Ritet numri i ndërmarrjeve me 10%/ Kryesojnë bizneset në tregti, serviset e makinave dhe hotelet e restorantet
INSTAT ka publikuar së fundmi të dhëna mbi demografinë e ndërmarrjeve në Shqipëri për periudhën vjetore 2021–2023.
Sipas këtyre statistikave, në vitin 2023 në Shqipëri ishin aktive gjithsej 125,736 ndërmarrje, prej të cilave rreth 12 mijë ishin të reja, ndërsa 810 rezultuan të mbyllura. Krahasuar me 2 vite më parë numri ndërmarrjeve aktive u rrit me gati 10%.
Sa i përket tipologjisë së tyre kryesojnë ndërmarrjet që operonin në sektorin e tregtisë dhe riparimit të automjeteve dhe motoçikletave, të cilat përbënin 35.2% të totalit.
Pas tyre vinin ndërmarrjet në fushën e akomodimit dhe shërbimit ushqimor, që zinin 14.3%, ndërsa aktivitetet profesionale, shkencore dhe teknike përbënin 7.9% të tregut.
Të dhënat zbulojnë gjithashtu edhe shpërndarjen e të punësuarve në këto ndërmarrje. Në vitin 2023, 21.8% e të punësuarve ishin të angazhuar në sektorin e tregtisë dhe shërbimeve të automjeteve, 15.5% në industrinë përpunuese dhe 9.1% në sektorin e ndërtimit.
Vërehet se një pjesë e konsiderueshme e bizneseve të reja të krijuara gjatë vitit kishin fokus kryesor në tregti, riparime automjetesh, si dhe në hotele e restorante.
Sa i përket madhësisë së ndërmarrjeve, 51.1% e tyre rezultonin pa asnjë të punësuar, ndërsa 37.1% kishin nga 1 deri në 4 të punësuar me pagë. Vetëm një pjesë e vogël e bizneseve kishin numër më të madh punonjësish: 5.4% kishin 5–9 punonjës, ndërsa 6.4% kishin 10 ose më shumë.
Ndërmarrjet e mbyllura gjatë vitit 2023 ishin kryesisht të vogla ,61.5% e tyre nuk kishin asnjë të punësuar.
Live TV
Menaxhimi i mbetjeve, debate te Ligjet - Do ngrihet operator qendror, bashkive iu mbetet grumbullimi. Tërhiqet importi i plehrave
Mes debatesh ndërmjet deputetëve të maxhorancës dhe opozitës, Komisioni i Ligjeve ka nisur diskutimin e pr.ligjit “Për menaxhimin e integruar të......
Treni Durrës-Rrogozhinë “vjen” në 2028 - Zv.ministrja Muçaj jep afatet për punimet dhe elektrifikimin e aksit 34 km
Rehabilitimi dhe elektrifikimi i hekurudhës Durrës – Rrogozhinë pritet të përfundojë në vitin 2028”. Afatet janë bërë me dije nga zv.ministrja e......
Tetori rozë, rëndësia e diagnostikimit të hershëm - Filipi: Mamografi falas në çdo qytet, ftesë për gratë mbi 50 vjeç
Tetori është i njohur si muaji i ndërgjegjësimit për kancerin e gjirit, ku vëmendja ndaj kësaj sëmundjeje shtohet dhe ndërmerren fushata të ndryshme për......
Sa kredi merrni nga institucionet jobanka? - Shtohet pesha e tyre në sistemin financiar. BSH: Rreth 39% e huasë, për bizneset
Përveç bankave, të cilat kanë pasur një performancë pozitive në gjysmën e parë të këtij viti, edhe sektori jobankar, i cili përbëhet nga institucionet......
