka rritur të ardhurat me rreth 46%, duke arritur në 16.8 miliardë......
Konkurrencë për mbijetesë - Shitjet në rënie në Kinë i shtyjnë prodhuesit të kërkojnë rritje në Evropë
Evropa po kthehet në një treg vendimtar për të ardhmen e prodhuesve kinezë të makinave. Me shitjet në rënie në vend dhe konkurrencën gjithnjë e më të fortë,......
Gati kamerat e votimit - KQZ përgatit monitorimin për vendoret 2027
Komisioni Qendror i Zgjedhjeve ka nisur përgatitjet teknike për zgjedhjet vendore të vitit 2027, duke hapur një tender me fond limit prej 34.8 milionë lekësh,......
