Rreth 10.2 milionë të huaj në Shqipëri për 9 muaj/ Rritje me 15.3% e hyrjeve për qëllime biznesi gjatë shtatorit
Sipas të dhënave më të fundit të Institutit të Statistikave (INSTAT), Shqipëria ka regjistruar një rritje të ndjeshme të fluksit të hyrjeve dhe daljeve të shtetasve gjatë muajit shtator 2025, duke reflektuar gjallërinë e periudhës pas turistike.
Gjatë këtij muaji, në territorin e vendit kanë hyrë gjithsej rreth 1.96 milionë, shqiptarë dhe të huaj, çka përbën një rritje me 9.5% krahasuar me të njëjtën periudhë të vitit të kaluar. Nga ana tjetër, daljet nga territori shqiptar kanë arritur në rrreth 2.1 milionë, me një rritje prej 10.4% në raport me shtatorin e vitit 2024.
Numri i shtetasve shqiptarë që kanë hyrë në vend gjatë shtatorit ka qenë rreth 705 mijë, me një rritje vjetore prej 8.9%. Po aq dinamik ka qenë edhe numri i daljeve me rreth 772 mijë duke pasur rreth 10.7% më shumë se një vit më parë.
Nga ana tjetër në shtator 2025, rreth 1.25 milionë të huaj kanë hyrë në Shqipëri, me një rritje vjetore prej 9.9%. Rritja e turizmit pas verës duket se po shtrihet edhe në muajt pas sezonit kryesor, duke treguar për një interes të qëndrueshëm ndaj destinacioneve shqiptare. 95% e hyrjeve të të huajve vijnë nga Europa, ku Europa Jugore kryeson me 69% të totalit, e ndjekur nga Europa Perëndimore (12%) dhe Europa Qendrore/Lindore (11%).
Në total, për periudhën janar–shtator 2025, janë regjistruar 10.2 milionë hyrje nga të huajt duke reflektuar një rritje të përgjithshme me 7.1%.Këto shifra përforcojnë faktin se Shqipëria po përjeton një lëvizshmëri të madhe të popullsisë, e ndikuar nga turizmi, migrimi sezonal dhe aktivitetet ekonomike ndërkufitare.
Sipas statistikave 98% e hyrjeve të të huajve janë për qëllime personale, si pushime, vizita familjare apo udhëtime turistike. Megjithatë, një element interesant është rritja e hyrjeve për qëllime biznesi dhe profesionale, të cilat janë shtuar me 15.3%krahasuar me një vit më parë. Kjo tregon një lëvizje pozitive edhe në fushën e bashkëpunimeve ekonomike dhe profesionale ndërkombëtare.
Live TV
Të ardhurat buxhetore në nivel rekord - Rama: Mbi 1 miliard euro më shumë pa rritur taksat
Kryeministri Edi Rama ka deklaruar se të ardhurat buxhetore kanë arritur një nivel historik, duke reflektuar sipas tij fuqizimin e ekonomisë shqiptare. Gjatë......
Miratohet Skema Kombëtare e Bujqësisë 2026/ Rama: Më shumë fonde dhe fokus te fermerët e rinj
Qeveria ka miratuar Skemën Kombëtare të Mbështetjes për Bujqësinë për vitin 2026, e cila sjell rritje të ndjeshme të mbështetjes financiare dhe lehtësim të......
Ulet akciza e naftës me 20% mbi pragun 220 lekë - Rama: Masa për të mbrojtur konsumatorët
Qeveria ka miratuar aktin normativ për uljen e akcizës së naftës, një masë që hyn në fuqi automatikisht kur çmimi i karburanteve kalon nivelet e......
"Dyfisho Ndërmarrjen Tënde”/ Rama: Linjë e re kredie për bizneset, gati programi për dyfishimin e ndërmarrjeve
Kryeministri Edi Rama ka njoftuar nisjen e afërt të programit “Dyfisho Ndërmarrjen Tënde”, i cili synon të mbështesë ndërmarrjet e vogla dhe të mesme në......
