Analiza Postuar më 21 Janar 2025, 12:34

Qendra e Shqipërisë, magneti i turizmit ndërkombëtar/ Numri i netëve të qëndrimit nga të huajt në këtë rajon arriti në rreth 2.4 milionë

Nga Scan TV

Qendra e Shqipërisë, magneti i turizmit ndërkombëtar/ Numri

Në vitet e fundit, Shqipëria ka përjetuar një rritje të shpejtë të numrit të turistëve të huaj, të cilët kanë zgjedhur vendin tonë si destinacion për pushimet e tyre. Kjo rritje është reflektuar edhe në numrin e netëve të qëndrimit në hotelet dhe strukturat e tjera akomoduese.

Sipas të dhënave të Institutit të Statistikave (INSTAT), numri i netëve të qëndrimit nga turistët e huaj në periudhën Janar-Nëntor të vitit 2024 vlerësohet rreth 1.3 herë më i lartë se vitin e kaluar. Kjo rritje është një tregues i qartë i popullaritetit në rritje të Shqipërisë si destinacion turistik. Në 11-të muajt e vitit 2024 numri i netëve të qëndrimit u regjistrua në gati 5 milionë, nga 3.8 që ishin në të njejtën periudhë të vitit 2023.

“Scan Intel” ka analizuar me detaje numrin e netëve të qëndrimit nga vizitorët e huaj për të parë se në cilin rajon kanë preferuar të akomodohen. Referuar të dhënave zyrtare, turistët nga jashtë vendit preferojnë të akomodohen kryesisht në zonat bregdetare dhe në rajonin e Qendrës. Gjatë periudhës Janar-Nëntor të vitit 2024, numri i netëve të qëndrimit në rajonin e Qendrës u rrit me 48%, krahasuar me të njëjtën periudhë të vitit të kaluar dhe vlerësohen në total rreth 2.4 milionë netë qëndrime nga të huajt.

Rajoni i Jugut, i cili përfshin Beratin, Fierin, Gjirokastrën, Korçën dhe Vlorën, ka qenë gjithashtu një destinacion i lakmuar. Në vitin 2024, për njëmbëdhjetë mujorin, numri i netëve të qëndrimit në këtë rajonu regjistrua gati 1.6 milionë, me një rritje prej 38%.

Me modeste ka qenë rritja në rajonin e Veriut, ku u regjistruan rreth 1.1 milionë netë qëndrime dhe një ndryshim vjetor prej 7.6%. Megjithatë, përgjatë muajve të verës, shpërndarja e netë qendrimeve duket se ka qenë më e barabartë mes rajoneve.

Lehtësitë e transportit, akomodimi, shërbimet, ngjarjet dhe aktivitetet e ndryshme kanë bërë që rajoni i qendrës të jetë më i preferuari. Ky rajon ofron një gamë të gjerë opsionesh akomodimi, nga hotelet luksoze deri te bujtinat dhe apartamentet me qira. Shërbimet e ofruara janë të një cilësie të lartë, duke përfshirë restorante, kafene dhe qendra tregtare.

Sondazh

Poll

Live TV

Të fundit
Të gjitha lajmet

Më të vizituarat