Rreth 9 milionë të huaj hynë në Shqipëri/ 8-mujori, dominon turizmi Europian. Rriten vizitat e biznesit
Sipas të dhënave më të fundit të publikuara nga Instituti i Statistikave, muaji gusht ka sjellë një fluks të lartë hyrjesh nga territori i Shqipërisë. Gjatë këtij muaji, në vend kanë hyrë rreth 3.36 milionë shtetas, çka tregon një rritje prej 8.4% në raport me gushtin e vitit të kaluar. Nga totali i hyrjeve, rreth 986 mijë ishin shqiptarë, me një rritje prej 5.1%, ndërsa pjesa më e madhe, afërsisht 2.38 milionë, i takon shtetasve të huaj, të cilët kanë shënuar një rritje prej 9.9% krahasuar me gushtin e vitit 2024.
Nga ana tjetër, edhe daljet nga territori kanë shënuar një rritje të ndjeshme gjatë gushtit. Sipas statistikave, nga Shqipëria kanë dalë rreth 3.33 milionë shtetas, duke përfaqësuar një rritje prej 12.1% krahasuar me të njëjtën periudhë të vitit të kaluar. Brenda këtij numri, 994 mijë kanë qenë shqiptarë, me një rritje prej 10.3%, ndërsa 2.3 milionë kanë qenë të huaj, duke regjistruar një rritje edhe më të lartë, prej 12.8%.
Nëse i referohemi të gjithë periudhës 8-mujore të vitit, shifrat janë edhe më domethënëse. Në total, në Shqipëri janë regjistruar rreth 8.96 milionë hyrje, një rritje prej 5.2% krahasuar me të njëjtën periudhë të vitit të kaluar. Pjesa dërrmuese e hyrjeve të huaja janë gjeneruar nga rajoni i Europës, me plot 97% të numrit total. Brenda këtij kontinenti, dominon Europa Jugore, e cila zë 77% të hyrjeve të huaja, e ndjekur nga Europa Perëndimore me 9% dhe Europa Qendrore dhe Lindore me 8%.
Sa i përket arsyeve të udhëtimit, shifrat tregojnë se shumica e shtetasve, plot 99%, kanë hyrë në Shqipëri për arsye personale, që përfshijnë pushimet, vizitat familjare apo aktivitete të tjera të ngjashme. Megjithatë, vlen të theksohet se hyrjet e të huajve për arsye biznesi kanë pësuar një rritje të ndjeshme prej 23.3%, duke sinjalizuar interesin në rritje të investitorëve dhe sipërmarrësve të huaj për të eksploruar mundësitë që ofron vendi.
Live TV
Kush po qëndron jashtë tregut të punës? Inaktiviteti në punësim shënoi ulje të lehtë gjatë 2025-ës
Inaktiviteti në punësim i referohet pjesës së popullsisë në moshë pune që nuk është e angazhuar në një vend pune dhe as nuk kërkon aktivisht një të tillë. Ky......
Centralet e rinj, 262 MW iu shtuan prodhimit vendas - Ndikimi nga rritja e impianteve diellore, privati zotëron 55% të totalit
Rreth 262 MW iu shtuan kapacitetit prodhues vendas të energjisë elektrike gjatë vitit 2025, duke arritur një total prej 3478 MW. Sipas Entit Rregullator të......
“Milionerët” e bankave, kush i ka lekët? Reth 137 mijë depozitues mbajnë 59% të kursimeve të sigurueshme
Në bankat shqiptare, kursimet po rriten, por bashkë me to po bëhet më i dukshëm edhe hendeku mes depozituesve. Raporti Vjetor 2025 i Agjencisë së Sigurimit......
Lehtësohen kostot për sipërmarrjet - Mbështetje për biznesin pas rritjes së pagës minimale
Agjencia Kombëtare e Punësimit dhe Aftësive bën të ditur se qeveria ka ndërmarrë një skemë mbështetëse për bizneset, e cila synon të lehtësojë kostot......
