Sa e përdorin shqiptarët IA? Renditemi në vendin e 94-t ndër 200 shtete të botës
Një raport i ri i publikuar nga “AP Machine Learning”, që analizon aktivitetin teknik dhe përdorimin e inteligjencës artificiale në rreth 200 vende të botës, sjell një pasqyrë të qartë mbi mënyrën se si popujt po adoptojnë teknologjinë më të avancuar të kohës. Ndryshe nga strategjitë shtetërore apo planet korporative, ky indeks fokusohet te përdorimi real i IA-së nga zhvilluesit, studentët dhe profesionistët që ndërveprojnë çdo ditë me përmbajtje teknike, duke zbuluar kështu historinë e vërtetë të angazhimit global.
Sipas të dhënave, Shqipëria renditet në vendin e 94-t me 0.21 pikë, një tregues i angazhimit të moderuar, por gjithsesi i një komuniteti që po rritet në përdorimin e mjeteve dhe aplikacioneve moderne të inteligjencës artificiale. Krahasuar me vendet e rajonit, situata paraqitet e diferencuar. Serbia qëndron dukshëm më lart, në vendin e 56-t, duke u bërë vendi me adoptimin më të lartë të IA-së në rajon. Pas saj renditen Bosnje &Hercegovina në vendin e 89-t, Maqedonia e Veriut në vendin e 92-t, ndërsa Mali i Zi shfaqet si vendi me aktivitetin më të ulët të IA-së në rajon.
Në përmasë globale, Shtetet e Bashkuara kryesojnë me diferencë të madhe, duke reflektuar jo vetëm popullsinë e tyre të madhe dhe orientimin drejt teknologjisë, por edhe ekosistemin shumë të avancuar të zhvilluesve dhe shkencëtarëve të të dhënave që kërkojnë në mënyrë të vazhdueshme të përmirësojnë aftësitë e tyre. Nga ana tjetër, raporti vë në dukje se disa vende shfaqin aktivitet minimal në përdorimin e inteligjencës artificiale. Ndër to përfshihen Congo-Brazzaville, Çadi, Karaibet Hollandeze, Kepi i Gjelbër, Bermudat, Belize, Aruba dhe Svalbard & Jan Mayen, ku qasja e kufizuar në infrastrukturë dhe mungesa e komuniteteve të specializuara konsiderohen faktorët kryesorë të këtij niveli të ulët interesi.
Megjithëse dallimet mes vendeve mbeten të mëdha, raporti sugjeron se angazhimi global me IA-në po rritet me ritme të qëndrueshme. Për Shqipërinë dhe rajonin, investimi në edukim teknologjik, rritja e kapaciteteve profesionale dhe forcimi i infrastrukturës dixhitale mbeten elementë thelbësorë për të kapur hapin me transformimin botëror që po sjell inteligjenca artificiale.
Shqiptarët i besojnë Perëndimit, “injorojnë” Lindjen/ Opinion publik i prerë: Larg Rusisë dhe Kinës, mbështësim BE-në dhe NATO-n
Shqiptarët vazhdojnë të mbajnë qëndrime dukshëm pro-europiane. Sipas Anketës Vjetore 2025 për Shqipërinë, rreth 92% e qytetarëve të anketuar shprehin se......
POS-i, sfida e re për tregtinë shqiptare - Si është raporti ndërmjet bizneseve dhe pajisjeve elektronike për pagesat me kartë?
Shumë biznese, por pak terminale POS. Në një kohë kur bota po shkon drejt realizimit të më shumë pagesave me kartë dhe reduktimit të parasë cash, raporti......
Përmbytjet, fermerët do të kompensohen për dëmet - Salla: Do të nisim evidentimin. Askush nuk do të mbetet pa mbështetje
Moti i keq dhe reshjet intensive të shiut përgjatë ditëve të fundit kanë shkaktuar përmbytje në disa bashki të vendit dhe dëme të konsiderueshme ekonomike në......
Rriten volumet e energjisë në Bursën Shqiptare/ 9-mujori shënon dhe rritje të çmimeve, vlera e transaksioneve arriti në gati 159 mln euro
Mbi 1.36 mln mWh energji u tregtua në Bursën Shqiptare të Energjisë Elektrike gjatë 9-mujorit të këtij viti, teksa vlera e transaksioneve përllogaritet në......
“Drejt një flote më të pastër” - DPSHTRR: Rritje 30.9% e regjistrimeve plug-in hybrid
Tregu i automjeteve po orientohet drejt teknologjive më të pastra dhe efikase. Drejtoria e Përgjithshme e Shërbimeve të Transportit Rrugor bën me dije se......
Siguria me pronat dhe Kadastra Digjitale - Këshilli i Investimeve zbulon pengesën që po largon investitorët
Progres-rekomandimet e fundit të Këshillit të Investimeve kanë nxjerrë në pah se çështjet e sigurisë së pronës dhe Kadastres Digjitale mbeten ndër më......
Kroacia “sfidon” inflacionin - Vendos çmime “tavan” për 30 produkte bazë
Qeveria e Kroacisë ka vendosur të shtojë 30 artikuj të tjerë në listën e 70 produkteve bazë me çmime të kufizuara, në një përpjekje për të lehtësuar......
Mali i Zi, borxhi do të arrijë 5.88 mld euro - Do të zgjerohet me 1.2 miliardë euro në një vit
Në fund të tremujorit të tretë, borxhi kombëtar i Malit të Zi arriti në 4.705 miliardë euro, ose 59.4 për qind të PBB-së, ndërsa në fund të vitit të ardhshëm......
