Sa mish konsumojnë shqiptarët? Rreth 75 kg në vit. Brazili, Shtetet e Bashkuara dhe Greqia, importuesit kryesorë
Shqiptarët konsumojë rreth 179 milionë kilogramë mish, bazuar në të dhënat më të fundit të tregtisë së jashtme dhe prodhimit vendas, referuar INSTAT. Nëse e përkthejmë këtë sasi në konsum për frymë, rezulton se një shqiptar konsumon mesatarisht 75.7 kilogramë mish në vit, ose 6.3 kilogramë në muaj, që përkthehet në rreth 207 gramë mish në ditë.
Krahasuar me vitet e mëparshme, konsumi për frymë rezulton në rritje, pavarësisht se prodhimi vendas i mishit ka vijuar të bjerë. Gjatë vitit 2024, prodhimi blegtoral i mishit u fiksua në rreth 130.3 mijë ton, nga mbi 148 mijë ton në vitin 2021. Ndërkohë, kërkesa në treg është mbuluar gjithnjë e më shumë nga importet.
Sipas të dhënave zyrtare, gjatë vitit 2024 janë importuar rreth 48.6 milionë kilogramë mish dhe të brendshme të ngrënshme, ndërkohë që eksportet mbeten në nivele minimale, rreth 14.9 mijë kilogramë në total. “Scan Intel” përllogarit konsumin e mishit bazuar në shumat e importit dhe prodhimit vendas, duke zbritur eksportet, të cilat kanë një ndikim thuajse të papërfillshëm.
Por, çfarë peshe zë mishi i importuar në konsumin total?
Nga përllogaritjet rezulton se 27.2% e mishit që konsumohet në Shqipëri është import, ndërsa 72.8% mbulohet nga prodhimi vendas. Thënë ndryshe, nga rreth 75.7 kilogramë mish që konsumon mesatarisht një shqiptar në vit, mbi 20.6 kilogramë janë mish i importuar.
Por, nga cilat vende vjen mishi që ne konsumojmë?
Referuar të dhënave të tregtisë së jashtme për vitin 2024, Shqipëria importon pjesën dërrmuese të mishit nga 10 partnerë kryesorë, të cilët mbulojnë mbi 80% të totalit të importeve. Në vend të parë renditet Brazili, me rreth 13 milionë kilogramë mish, ndjekur nga Shtetet e Bashkuara, me 9.3 milionë kilogramë, Greqia me 9.1 milionë kilogramë, dhe Italia me rreth 4.9 milionë kilogramë.
Në listë pasojnë Paraguai me 2.45 milionë kilogramë, Polonia me rreth 2 milionë kilogramë, Gjermania me 1.68 milionë, Franca me 922 mijë kilogramë, Holanda me 770 mijë kilogramë dhe Kosova me 643 mijë kilogramë mish. Importet nga vendet e tjera, jashtë këtij grupi, arrijnë në rreth 3.8 milionë kilogramë.
Në total, probabiliteti që mishi i konsumuar në Shqipëri të ketë ardhur nga një prej këtyre 10 vendeve kryesore është rreth 23%, ndërsa shanset që ai të jetë me origjinë nga Brazili, SHBA apo Greqia janë secila mbi 5%.
Një faktor i rëndësishëm që ndikon në nivelin e lartë të konsumit të mishit për frymë është edhe rritja e ndjeshme e turizmit. Gjatë vitit 2024, Shqipëria ka regjistruar një numër rekord vizitorësh të huaj, çka ka rritur ndjeshëm kërkesën për produkte ushqimore, përfshirë mishin dhe nënproduktet e tij, veçanërisht në sektorin e shërbimeve, bareve dhe restoranteve. Kjo do të thotë se një pjesë e konsumit të regjistruar nuk i atribuohet drejtpërdrejt popullsisë rezidente, por konsumit të turistëve, duke e shtrembëruar disi treguesin e konsumit për frymë dhe duke ushtruar presion shtesë mbi ofertën vendase.
Sa shpenzojnë bizneset shqiptare për ruajtjen e të dhënave? Gati një në 3 sipërmarrje paguan tarifë për blerjen dhe përdorimin e cloud
Një nga nevojat më të reja të kompanive sot është ruajtja e dokumenteve dhe informacionit në mënyrë digjitale. Me përshpejtimin e procesit të digjitalizimit,......
210 mln lekë grante për ndërmarrjet sociale - Ndihmë shtetërore për punësimin dhe shërbimet
Është botuar në Fletoren Zyrtare vendimi i Komisionit të Ndihmës Shtetërore për autorizimin e skemës së ndihmës shtetërore “Fondi në mbështetje të......
“Qendrat e të dhënave orbitale, shumë larg realitetit” - Kreu i Amazon thotë së kjo ide nuk është ekonomike
Një ekzekutiv i lartë i cloud computing të Amazon tha se qendrat e të dhënave të bazuara në hapësirë janë "shumë larg" të qenit një realitet, edhe pse një......
Nje tjetër marrëveshje tregtare për BE? - Brenda këtij muaji pritet nënshkrimi me Australinë
Presidentja e Komisionit Evropian, Ursula von der Leyen, pritet të shkojë në Australi Brenda këtij muaji në një përpjekje për të nënshkruar një marrëveshje......
Kursi i këmbimit/ Çfarë ka ndodhur sot në tregun valutor?
Dollari amerikan e ka nisur këtë të mërkurë negativisht duke humbur pikë nga një ditë më parë teksa është blerë mëngjesin e sotëm me 81.2 lekë dhe është......
Lazer e satelitë spiunë në shpenzime ushtarake hapësinore - Gjermania po shqyrton rritjen e investimeve me mbi 100 satelitë
Gjermania po shqyrton investimet që variojnë nga satelitët spiunë dhe aeroplanët hapësinorë deri te lazerët sulmues në kuadër të një plani shpenzimesh......
Europa duhet të mbajë kontrollin e teknologjive kryesore - Komisionerja: Synohet më shumë pavarësi nga SHBA
Evropa duhet të mbajë kontrollin mbi teknologjitë kryesore që mbështesin ekonomitë e rajonit, tha Komisionerja e Shërbimeve Financiare i Bashkimit Evropian,......
Forbes: Bregdeti verior i Shqipërisë, zonë me potencial të lartë për pasuritë e paluajtshme
Me arkitekturë guximtare, mikpritje të nivelit botëror dhe infrastrukturë të re që po përshpejton zhvillimin e zonës, bregdeti verior i Shqipërisë, i pasur......
