Produktet e importit po i blejmë më lirë/ Çmimet u ulën me 0.5%, me uljen më të madhe në sektorin e energjisë
Statistikat e tremujorit të tretë të vitit tregojnë një rënie të lehtë të çmimeve të importit, duke sinjalizuar se produktet e huaja po blihen më lirë krahasuar me të njëjtën periudhë të një viti më parë. Indeksi i çmimeve të importit për këtë periudhë arriti në nivelin 107.4, duke marrë si bazë vitin 2021.
Në krahasim me tremujorin e tretë të vitit 2024, indeksi shënoi një ulje prej 0.5%, megjithëse kjo rënie është më e lehtë se ajo e një viti më parë, e cila ishte -1.3%. Po ashtu, edhe krahasuar me tremujorin e dytë të këtij viti, indeksi i çmimeve të importit ka pësuar një rënie të lehtë prej 0.2%, duke konfirmuar një trend në rënie të çmimeve.
Në aspektin vjetor, uljen më të madhe e ka shënuar seksioni “Energjia elektrike, gazi, avulli dhe ajri i kondicionuar” me 4.6%, i ndjekur nga “Furnizimi me ujë, trajtimi dhe menaxhimi i mbetjeve” me 0.7%, si dhe “Industria përpunuese”, e cila përbën gjithashtu peshën më të madhe të importeve (94%), me një ulje prej 0.3%.
Brenda industrisë përpunuese, rënia më e ndjeshme e çmimeve është vërejtur në përpunimin e produkteve ushqimore me 1.7%, e pasuar nga prodhimi i drurit dhe produkteve prej druri me 1.2%, konfeksionimi i veshjeve me 0.8%, prodhimi i pijeve me 0.6% dhe prodhimi i kimikateve dhe produkteve kimike me 0.5%. Ndërkohë, industria nxjerrëse ka shënuar një rritje të lehtë prej 0.4%, duke lëvizur në drejtim të kundërt me shumicën e sektorëve të tjerë.
Nga ana tjetër, disa aktivitete kanë regjistruar rritje të çmimeve. “Industri të tjera p.k.t.” u rritën me 1.3%, pasuar nga prodhimi i produkteve të duhanit me 1.1% dhe shtypshkrimi dhe riprodhimi i mediave të regjistruara me 0.8%.
Edhe krahasimi me tremujorin e dytë të vitit 2025 tregon një prirje të ngjashme. Çmimet në sektorin e energjisë elektrike, gazit dhe avullit ranë me 1.1%, ndërsa industria përpunuese pati një rënie të lehtë prej 0.1%. Ndërkohë, sektori i furnizimit me ujë dhe menaxhimit të mbetjeve shënoi një rritje prej 0.9%.
Brenda industrisë përpunuese, ulja më e madhe e çmimeve në krahasim tremujor është regjistruar te përpunimi i produkteve ushqimore (-1.3%), prodhimi i kimikateve dhe produkteve kimike (-0.9%) si dhe përpunimi i tekstileve (-0.6%). Në të kundërt, rritje të çmimeve u vunë re te prodhimi i produkteve metalike të fabrikuara, përveç makinerive dhe pajisjeve me 0.8% dhe te prodhimi i produkteve të duhanit me 0.7%.
Në tërësi, të dhënat tregojnë se, pavarësisht disa rritjeve të izoluara në sektorë të caktuar, tendenca e përgjithshme e çmimeve të importit gjatë tremujorit të tretë mbetet në rënie të lehtë, çka përkthehet në një kosto relativisht më të ulët të mallrave të importuara për ekonominë.
Live TV
Shqipëria, në krye të Komunitetit të Transportit - Muçaj: Jemi të përkushtuar për të mbështetur reformat ambicioze
Shqipëria do të jetë në krye të Komunitetit të Transportit në 2026. Ministra dhe zyrtarë të lartë nga Ballkani Perëndimor, Bashkimi Evropian, Ukraina dhe......
Filtër kontrolli për investimet e huaja - Rregullorja e re/ Shqyrtim i veçantë për ato që lidhen me infrastrukturën publike kritike
Shqipëria po vendos një mekanizëm të ri kontrolli për investimet e huaja që hyjnë në vend, sidomos ato që prekin sektorët më të ndjeshëm të sigurisë......
Ibrahimaj prezanton strategjinë e re për lehtësimin e tregtisë/ Fokus te eksportet, transformimi industrial dhe afrimi me standartet e BE
Ministrja e Ekonomisë dhe Inovacionit, Delina Ibrahimaj, drejtoi mbledhjen e Komitetit Kombëtar të Lehtësimit të Tregtisë (KKLT), ku theksoi rëndësinë e......
Kartoni Jeshil në rekord, të huajt frenojnë sigurimin në kufi - AMF: Primet kufitare bien në 438 milionë lekë, kontratat ulen me gati 2%
Makinat me targa shqiptare që udhëtojnë jashtë vendit po sigurohen më shumë, ndërsa makinat me targa të huaja që futen në Shqipëri më pak. Sipas të dhënave......
