Sa kushton një natë kampingu në vendin tonë? Shqipëria renditet me koston më të ulët në rajon dhe Europë
Turizmi është kthyer në një nga shtyllat kryesore të ekonomisë shqiptare, veçanërisht gjatë sezonit veror, kur numri i pushuesve si rezidentë ashtu edhe jo-rezidentë, rritet ndjeshëm. Një ndër format më të përhapura vit pas viti është turizmi i aventurës, i cili po tërheq gjithnjë e më shumë vizitorë.
Në shumë zona, ku ndërtimi i hoteleve nuk lejohet për shkak të ruajtjes së mjedisit, kampingu paraqitet si një formë akomodimi e domosdoshme dhe mjaft e favorshme për turistët. Jo vetëm që ofron një përvojë unike në natyrë, por është edhe më ekonomik.
Sipas të dhënave nga Eurostat, Shqipëria është një ndër vendet me rritjen më të lartë në Europë sa i përket këtij lloj turizmi. Edhe faqet e huaja të specializuara në kamping e rendisin Shqipërinë ndër vendet më të lira për të kaluar një natë në natyrë.
Të dhënat nga revista Camping.Info tregojnë se Shqipëria ka koston më të ulët për kamping në rajon, me një çmim prej 14.18 euro për natë. Në krahasim, kostoja në Serbi është 20.69 euro, ndërsa në Bosnjë-Hercegovinë dhe Maqedoninë e Veriut varion përkatësisht në 18.60 euro dhe 17.90 euro. Kjo e bën Shqipërinë një destinacion shumë tërheqës për turistët që preferojnë udhëtimet me buxhet të ulët dhe aventurat në natyrë.
Gjithashtu, të dhënat e INSTAT tregojnë se në muajin prill është shënuar një rritje e ndjeshme e qëndrimeve në kamping, për shkak edhe të kushteve atmosferike më të favorshme. Gjatë periudhës janar-prill, janë regjistruar 228 netë-qëndrime nga turistë rezidentë dhe plot 3,859 nga turistë të huaj. Ky numër pritet të rritet ndjeshëm gjatë muajve të verës, me pikun që parashikohet në korrik dhe gusht, falë kostos së ulët dhe eksperiencës së veçantë që ofron kampingu.
Live TV
''Më 14 korrik mbyllim tre kapitujt e parë të negociatave me BE-në''/ Rama nga Jala: Proces kompleks me shumë sfida
Kryeministri, Edi Rama, gjatë një bashkëbisedimi me të rinjtë në 'RinCamp 2026' në Jalë, u ndal te procesi i integrimit evropian të Shqipërisë, duke e......
Monitorim tregut të produkteve të shportës në supermarkete/ Autoriteti i Konkurrencës ndërhyn pas ankesave të qytetarëve
Autoriteti i Konkurrencës ka nisur monitorimin e tregut të shitjes me pakicë të produkteve të shportës në rrjetin e supermarketeve kryesore në vend, pas......
Mbi 42 mijë pensione të reja pleqërie në një vit/ Sa para do marrin pensionistët e rinj të Shqipërisë?
Popullsia shqiptare po plaket me ritme të shpejta dhe këtë e konfirmojnë edhe shifrat e pensioneve të reja të lidhura për çdo vit. Gjatë vitit 2025, 42,818......
Review-të negative/ Rama: Sulmi kibernetik ndaj bizneseve të turizmit, agresion ekonomik i motivuar politikisht
Kryeministri Edi Rama ka reaguar në platformën X lidhur me sulmin kibernetik që preku bizneset e sektorit të turizmit, duke e cilësuar atë si një “agresion......
