Popullsia ekonomikisht joaktive u ul me 1.3%/ Kukësi dhe Gjirokastra nga ana tjetër shënuan rritjet më të forta
Të dhënat e publikuara nga INSTAT mbi tregun e punës informojnë edhe mbi ecurinë e popullsisë ekonomikisht joaktive në vend. Në këtë kategori përfshihen personat që nuk janë pjesë e forcës së punës, pra nuk janë të punësuar dhe as nuk kërkojnë punë. Këta persona mund të jenë nxënës dhe studentë që vazhdojnë studimet, pensionistë, persona me aftësi të kufizuara, individë të angazhuar me detyrat shtëpiake, si edhe persona që nuk kërkojnë punë pasi besojnë se nuk do të mund të gjejnë një vend pune.
Në nivel kombëtar, popullsia ekonomikisht joaktive shënoi një ulje prej 1.3% gjatë vitit 2025 krahasuar me një vit më parë. Kjo tregon se, në tërësi, një numër më i madh qytetarësh janë integruar në tregun e punës ose kanë hyrë në forcën e punës duke kërkuar punësim.
Megjithatë, zhvillimi nuk ishte i njëjtë në të gjitha qarqet. Kukësi regjistroi rritjen më të lartë në përqindje të popullsisë ekonomikisht joaktive, me 40.2%, i ndjekur nga Gjirokastra me 26.4%. Rritje u shënuan edhe në Elbasan (+5.9%), Dibër (+3.0%) dhe Shkodër (+0.4%). Kjo nënkupton se në këto qarqe u shtua numri i personave që mbetën jashtë forcës së punës, qoftë për shkak të studimeve, pensionit, angazhimeve familjare apo arsyeve të tjera.
Në anën tjetër, Lezha regjistroi uljen më të madhe të popullsisë ekonomikisht joaktive, me 10.3%, e ndjekur nga Berati (-7.4%) dhe Tirana (-4.9%). Rënie u shënuan gjithashtu në Fier (-3.5%), Korçë (-2.7%), Vlorë (-1.0%) dhe Durrës (-0.1%). Kjo tregon se në këto qarqe më shumë persona u përfshinë në tregun e punës ose nisën të kërkonin aktivisht një vend pune.Pavarësisht rënies në nivel kombëtar, Tirana vijon të ketë numrin më të madh të personave ekonomikisht joaktivë, me rreth 237.5 mijë individë, e ndjekur nga Elbasani me afro 71.8 mijë. Këto shifra lidhen kryesisht me faktin se këto qarqe kanë edhe popullsinë më të madhe në vend.
Të dhënat sipas gjinisë tregojnë se femrat përbëjnë pjesën më të madhe të popullsisë ekonomikisht joaktive. Gjatë vitit 2025, rreth 435 mijë gra rezultonin jashtë forcës së punës, kundrejt rreth 290 mijë burrave. Megjithatë, krahasuar me një vit më parë, numri i personave ekonomikisht joaktivë ka rënë për të dyja gjinitë, duke sinjalizuar një përmirësim të situatës në tregun e punës dhe një përfshirje më të madhe të qytetarëve në aktivitetin ekonomik.
Lehtësim kriteresh për mbi 320 profesione të rregulluara - Në sitë licencat, tarifat dhe kufizimet për profesionistët vendas e të huaj
Kriteret për ushtrimin e qindra profesioneve në Shqipëri do t’i nënshtrohen një rishikimi, me synimin për të hequr kufizimet e panevojshme dhe për të ulur......
Mbi 666 mln lekë investime për sinjalistikën e sigurinë rrugore - ARRSH hap 4 tendera në katër rajonet e vendit
Autoriteti Rrugor Shqiptar (ARRSH) ka shpallur katër tendera me një fond limit total rreth 666,4 milionë lekë, për përmirësimin e sinjalistikës dhe pajisjeve......
SHBA rimburson 81 mld USD nga tarifat e Trump - Gjykata e Lartë i shpalli të paligjshme, presidenti njofton tarifa të reja
Qeveria amerikane ka kthyer tashmë dhjetëra miliarda dollarë në tarifa që kishte mbledhur përpara se Gjykata e Lartë t’i shpallte ato të paligjshme, sipas......
Shqipëria mbyll tre kapitujt e parë të negociatave - Sot, konferenca e IX ndërqeveritare në Bruksel
Negociatat me Bashkimin Europian kanë hyrë në një fazë të re për Shqipërinë. Në Bruksel do të mbahet Konferenca e nëntë Ndërqeveritare Shqipëri–BE, ku do të......
Forcohet sërish Dollari amerikan – Franga humbet pikë
Dollari amerikan e ka vijuar edhe këtë të martë trendin e tij pozitiv duke regjistruar sërish rritje të vlerës në raport me ditën që lamë pas teksa është......
Shkolla e mesme, pa garanci për punë/ Më shumë të papunë afatgjatë me gjimnaz se ato me arsim 8/9 vjeçar
Numri i të papunëve afatgjatë u ul gjatë vitit 2025, por të dhënat tregojnë se përmirësimi nuk është shpërndarë njësoj mes grupmoshave, gjinive dhe niveleve......
Tregu i kapitaleve me “rregulla të reja loje” - Poshnjari: Emetuesit e titujve do të kenë detyrime të reja për publikimin e informacionit
Me projektligjin e ri për transparencën e titujve qeveritarë, emetuesit e këtyre titujve, ose shoqëritë e listuara në tregun e rregulluar, janë të detyruar......
Punonjësit paguan 939 milionë euro për pensione/ 6-mujori 2026, rritje me 92 milionë euro. Cilat janë arsyet?
Buxheti i shtetit ka arkëtuar 93.9 miliardë lekë apo rreth 939 milionë euro në gjysmën e parë të vitit nga detyrimet që kanë paguar punonjësit në sektorin,......
