Sa kushton turizmi në kantina në Shqipëri? Eksperiencat rurale po pasurojnë ofertën turistike dhe po tërheqin vizitorë
Turizmi në Shqipëri po merr gjithnjë e më shumë forma të ndryshme, duke u zgjeruar përtej plazheve, qyteteve historike dhe destinacioneve më të njohura. Një prej eksperiencave që po fiton vëmendje është edhe turizmi në kantina, ku vizitorët mund të kombinojnë eksplorimin e zonave rurale me njohjen e traditave të prodhimit vendas, gastronomisë dhe peizazheve.
Kjo tendencë pasqyrohet edhe në platformat ndërkombëtare të rezervimit të aktiviteteve. GetYourGuide ka një kategori të posaçme për turet e kantinave dhe eksperiencat e lidhura me to në Shqipëri, ku përfshihen oferta në disa prej zonave të vendit. Aktualisht, platforma shfaq rreth 80 aktivitete të këtij lloji, ndërsa Tirana dhe zonat përreth ka afro 30 aktivitetet të tilla.
Për këto eksperienca turistike, çmimet variojnë ndjeshëm në varësi të itinerarit, kohëzgjatjes dhe shërbimeve të përfshira. Çmimi mesatar llogaritet rreth 70 euro për person, ndërsa në listimet e platformës gjenden oferta që nisin nga rreth 30 euro dhe, për eksperiencat më të plota e paketat premium, mund të arrijnë deri në 1,700 euro.
Ajo që i bën këto ture interesante është se nuk kufizohen vetëm te një vizitë në kantinë. Në varësi të aktivitetit, itinerari mund të përfshijë shëtitje në vreshta, vizitë në ambientet ku përpunohet prodhimi, njohje me varietetet lokale të rrushit, shpjegime mbi traditat e prodhimit dhe kombinime me ushqimin tradicional shqiptar.
Një pjesë e ofertave janë konceptuar si udhëtime jashtë qytetit, duke i dhënë turistëve mundësinë të largohen për disa orë nga Tirana dhe të eksplorojnë zonat rurale. Disa eksperienca kombinojnë vizitën në kantinë me aktivitete të tjera në natyrë, ndërsa të tjera përfshijnë transportin vajtje-ardhje dhe një itinerar të organizuar gjatë gjithë ditës.
Një tjetër destinacion që lidhet ngushtë me këtë formë turizmi është Berati dhe zona e Roshnikut. GetYourGuide e paraqet Roshnikun si një prej zonave ku eksperiencat turistike ndërthurin natyrën, traditën dhe kulturën lokale, ndërsa ofertat përfshijnë edhe vizita të drejtuara në vreshta dhe ambiente prodhimi.
Edhe Durrësi është pjesë e këtij tregu. Në platforma turistike paraqiten eksperienca që ndërthurin vizitat në kantina me eksplorimin e zonave të Durrësit dhe gastronominë lokale.
Kjo tregon se turizmi i kantinave po kalon nga një aktivitet i ngushtë gastronomik në një produkt më të gjerë turistik. Për turistët, rëndësi nuk ka vetëm ajo që ofrohet në tavolinë, por edhe udhëtimi drejt destinacionit, peizazhi, historia e zonës dhe kontakti me prodhuesit vendas.
Në këtë mënyrë, kantinat po bëhen pjesë e ofertës së turizmit rural shqiptar dhe po krijojnë një lidhje më të drejtpërdrejtë mes vizitorëve dhe produkteve lokale. Për një vend që vitet e fundit ka parë rritje të fortë të turizmit, zgjerimi drejt eksperiencave të tilla mund të ndihmojë edhe në shpërndarjen e fluksit turistik përtej destinacioneve tradicionale.
Konsumi rritet me 106 milionë euro - 7-mujori/Buxheti, rekord arkëtimesh nga TVSH-ja
Ky vit është shoqëruar me konsum në rritje të produkteve dhe shërbimeve nga ana e qytetarëve shqiptarë dhe turistëve të huaj, të cilët duket se e kanë......
Vijon rënia në tregun valutor – Sa këmbehen sot monedhat e huaja kryesore?
Dollari amerikan edhe pse duket relativisht i stabilizuar këtë mëngjes vijon të qëndrojë në kuota negative përballë monedhës vendase duke u blerë sot me 78.7......
Vizitorët e huaj nxisin turizmin grek - Në qershor kërkesa vendase ishte në rënie
Aktiviteti turistik në strukturat akomoduese në Greqi u rrit në qershor 2026, me vizitorët e huaj që vepruan si nxitësi kryesor si i mbërritjeve, ashtu edhe......
Shtrenjtohet energjia për familjet britanike - Faturat rriten me 4% nga tetori. Çmimi më i lartë në tre vjet
Çmimet e gazit dhe energjisë elektrike në Britani do të rriten me 4% nga tetori, pasi u rritën me 13% në fillim të korrikut, të ndikuara nga rritja e çmimeve......
Çmimet e gazit në Evropë po rriten ndjeshëm - Kush do të jetë i pari që do të paguajë më shumë?
Faturat e gazit dhe energjisë elektrike mund të rriten në Evropë këtë dimër nëse çmimet me shumicë mbeten të larta për aq kohë sa të arrijnë tek......
Ekonomia gjermane u rrit pavarësisht krizave - Borxhi i lartë shton rrezikun që vlerësimi i kreditit të vendit të ulet
Ekonomia gjermane po jep një shenjë jete me një rritje të re, megjithëse të vogël, pavarësisht të gjitha krizave. Nga prilli deri në qershor, Prodhimi i......
Kanadaja, tarifa deri në 50% për SHBA - Në shënjestër, rreth 20 miliardë USD produkte amerikane
Kanadaja njoftoi vendosjen e tarifave reciproke ndaj Shteteve të Bashkuara, sipas skemës së ashtuquajtur “dollar për dollar”, në shenjë hakmarrje ndaj......
Kompanitë detare do raportojnë për gazet serrë - Rregulla të reja për anijet, do monitorohen shkarkimet e CO₂, metani dhe N₂O
Kompanitë e transportit detar do të duhet të monitorojnë dhe raportojnë shkarkimet e gazeve serrë të anijeve që operojnë përmes porteve shqiptare. Detyrimet......
