Sa shqiptarë jetojnë në Kanada? Të dytët në rajon për numrin e emigrantëve, kryeson gjenerata e re
Një pjesë e shqiptarëve kanë zgjedhur Kanadanë si një nga destinacionet më të preferuara për të ndërtuar jetën dhe të ardhmen e tyre, duke e kthyer atë në një pikë të diasporës shqiptare. Sipas të dhënave të publikuara nga Censusi i Kanadasë, në këtë shtet jetojnë rreth 42 mijë emigrantë shqiptarë, një shifër mjaft domethënëse duke marrë parasysh distancën e madhe gjeografike që i ndan dy vendet.
Shumica e tyre përbëhet nga brezi i parë i emigrantëve, me rreth 28 mijë persona, çka dëshmon se ky komunitet është relativisht i ri dhe i përqendruar kryesisht tek ata që kanë emigruar gjatë dekadave të fundit. Brezi i dytë i shqiptarëve në Kanada përfaqësohet nga afro 11 mijë e 500 persona, ndërsa gjenerata e tretë mbetet ende e vogël në numër, me vetëm 1 mijë e 370 individë.
Nëse e krahasojmë me komunitetet e tjera të rajonit në Kanada, vihet re se shqiptarët nuk janë ndër grupet më të mëdha, megjithatë prezenca e tyre është e qëndrueshme. Serbia rezulton të ketë numrin më të lartë të emigrantëve në këtë shtet me plot 93 mijë shtetas, ndërkohë që maqedonasit përbëjnë një komunitet të konsiderueshëm me rreth 39 mijë e 440 persona. Edhe Bosnja dhe Hercegovina ka një numër të lartë emigrantësh, me afro 28 mijë qytetarë që jetojnë në Kanada. Në krahun tjetër, komunitetet më të vogla janë ato të Kosovës dhe Malit të Zi, ku sipas censusit jetojnë përkatësisht rreth 3,700 dhe 4,300 persona.
Këto shifra tregojnë jo vetëm lëvizjet e mëdha demografike që kanë ndodhur gjatë dekadave të fundit, por edhe mënyrën se si Kanadaja është shndërruar në një destinacion për emigrantët nga Ballkani, duke ofruar jo vetëm mundësi më të mira ekonomike, por edhe një terren të përshtatshëm për integrim dhe zhvillim të mëtejshëm.
Live TV
Parashikimi, Shqipëria e 6-ta në botë për rritjen e PBB-së për frymë/ Visual Capitalist: Në 2026-2030 treguesi pritet të rritet me rreth 32.1%
Shqipëria pritet të jetë një nga vendet me rritjen më të shpejtë të PBB-së për frymë në botë në vitet e ardhshme. Sipas një analize të publikuar nga Visual......
“Digjitalizimi i infrastrukturës financiare kërkon edukim” - Sejko në çeljen e Javës Botërore të Parasë: Teknologjia po ndryshon menaxhimin e parasë
Banka e Shqipërisë ka çelur Javën Botërore të Parasë me sloganin “Flasim zgjuar për paranë – 100 vjet monedhë kombëtare”, e cila synon të rrisë njohuritë......
Demo: Reforma Territoriale t’i përgjigjet sfidave të së ardhmes - Deri më tani mbi 400 aplikime për Paketën e Maleve
Ministri i shtetit për Pushtetin Vendor Ervin Demo gjatë një konference me gazetarët u shpreh se reforma territorial duhet të përfshijë qytetarët edhe grupet......
2026 nis “mbarë” për turizmin/ Vizitorët shënuan 15.1% rritje, me fluks të lartë nga rezidentët
Gjatë muajit të parë të vitit 2026, numri i vizitorëve që u akomoduan në strukturat akomoduese në Shqipëri shënoi një rritje të ndjeshme prej 15.1% krahasuar......
