Sa na kushtuan ushqimet në vitin 2024? Norma e inflacionit e qëndrueshme, por për disa grupe ishte ende e lartë
Përgjatë vitit 2024, konkretisht nga muaji Shkurt dhe në vazhdim, inflacioni është paraqitur nën normën 3%. Parametrat sa i përket normës mesatare kanë qenë të pranueshme përgjatë vitit dhe pritjet për vitin 2025 janë që inflacioni do të qëndrojë në kufinjtë e vlerës 3%.
Norma mesatare e inflacionit përgjatë vitit 2024 vlerësohet pranë 2.2%, megjithatë nëse analizojmë grupet në detaje shohim disa prej tyre kanë përjetuar normë të lartë të rritjes së çmimeve.
Grupet qe kanë regjistruar inflacionin më të lartë janë “Argëtimi dhe Kultura” me një normë mesatare për vitin 2024 në 4.1%, pasuar nga “Mobije, pajisje shtëpie dhe mirëmbajtje e shtëpisë” me 3.8%.
Ajo që paraqitet shqetësuese është norma akoma e lartë e rritjes së çmimeve për grupin e ushqimeve dhe disa prej nëngrupeve kryesore. Norma mesatare e inflacionit për grupin e ushqimeve sa i përket periudhës Janar-Nëntor të këtij viti vlerësohet në rreth 2.6%.
Në këtë grup rritjen më të lartë të çmimeve e kanë regjistruar zarzavatet, përfshirë patatet, me një normë mesatare të rritjes prej 6.3% në vitin 2024. Kjo tendencë është paraqitur muaj pas muaji. Në Janar inflacioni për këtë grup u regjistrua në 16.4%, për të shënuar një zbutje në muajin Shkurt dhe në muajt më tej. Qershori vlerësohet të ketë shënuar normën më të ulët të rritjes së çmimeve për grupin e zarzavateve për shkak të sezonit, ndërkohë muaji Shtator, Tetor dhe Nëntor patën tendenca rritëse.
Konkretisht, në muajin Nëntor, çmimi i domateve për një kilogram vlerësohet në 162.6 lekë, referuar të dhënave zyrtare. Nga ana tjetër, një kilogram kastraveca kushtonin 124.4 lekë mesatarisht, ndërsa një kg speca rreth 138.7 lekë. Sa i përket patateve, çmimi për një kilogram regjistrohet në 89.9 lekë
Që nga Korriku dhe deri në Nëntor çmimi i domateve për kg është rritur me gati 50 lekë.
Inflacioni paraqitet i lartë gjithashtu edhe për mishin, peshkun dhe bulmetin. Në muajin Nëntor çmimi i mishit për kg varionte nga 1,195 lekë deri në 1,229 lekë, ndërkohë çmimi i peshkut të freskët, sipas të dhënave vlerësohet në 817 lekë për kg.
Sa i përket bulmetit, çmimi në Nëntor për një kg djathë të bardhë ishte mesatrisht në 946 lekë, ndërsa për djathin kaçkavall ishte rreth 1,209 lekë. Një litër qumësht u ble nga konsumatorët në vlerën e 156 lekëve, ndërsa një një kg gjalp rreth 1,089 lekë.
Për të parë listën e çmimeve klikoni këtu
Sondazh
Italia kërkon kufizimin e çmimit të gazit në BE - Ministri i energjisë bën thirrje për vendosjen e “tavanit” 60 euro/MWh
Bashkimi Evropian duhet të zgjasë kufirin e urgjencës për çmimet e gazit dhe të vendosë një tavan prej 60 eurosh për megavat orë për të parandaluar luhatjet......
Sa i kanë digjitalizuar bankat shërbimet e kredisë? - Sistemi scoring do të rriste më tepër kreditimin për individët dhe bizneset
Shërbimet e kredisë në banka dhe institucionet financiare jobanka, rezultojnë pjesërisht të digjitalizuara. Sipas një vrojtimi të realizuar nga Këshilli i......
Nis shtrenjtimi i cigareve - Rritet akciza me 250 lekë/kg, qeveria parashikon skemë të re taksimi
Cigaret do të kushtojnë më shtrenjtë për duhanpirësit për gjatë këtij viti. Bazuar në kalendarin e akcizës të miratuar nga Ministria e Financave, edhe këtë......
Sa këmbehen sot valutat e huaja?
Dollari amerikan ka regjistruar ulje të vlerës mëngjesin e sotëm pasi është blerë sot me 93.6 lekë dhe është shitur me 94.6 lekë në raport me dje. Sipas......
Rriten lehtë yield-et e bonove 12-mujore/ Viti 2024 mbyllet me një normë mesatare 2.76%
Bonot e Thesarit, si një nga instrumentet kryesore të borxhit të brendshëm të qeverisë, e mbyllën vitin 2024 me një rritje të lehtë të yield-it mesatar.......
Justin Trudeau jep dorëheqjen si kryeministër i Kanadasë!
Justin Trudeau dha dorëheqjen si kryeministër i Kanadasë të hënën në mes të një krize në qeverinë e tij dhe vlerësimeve të ulëta të sondazheve. Ai gjithashtu......
Kryeqytetit i shtohet instalacioni “Tirana Moons” - Fondi 38 milionë lekë për një hapësirë inovative
Bashkia Tiranë ka shpallur hapjen e tenderit për instalacionin “Tirana Mooons”. Fondi limit i përllogaritur i këtij projekti është 38 milionë e 909 mijë......
19 mln dërgesa me postë në 9 muaj - AKEP: Shqiptarët e përdorën më shumë shërbimin postar në 2024
Shqiptarët kanë dërguar me postë rreth 6.6 milion objekte në tremujorin e tretë 2024. Të dhënat nga Autoriteti i Komunikimeve Elektronike dhe Postare......
