Sa llogari bankare kanë të huajt në Shqipëri? Rekordi historik në 2025, pjesa më e madhe i përket individëve
Numri i llogarive bankare të të huajve në Shqipëri ka vijuar rritjen edhe gjatë vitit 2025, duke arritur në nivelin më të lartë historik.
Sipas të dhënave nga Banka e Shqipërisë, në fund të vitit të kaluar individët dhe kompanitë jorezidente zotëronin 76,279 llogari bankare në sektorin bankar shqiptar. Krahasuar me vitin 2024, kur numri i tyre ishte 71,845, rezulton një rritje prej rreth 6%.
Sipas ndarjes së llogarive, pjesa dërrmuese e jorezidentëve që përdorin bankat shqiptare janë individë. Në vitin 2025, rreth 73,702 i përkasin individëve, ndërsa vetëm 2,577 janë në emër të kompanive. Kjo do të thotë se afro 97% e llogarive të jorezidentëve dominohen nga individët.
Ecuria në vite tregon një zgjerim të qëndrueshëm të këtij treguesi, sidomos pas vitit 2019-të. Megjithatë, tendenca nuk ka qenë lineare përgjatë gjithë periudhës. Pas një rritjeje të fortë në vitin 2011, kur numri i llogarive arriti në mbi 31 mijë, u shënua një rënie në vitet pasuese, përpara se treguesi të hynte në një trajektore të qëndrueshme rritjeje në dekadën e fundit.
Pavarësisht rritjes së numrit të llogarive të jorezidentëve, pesha e tyre ndaj totalit të sistemit bankar mbetet e ulët. Në vitin 2025, ato përbënin rreth 1.8% të totalit të llogarive, në rënie të lehtë krahasuar me një vit më parë, për shkak të zgjerimit më të shpejtë të llogarive të rezidentëve.
Zgjerimi i llogarive të jorezidentëve lidhet kryesisht me praninë e emigrantëve shqiptarë që mbajnë kursimet e tyre në bankat vendase, por edhe me rritjen e interesit të shtetasve të huaj për të investuar në Shqipëri, veçanërisht në pasuri të paluajtshme.
Të dhënat sugjerojnë një thellim gradual të lidhjeve financiare të jorezidentëve me sektorin bankar shqiptar, megjithëse pesha e tyre në totalin e sistemit mbetet relativisht e kufizuar.
Shqipëria historike “magnet” për turistët - Ministri Gonxhja: Mbi 42 mijë vizitorë eksplorojnë sitet historike
Trashëgimia jonë kulturore dhe historike vazhdon të tërheqë gjithnjë e më shumë vizitorë. Ministri i Turizmit, Kulturës dhe Sportit Blendi Gonxhja bën të......
Parlamenti voton shpalljen e Iranin shtet terrorist - Balla: Vendi ynë ka qenë objekt i sulmeve kibernetike
Shqipëria ka shpallur zyrtarisht Iranin shtet terrorist. Projekt-rezoluta e Partisë Socialiste u miratua këtë të martë në një seancë të posaçme parlamentare......
Arkat e bankave, me më pak fluks qytetarësh - Preferohen aplikacionet bankare dhe bankomatet për transaksionet e përditshme
Ju ka bërë ndonjëherë përshtypje se sa radhë të gjatë ka në bankë për të kryer veprime në arkë? Shumica e njerëzve kërkojnë të marrin shërbime në atë njësi,......
Luhatje në tregun valutor – Dobësohet ndjeshëm Dollari amerikan. Forcohen Euro dhe Paundi!
Dollari amerikan ka regjistruar sot një rënie të konsiderueshme të vlerës ditën e sotme në raport me një ditë më parë pasi është blerë me 83 lekë dhe është......
Bie rrjeti kombëtar elektrik i Kubës, miliona njerëz pa energji - Kuba po zhvillon bisedime me SHBA për tejkalimin e krizës
Rrjeti kombëtar elektrik i Kubës ra të hënën, tha operatori i rrjetit të vendit, duke lënë rreth 10 milionë njerëz pa energji elektrike për shkak të një......
Qeveria zvicerane kundër kufizimit të popullsisë në 10 milionë - “Është kërcënim për ekonominë dhe për bashkëpunimin me BE”
Qeveria zvicerane i kërkoi elektoratit vendas që të refuzojë një iniciativë që synon kufizimin e popullsisë së saj në 10 milionë. Sipas qeverisë ky kufizim,......
Alibaba, prezanton platformën AI për ndërmarrjet - Çmenduria e agjentëve artificialë ka përfshirë Kinën
Grupi Alibaba prezantoi këtë të martë, një platformë të inteligjencës artificiale për ndërmarrjet që synojnë automatizimin, duke intensifikuar konkurrencën......
Lufta tregtare SHBA-Kinë, Trump shtyn vizitën në Pekin - Përparësi e të dy palëve mbajtja e marrëdhënieve në ekuilibër
Kërkesa e Presidentit të SHBA-së Donald Trump për të shtyrë samitin e planifikuar në Pekin me udhëheqësin kinez Xi Jinping zbeh mundësitë për një bashkëpunim......
