Rrjetet sociale, “arma” kryesore e bizneseve shqiptare/ Eurostat: Shqipëria ndër vendet lider në Europë për reklamimin digjital
Në ditët e sotme, marketingu i kompanive është zhvendosur gjithnjë e më shumë drejt rrjeteve sociale, aty ku audienca është më e gjerë dhe ndërveprimi më i drejtpërdrejtë. Shumica e ndërmarrjeve kanë zgjedhur strategjitë e tyre të reklamimit përmes platformave digjitale, por sa e përhapur është kjo praktikë në Shqipëri krahasuar me vendet e tjera?
Sipas të dhënave më të fundit të Agjencisë Europiane të Statistikave (Eurostat), kompanitë shqiptare me mbi 10 punonjës shfaqin një përdorim shumë të lartë të mediave sociale. Shqipëria renditet e katërta në Europë, me rreth 86% të këtyre ndërmarrjeve që përdorin rrjetet sociale për promovimin dhe njohjen e aktivitetit të tyre. Për krahasim, mesatarja e Bashkimit Europian qëndron në nivelin 63.5%, çka tregon se ndërmarrjet shqiptare mbështeten ndjeshëm më shumë se mesatarja europiane në këtë formë marketingu.
Ky trend dëshmon se rrjetet sociale janë shndërruar në një nga mjetet kryesore të reklamimit për bizneset në vend, duke luajtur një rol të rëndësishëm në ndërtimin e imazhit dhe rritjen e njohjes së markës.
Po si paraqiten vendet e tjera të rajonit? Mali i Zi renditet në vendin e 10-të në nivel europian, duke zënë kështu vendin e dytë në rajon, menjëherë pas Shqipërisë. Ndërkohë, Bosnja&Hercegovina renditet e parafundit në rajon me një nivel prej 66.8%. Në vendin e fundit ndodhet Serbia, ku përdorimi i rrjeteve sociale për qëllime reklamimi duket se nuk është ende një prioritet i lartë për kompanitë.
Sa i përket liderëve europianë në këtë drejtim, sipas Eurostat, Finlanda kryeson kontinentin, ku pothuajse shumica e kompanive kanë një prani të gjerë dhe aktive në rrjetet sociale. Pas saj renditen Malta dhe Danimarka, vende që kanë investuar ndjeshëm në marketingun digjital. Në të kundërt, në disa shtete të tjera si Hungaria, Kroacia dhe Bullgaria, përdorimi i rrjeteve sociale nga kompanitë nuk paraqitet si prioritet kryesor.
Veshjet dhe mineralet “amortizojnë” deficitin tregtar/ “Anatomia” e tregtisë së jashtme. Nga veshjet, te energjia. Ku fitojmë dhe ku humbasim
Struktura e tregtisë së jashtme gjatë vitit 2025, e analizuar sipas kapitujve, tregon një pabarazi të theksuar mes importeve dhe eksporteve, me një numër të......
Si ka nisur kjo javë për valutat kryesore?
Dollari amerikan ka shënuar një rritje të lehtë të kuotës gjatë fundjavës duke e nisur pozitivisht këtë javë teksa është blerë mëngjesin e sotëm me 81 lekë......
Më shumë punëtorë të huaj sezonalë në SHBA - Do të shtohen 65,000 viza për vitin 2026. Cilët janë sektorët që përfitojnë?
Administrata e Presidentit Donald Trump do të shtojë rreth 65,000 viza H-2B për punëtorë sezonalë të huaj deri më 30 shtator, u njoftua në Regjistrin......
Shatërvani i Trevit, nga sot me pagesë - Vlerësohet se mund të gjenerohen 6.5 milionë euro shtesë në vit
Që nga 2 shkurti 2026, kryeqyteti italian ka futur në qarkullim bileta prej 2 euro për turistët që të zbresin shkallët në zonën përreth pellgut të mbushur me......
Papunësia në Gjermani, niveli më i lartë në 12 vjet - Shifra arrin në 3,08 milionë. Në rritje edhe inflacioni
Numri i të papunëve në Gjermani arriti nivelin më të lartë në 12 vjet, duke tejkaluar shifrën 3 milionë, ndërsa inflacioni u zhvendos përsëri mbi objektivin......
ARRSH: Hapet për qarkullim aksi Elbasan–Qafë Thanë
Autoriteti Rrugor Shqiptar njofton se aksi Elbasan–Qafë Thanë është hapur tashmë për qarkullimin e mjeteve.Policia Rrugore së bashku me Autoritetin Rrugor......
Rrëshqitje masive në aksin rrugor Librazhd – Qafë Thanë/ Policia: Qarkullimi i automjeteve është bllokuar plotësisht në të dyja drejtimet
Policia e Shtetit njofton se në aksin rrugor Librazhd – Qafë Thanë, në vendin e quajtur Dragostunjë, si pasojë e rrëshqitjes së një masivi dheu dhe gurësh......
"Të tjera drejtori kadastre do të zhvendosen" - Rama: Rasti i Vlorës u keqkuptua. E ardhmja është një shërbim pa sportele
Pas zhvendosjes së zyrës së Kadastrës së Vlorës në Tiranë, radha do t'i vijë edhe drejtorive të tjera. Në podkastin e kësaj jave, Kryeministri Edi Rama u......
