Rrjeta kapi më pak peshq në vitin 2024! Sasia u ul me 14.9%. Akuakultura vijon të jetë burimi kryesor i peshkut të zënë
Instituti i Statistikave (INSTAT) ka publikuar të dhënat më të fundit mbi aktivitetin e peshkimit në Shqipëri gjatë vitit 2024. Sipas raportit, sasia totale e peshkut të zënë nga të gjitha kategoritë dhe burimet ujore ka arritur në rreth 16.5 mijë tonë, duke shënuar një rënie prej 14.9% krahasuar me vitin 2023, kur u regjistruan afro 19 mijë tonë. Kjo tendencë rënëse vjen pavarësisht përpjekjeve për rigjenerimin e rezervave natyrore dhe zhvillimin e akuakulturës.
Në Liqenin e Ohrit, gjatë vitit 2024 janë prodhuar dhe hedhur 1.2 milionë rasate të troftës ylber, 1.8 milionë rasate të koranit dhe 0.8 milionë rasate të krapit. Megjithatë, akuakultura, që vazhdon të mbetet burimi kryesor i peshkut të zënë në vend, edhe pse ka pësuar ulje me 21.6% krahasuar me një vit më parë. Ajo ka siguruar 43.6% të sasisë totale të peshkut, përkatësisht 7,165 tonë.
Pas akuakulturës, burimi i dytë më i madh ka qenë peshkimi në ujërat e brendshme, me një kontribut prej 24.7% të totalit, që përkthehet në 4,505 tonë. Ndërkohë, peshkimi detar ka sjellë sasinë më të vogël, duke përbërë 23.5% të totalit të peshkut të zënë.
Në raport me një vit më parë, molusqet janë e vetmja kategori që ka shënuar rritje, me një shtesë prej 14.5%, duke arritur në 213 tonë. Të gjitha kategoritë e tjera kanë pësuar rënie, ku më e theksuara është ajo në laguna, me një ulje prej 33%, nga 218 tonë në 146 tonë. Edhe bregdeti ka regjistruar një rënie prej 18.1%, duke zbritur nga 676 tonë në vitin 2023 në 554 tonë në vitin 2024.
Llojet më të zëna të peshkut në det, bregdet dhe laguna kanë qenë karkaleci i thellësisë me 891 tonë, i ndjekur nga merluci (735 tonë) dhe sardelja me (549 tonë). Ndërsa në ujërat e brendshme, peshku më i zënë ka rezultuar të jetë karasi me rreth 1,600 tonë, ndjekur nga skorta me (1,528 tonë) dhe krapi (430 tonë).
Pavarësisht uljes së përgjithshme në sasinë e peshkut të zënë, numri i subjekteve të licencuara për aktivitet peshkimi ka shënuar rritje. Në vitin 2024 janë regjistruar 833 subjekte të licencuara, 22 më shumë se në vitin 2023, ku shumica operojnë në portin e Durrësit. Flota shqiptare e peshkimit është aktive kryesisht në Nën-Zonën Gjeografike 18 (Adriatiku i Jugut), ndërsa anijet më të përdorura janë ato me rrjeta “në vijë”, që përbëjnë 72.6% të flotës, ndjekur nga anijet me tërheqje, që zënë 23.9%.
Më të vizituarat
Zv.kryeministrja Koçiu dhe ministri Gonxhja në Mat, vizituan Pallatin e Kulturës të rikonstruktuar
“Punët e Shqipërisë” kanë në fokus edhe Matin. Në një postim në rrjetet sociale ministri Blendi Gonxhja ka vlerësuar rikonstruksionin e Pallatitt ë Kulturësn......
Mali i Zi, Mohamed Alabbar përfundon projektin e fshatit turistik në Ulqin
Investitori nga Emiratet e Bashkuara Arabe, Mohamed Alabbar, tha se projekti i një fshati të planifikuar eko-turistik në komunën e Ulqinit në bregdetin......
Trump propozon buxhetin "historik" për mbrojtjen, rritje me 500 miliardë dollarë
Presidenti i SHBA-së, Donald Trump, kërkoi të premten një ulje prej 10% të shpenzimeve jo-mbrojtëse për vitin fiskal 2027 dhe një rritje masive prej 500......
Ekonomia botërore e marrë peng, ankthi që vjen nga Lindja e Mesme
Përfaqësues nga rreth 40 vende morën pjesë në një takim virtual për rihapjen e Ngushticës së Hormuzit. Kryeministri britanik Keir Starmer kishte ftuar për......
Qeveria e Kosovës miraton projektligjin për çmimet tavan për produktet bazë dhe sigurimet shëndetësore
Kabineti i kryeministrit Albin Kurti i ka kaluar të premten projektligjet për çmimet tavan dhe për sigurimet e detyrueshme shëndetësore, të cilat duhet të......
Video
