Rriten diplomimet në arsim, shëndetësi dhe teknologji/ Shkencat natyrore dhe bujqësia regjistrojnë rëniet më të mëdha
Instituti i Statistikave ka publikuar së fundmi të dhënat mbi arsimin universitar dhe fushat ku studentët po diplomohen më shumë gjatë vitit akademik 2024-2025. Statistikat tregojnë se interesi i të rinjve për disa degë të caktuara po rritet ndjeshëm, ndërsa për disa fusha të tjera vihet re një rënie e numrit të diplomimeve.
Sipas të dhënave, rritjen më të madhe të diplomimeve e ka shënuar fusha e arsimit, me një rritje prej 45.5% krahasuar me një vit më parë. Ky zhvillim tregon se gjithnjë e më shumë studentë po zgjedhin profesionet që lidhen me mësimdhënien dhe edukimin, një tendencë që mund të lidhet si me nevojat e tregut të punës, ashtu edhe me interesin në rritje për karrierën në sektorin arsimor.
Një tjetër fushë që ka njohur rritje është ajo e shëndetit dhe mirëqenies, ku diplomimet janë rritur me 13.8%. Kjo lidhet ngushtë me kërkesën e lartë që ekziston në tregun e punës për profesionistë të shëndetësisë, infermierë, specialistë të kujdesit social dhe profesione të tjera të ngjashme. Nevoja për staf të kualifikuar në këtë sektor vijon të mbetet e lartë, si në Shqipëri ashtu edhe jashtë vendit.
Në rritje rezultojnë edhe degët e teknologjisë së informacionit dhe komunikimit, me 8.5%, si dhe inxhinieria, prodhimi dhe ndërtimi, me 7.9%. Këto fusha po tërheqin gjithnjë e më shumë studentë për shkak të mundësive të shumta të punësimit dhe pagave më konkurruese që ofrojnë sektorët e teknologjisë dhe ndërtimit.
Megjithatë, trendi nuk është i njëjtë për të gjitha degët e studimit. Disa fusha kanë shënuar rënie të ndjeshme të diplomimeve. Fusha e arteve dhe shkencave humane ka pësuar një ulje prej 5.8%, ndërsa shkencat sociale, gazetaria dhe informacioni kanë rënë me 10.2%.
Rënie është regjistruar edhe në degën e biznesit, administrimit dhe ligjit, ku numri i diplomimeve është ulur me 9.1%. Po ashtu, një nga uljet më të forta vihet re në fushën e bujqësisë, pyjeve, peshkimit dhe veterinarisë, me një rënie prej 22.7%.
Ndërkohë, fusha që ka shënuar rënien më të madhe është ajo e shkencave natyrore, matematikës dhe statistikës, ku diplomimet kanë rënë me 23.2%. Kjo tregon një interes më të ulët të studentëve për këto degë, pavarësisht rëndësisë që kanë në zhvillimin shkencor dhe teknologjik të vendit.
Edhe fusha e shërbimeve ka shënuar një rënie prej 5%. Të dhënat tregojnë se zgjedhjet e studentëve po orientohen gjithnjë e më shumë drejt degëve që ofrojnë mundësi më të sigurta punësimi dhe kërkesë më të lartë në treg. Në të njëjtën kohë, disa fusha tradicionale po përballen me ulje të interesit, duke reflektuar ndryshimet që po ndodhin në ekonominë dhe tregun e punës në vend.
Forcohet ligji për kamatëvonesat në transaksionet tregtare - Përafrim me BE, synohet disiplinim financiar në ekonomi
Qeveria ka ndërmarrë një nismë të re ligjore që synon të përmirësojë kuadrin rregullator për pagesat e vonuara në transaksionet tregtare, duke e përafruar......
A do të jetë ky sezoni më i suksesshëm veror? Bizneset përgatiten, importet e çadrave të diellit arrijnë rekord historik në prill
Importet e çadrave të diellit dhe produkteve të ngjashme arritën nivel rekord në muajin prill 2026, duke reflektuar zgjerimin e aktivitetit turistik dhe......
Pagesat në euro arrijnë rekord të ri në Shqipëri - BSH: 30% më shumë transferta me AIPS EURO në janar-prill 2026
Katër muajt e parë të vitit 2026 kanë qenë mjaft pozitivë për sistemin AIPS EURO, me një numër dhe vlerë transfertash konsiderueshëm më të lartë krahasuar me......
Rritet prodhimi vendas i energjisë elektrike/ 3-mujori, INSTAT: Eksportet u dyfishuan, importet ranë me 57.4%
Tremujori i parë i vitit 2026 ka rezultuar pozitiv për sektorin energjetik në vend, teksa përmirësimi i situatës hidrike ndikoi në rritjen e ndjeshme të......
Karburantet marrin tjetër ulje - Bordi i Transparencës publikon çmimet e reja
Bordi i Transparencës ka publikuar çmimet e reja tavan për karburantet në vend, duke vendosur ulje të mëtejshme të çmimit të gazoilit dhe benzinës në tregun......
“Porta e Alpeve”, investimi 100 milionë euro që synon transformimin e Shkodrës dhe veriut të vendit
Në Parlament pritet të miratohet kredia për projektin strategjik “Porta e Alpeve”, një program investimesh me vlerë 100 milionë euro, i financuar nga Banka......
Edhe 10 ditë afat për instalimin e POS/POI - Tatimet apel bizneseve të zbatojnë detyrimin cashless
Drejtoria e Përgjithshme e Tatimeve ka rikujtuar se kanë mbetur edhe 10 ditë nga afati ligjor për zbatimin e detyrimit të pagesave elektronike (cashless)......
Hoxha takim me ambasadorët e shteteve anëtare të BE-së: Angazhim për të thelluar reformat
Ministri për Evropën dhe Punët e Jashtme, Ferit Hoxha, së bashku me delegacionin e Bashkimit Evropian në vendin tonë, zhvilluan një diskutim me ambasadorët e......
