Qiratë dhe argëtimi rritën çmimet në janar/ Inflacioni e nis vitin me normën 2.3%
Inflacioni në muajin janar u vlerësua në 2.3%, duke mbetur gati i pandryshuar krahasuar me muajin paraardhës. Megjithatë, në krahasim me të njëjtën periudhë të një viti më parë, vihet re një rritje, pasi në janar të vitit 2025 inflacioni ishte 1.9%.
Të dhënat tregojnë se muaji i parë i vitit u karakterizua nga rritje më e theksuar e çmimeve në sektorin e argëtimit dhe të qirave. Grupi “Argëtim, sport dhe kulturë” shënoi rritjen më të lartë me 4.9%, i ndjekur nga “Qira, ujë, energji elektrike, gaz dhe karburante të tjera” dhe “Sigurime dhe shërbime financiare”, që regjistruan secili nga 4.4% rritje.
Rritje çmimesh u evidentuan edhe në grupin “Pije alkoolike dhe duhan” me 2.7%, “Kujdesi personal dhe mallra e shërbime të ndryshme” me 2.6%, si dhe “Restorante dhe shërbime akomodimi” me 2.4%. Krahasuar me muajin e kaluar, rritja më e madhe e çmimeve vërehet në grupin “Sigurime dhe shërbime financiare” me 4.2 %.
Sa i përket ndikimit në inflacionin vjetor, kontributin kryesor e dha grupi “Qira, ujë, energji elektrike, gaz dhe karburante të tjera” me +0.87 pikë përqindje, i ndjekur nga “Ushqime dhe pije joalkoolike” me +0.61 pikë përqindje. Ndërkohë, grupi“Mobilje, pajisje shtëpie dhe mirëmbajtje e shtëpisë” si dhe “Restorante dhe shërbime akomodimi” kontribuan me nga +0.14 pikë përqindje secili në rritjen vjetore të çmimeve.
Ecuria e inflacionit në fillim të vitit tregon se presionet kryesore vijojnë të vijnë nga kostot e strehimit dhe shërbimeve bazë, por edhe nga konsumi në sektorët e argëtimit dhe shërbimeve.
Live TV
Fondi 52 milion euro, miratohen skemat e reja të mbështetjes në bujqësi, më shumë para për blegtorinë
Qeveria ka miratuar skemat e reja të mbështetjes në bujqësi për vitin 2026, përmes një fondi prej 52 milionë eurosh. Këtë vit skema ka risi, ku ështe hequr......
“Nën vëzhgim, turizmi, ndërtimi dhe shërbimet mjekësore” - Administrata Tatimore në aksion, kontroll te sektorët me risk të lartë
Administrata Tatimore po thellon aksionin për formalizimin e ekonomisë, duke u fokusuar te sektorët me risk të lartë për informalitet. Turizmi, ndërtimi dhe......
Kur do të ulet akciza e karburanteve? - Ministri Malaj: E zbresim me 8 lekë nëse çmimi i pakicës kalon 220 lekë/litër
Gjatë një konference për mediat së bashku me drejtuesit e administrative tatimore dhe doganore, ministri i Financave, Petrit Malaj, foli për punën që po......
Bizneset do financojnë grumbullimin dhe riciklimin e mbetjeve - Përgjegjësia e Zgjeruar e Prodhuesit, kusht për anëtarësimin në BE
Ministria e Mjedisit ka gati 4 projektvendimet, që do i hapin rrugë zbatimit të ligjit “Për përgjegjësinë e zgjeruar të prodhuesit”, duke ngarkuar çdo......
