Roaming Free në rajon, çfarë po fitojnë bizneset shqiptare? RCC: 44% e tyre shohin lehtësim në komunikim, 31% raportojnë ulje kostosh
“Roaming Free” në Ballkanin Perëndimor ka sjellë ndryshime të prekshme në mënyrën se si bizneset operojnë në rajon, por ndikimi i tij nuk ka qenë i njëjtë në të gjitha vendet. Të dhënat më të fundit nga Balkan Barometer 2025 tregojnë se në Shqipëri, efekti kryesor i këtij regjimi lidhet më shumë me lehtësimin e komunikimit sesa me uljen direkte të kostove të operimit.
Sipas anketës, 44% e bizneseve shqiptare deklarojnë se roaming-u pa tarifa ka lehtësuar ndjeshëm komunikimin me partnerët në rajon, duke e bërë më të thjeshtë bashkëpunimin ndërkufitar, kontaktet e shpeshta dhe koordinimin e aktiviteteve. Ky tregues e pozicionon Shqipërinë afër mesatares rajonale dhe tregon se për kompanitë shqiptare, përfitimi kryesor është funksional dhe operacional.
Nga ana tjetër, vetëm 31% e bizneseve në Shqipëri shohin një ulje të kostove të operimit si rezultat direkt i regjimit “Roaming Free”. Ky nivel është më i ulët se mesatarja e rajonit dhe dukshëm më poshtë krahasuar me vende si Bosnje &Hercegovina apo Mali i Zi, ku perceptimi për kursime financiare është shumë më i lartë. Kjo sugjeron se për bizneset shqiptare, kostot e roaming-ut nuk kanë qenë domosdoshmërisht një barrë kryesore, ose se përfitimet financiare nuk janë reflektuar ende plotësisht në bilancet e tyre.
Ndërkohë, 44% e bizneseve shqiptare deklarojnë se regjimi “Roaming Free” nuk ka pasur asnjë ndikim në aktivitetin e tyre. Ky është një nga përqindjet më të larta në rajon dhe sinjalizon se një pjesë e konsiderueshme e bizneseve ose operojnë kryesisht brenda tregut vendas, ose nuk kanë shfrytëzuar ende potencialin e bashkëpunimit rajonal që ky regjim ofron.
Po ashtu, 22% e bizneseve në Shqipëri shprehen se nuk janë të informuara për ekzistencën e regjimit “Roaming Free”.Ndërkohë dhe tarifat roaming për Shqipërinë me Bashkimin Europian do të marrin fund në 2026. Këtë e bëri të ditur kryeministri Edi Rama, në tryezën e përbashkët me komisioneren për zgjerimin, Marta Kos dhe 6 liderët e Ballkanit Perëndimor.
KESH zhvillon shitjen e parë të energjisë - Reshjet shtojnë prodhimin, sigurohen rreth 1.1 mln euro të ardhura
Teksa prurjet në Kaskadën e Drinit kanë shënuar nivele të larta si pasojë e reshjeve të ditëve të fundit, Korporata Elektroenergjetike Shqiptare ka shitur......
Në Steblevë të Librazhdit dëbora arrin 40 cm - Kryebashkiaku Disha: Rrugët janë të hapura, të gjitha njësitë janë të sigurta!
Kryetari i Bashkisë Librazhd, Mariglen Disha, ndodhet në terren së bashku me Drejtuesin Politik të Qarkut, Arbjan Mazniku, për të ndjekur nga afër dhe......
Nga emergjencë natyrore, në goditje ekonomike kombëtare/ Përmbytjet në vend, qarqet e goditura mbajnë rreth 40% të PBB-së
Përmbytjet e ditëve të fundit nuk janë thjesht një episod moti ekstrem, por edhe goditje e drejtpërdrejtë mbi ekonominë e vendit. Zonat më të prekura......
“Të dëmtuarit nga përmbytjet do të dëmshpërblehen” - Kryeministri Rama: Për banesat, si edhe për gjënë e gjallë
Të gjithë qytetarët e prekur nga përmbytjet do të dëmshpërblehen. Këtë e bëri me dije kryeministri Edi Rama gjatë mbledhjes së Komitetit Ndërministror të......
Shqiptarët i thonë jo SMS-ve! - AKEP: Kërkojnë më shumë internet. A po ofron tregu çmime të drejta për paketat?
Rreth 10.41 GB Internet, 129 minuta dalëse dhe 11 SMS ka konsumuar mesatarisht një shqiptar gjatë tremujorit të tretë të vitit 2025. Sipas të dhënave më të......
Skema e investimeve, 27 shkurti afati i fundit për dokumentet - Nga rrjetat antibreshër, tek serat diellore dhe agroturizmi. Deri 150 mijë euro financim
Fermerët që kanë aplikuar për Skemën e Investimeve, do të kenë afat deri më datën 27 Shkurt 2026 për të dorëzuar dokumentacionin plotësues të dosjes së......
Parku diellor në Spitallë merr licencën e prodhimit - Kapaciteti 100 MW, kompania u shpall fituese në ankandin e zhvilluar në vitin 2021
Enti Rregullator i Energjisë ka licencuar shoqërinë “Spitalla Solar”, në veprimtarinë e prodhimit të energjisë elektrike nga centrali fotovoltaik 100 MW, në......
“Mbi 50 mln euro në dispozicion për situatën e krijuar” - Ministri i Financave, Malaj: 15 mln euro shkojnë për dëmshpërblimet
Ministri i Financave Petrit Malaj tha se vlera totale për situatën e përmbytjeve në vend është mbi 50 milionë euro, nga të cilat 15 mln euro shkojnë për......
