Puna me kohë të pjesshme në rënie gjatë vitit 2025/ Të rinjtë dhe gratë mbeten grupi më i përfshirë në këtë formë punësimi
Punësimi me kohë të pjesshme është një nga format e punësimit që ka marrë gjithnjë e më shumë rëndësi në vitet e fundit, duke u parë shpesh si një alternativë fleksibël për individët që nuk mund të angazhohen me orar të plotë. Megjithatë, të dhënat për vitin 2025 tregojnë se pesha e këtij lloj punësimi ka ardhur në rënie gjatë vitit, veçanërisht në muajt e fundit.
Sipas të dhënave për popullsinë në moshë aktive pune, në fillim të vitit 2025 kishte 13.1% të punësuar me kohë të pjesëshme ndaj të punësuarve me pagë gjithsej. Gjatë tremujorit të dytë u vu re një ulje e lehtë, ku kjo përqindje zbriti në 12.6%. Rënia vijoi edhe në tremujorin e tretë, kur punësimi me kohë të pjesshme arriti në 11.8%. Tendenca zbritëse u bë edhe më e dukshme në fund të vitit, kur ky tregues ra ndjeshëm në 8.2%, duke shënuar nivelin më të ulët gjatë gjithë vitit.
Të dhënat tregojnë gjithashtu dallime të dukshme gjinore në këtë formë punësimi. Burrat rezultojnë me një përqindje më të ulët të punësimit me kohë të pjesshme, ndërsa për gratë ky fenomen është më i përhapur. Gjatë vitit 2025, për meshkujt niveli më i lartë u regjistrua në fillim të vitit me 9.5%, ndërsa në fund të vitit kjo përqindje ra në 5.9%. Edhe tek gratë u vu re i njëjti trend rënës, por me nivele dukshëm më të larta: nga 17.2% në fillim të vitit në 10.9% në fund të tij.
Nëse analizohen grupmoshat, rezulton se të rinjtë 15–24 vjeç kanë përqindjen më të lartë të punësimit me kohë të pjesshme. Kjo lidhet kryesisht me faktin se shumë prej tyre janë ende në proces studimi dhe zgjedhin ose detyrohen të punojnë me orar të reduktuar. Një nivel relativisht i lartë i kësaj forme punësimi vihet re edhe tek grupmosha 55–64 vjeç, e cila renditet e dyta për nga përqindja e punësimit me kohë të pjesshme.
Ndërkohë, grupmosha 25–54 vjeç paraqet përqindjen më të ulët, pasi shumica e individëve në këtë kategori janë të angazhuar në punë me kohë të plotë dhe në fazën më aktive të karrierës së tyre.
Në tërësi, të dhënat tregojnë se pavarësisht fleksibilitetit që ofron, punësimi me kohë të pjesshme ka shënuar rënie gjatë vitit 2025, duke reflektuar ndryshimet.
Live TV
Në nëntor Shqipëria pjesë e pagesave të shpejta TIPS, Guvernatori Sejko: Fitojmë kohë dhe para
Në muajin nëntor Shqipëria hedh hapin e fundit në integrimin e plotë në sistemin europian të pagesave. Këtë e bëri të ditur Guvernatori i Bankës së......
Gjenova, firmoset themelimi i "Fincantieri Albania", Nufi: Hap i rëndësishëm për industrinë detare shqiptare
Në Gjenova të Italisë, në Divizionin e Anijeve Detare të kompanisë FINCANTIERI, u hodh një hap i rëndësishëm drejt forcimit të bashkëpunimit strategjik mes......
Avioni i parë zjarrfikës nis punën për shuarjen e zjarreve/ Rama: Më të fortë e të përgatitur se asnjëherë më parë
Prej afro 48 orësh, flakët vijojnë të përpijnë sipërfaqe të mëdha me pyll me pisha në fshatin Ribaj të Mallakastrës. Zjarri, i cili ka nisur që në mëngjesin......
63 milionë euro taksë pasurie në buxhetin e bashkive/ Himara dhe Cërriku kryesojnë rritjen në gjysmën e parë të vitit
Të ardhurat e pushtetit vendor po njohin një rritje të fortë, duke reflektuar shtimin e arkëtimeve nga taksat dhe tarifat vendore që paguajnë qytetarët dhe......
